ಹಳಿ ತಪ್ಪಿದ ದಿಲ್ಲಿ -ಫೈಝಾಬಾದ್ ಎಕ್ಸ್​ಪ್ರೆಸ್ ರೈಲು ಬೋಗಿಗಳ ತೆರವುಗೊಳಿಸುವ ಕಾರ್ಯ ಆರಂಭ

 ಹೊಸದಿಲ್ಲಿ, ಮೇ 2:ಉತ್ತರ ಪ್ರದೇಶದ ಹಾಪುರದ ಗುರುಮುಖುಟೇಶ್ವರದ ಬಳಿ ರವಿವಾರ ರಾತ್ರಿ ಹಳ್ಳಿ ತಪ್ಪಿದ ದಿಲ್ಲಿ-ಫೈಝಾಬಾದ್ ಎಕ್ಸ್​ಪ್ರೆಸ್  ರೈಲಿನ ಬೋಗಿಗಳನ್ನು ರೈಲು ಹಳಿಯಿಂದ ತೆರವುಗೊಳಿಸುವ ಕಾರ್ಯ ಆರಂಭಗೊಂಡಿದೆ.
  ದಿಲ್ಲಿಯಿಂದ ಫೈಜಾಬಾದ್​ಗೆ ತೆರಳುತ್ತಿದ್ದ  ದಿಲ್ಲಿ-ಫೈಝಾಬಾದ್ ಎಕ್ಸ್​ಪ್ರೆಸ್  ರೈಲಿನ 8 ಬೋಗಿಗಳು  ಹಳಿ ತಪ್ಪಿದ ಪರಿಣಾಮವಾಗಿ 100ಕ್ಕೂ ಅಧಿಕ ಪ್ರಯಾಣಿಕರಿಗೆ ಗಾಯವಾಗಿತ್ತು..
ಮೊರದಾಬಾದ್ ವಿಭಾಗದ ಗುರುಮುಖುಟೇಶ್ವರ ಮತ್ತು ಖಂದಾದರ್  ಸ್ಟೇಷನ್‌ಗಳ  ನಡುವೆ ರೈಲು ಹಾದುಹೋಗುವಾಗ ಈ  ದುರ್ಘಟನೆ ನಡೆದಿದೆ.
ಗಾಯಗೊಂಡವರನ್ನು ಮೀರತ್, ಗಾಝಿಯಾಬಾದ್ ಮತ್ತು ಹಾಪುರ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ.