ಸಿಬಿಎಸ್ ಇ 10ನೇ ತರಗತಿಯ ಫಲಿತಾಂಶ ಪ್ರಕಟ
Update: 2021-08-03 08:00 GMT
ಹೊಸದಿಲ್ಲಿ: ಸಿಬಿಎಸ್‌ಇ 10 ನೇ ಫಲಿತಾಂಶಗಳನ್ನು ಮಂಗಳವಾರ ಮಧ್ಯಾಹ್ನ ಪ್ರಕಟಿಸಲಾಗಿದೆ.
ಸಿಬಿಎಸ್‌ಇ 10 ನೇ ತರಗತಿಯ ಫಲಿತಾಂಶಗಳನ್ನು ಮಂಡಳಿಯ ಅಧಿಕೃತ ವೆಬ್‌ಸೈಟ್‌ಗಳಲ್ಲಿ cbseresults.nic.in ನಲ್ಲಿ ಪ್ರಕಟಿಸಲಾಗಿದೆ.
Cbseresults.nic.in ನಿಂದ CBSE ಫಲಿತಾಂಶ 2021 ಅನ್ನು ಪರೀಕ್ಷಿಸಲು ಅಭ್ಯರ್ಥಿಗಳು ಲಾಗಿನ್ ಮಾಡಲು ರೋಲ್ ನಂಬರ್ ಅನ್ನು ಬಳಸಬೇಕಾಗುತ್ತದೆ.
ಸಿಬಿಎಸ್‌ಇ 10 ನೇ ತರಗತಿಯ ಫಲಿತಾಂಶಗಳ ಮಾರ್ಕ್‌ಶೀಟ್‌ಗಳು ಹಾಗೂ ಪ್ರಮಾಣಪತ್ರಗಳು digilocker.gov.ನಲ್ಲಿ ಲಭ್ಯವಿರುತ್ತವೆ. ಇದು ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯದ (ಮೀಟಿವೈ) ಪ್ರಮುಖ ಉಪಕ್ರಮವಾಗಿದೆ.
ಕೊರೋನ 2ನೇ ಅಲೆಯ ಕಾರಣದಿಂದಾಗಿ ಮಂಡಳಿಯು ಪರೀಕ್ಷೆ ನಡೆಸದೆ 10 ನೇ ತರಗತಿಯ ಫಲಿತಾಂಶವನ್ನು ಪ್ರಕಟಿಸುತ್ತಿರುವುದು ಇದೇ ಮೊದಲು. ಪರ್ಯಾಯ ಮೌಲ್ಯಮಾಪನ ಆಧಾರದಲ್ಲಿ ವಿದ್ಯಾರ್ಥಿಗಳ ಫಲಿತಾಂಶವನ್ನು ಘೋಷಿಸಲಾಗಿದೆ.