ಸೀಟ್‌ ಬೆಲ್ಟ್‌ ಕಡ್ಡಾಯಗೊಳಿಸುವುದಕ್ಕಿಂತ ರಸ್ತೆ ಹೊಂಡಗಳನ್ನು ಸರಿಪಡಿಸುವುದು ಮುಖ್ಯ: ನಟಿ ಪೂಜಾ ಭಟ್

ಹೊಸದಿಲ್ಲಿ: ಹಿಂಬದಿ ಸೀಟು ಪ್ರಯಾಣಿಕರಿಗೆ ಸೀಟ್‌ ಬೆಲ್ಟ್‌(seatbelt) ಕಡ್ಡಾಯಗೊಳಿಸುವುದಕ್ಕಿಂತ ರಸ್ತೆ ಹೊಂಡಗಳನ್ನು(potholes) ಸರಿಪಡಿಸುವುದು ಮುಖ್ಯ ಎಂದು ನಟಿ-ನಿರ್ದೇಶಕಿ ಪೂಜಾ ಭಟ್(Pooja Bhatt) ಹೇಳಿದ್ದಾರೆ. 

ಹಿಂಬದಿ ಸೀಟಿನ ಪ್ರಯಾಣಿಕರಿಗೆ ಸೀಟ್‌ ಬೆಲ್ಟ್‌ ಗಳನ್ನು ಕಡ್ಡಾಯಗೊಳಿಸುವುದಾಗಿ ಕೇಂದ್ರ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ(Nitin Gadkari) ಘೋಷಿಸಿದ ಬೆನ್ನಲ್ಲೇ ನಟಿ ಈ ಹೇಳಿಕೆಯನ್ನು ನೀಡಿದ್ದಾರೆ. ಉದ್ಯಮಿ ಸೈರಸ್‌ ಮಿಸ್ತ್ರಿ(Cyrus Mistry) ಅಪಘಾತಕ್ಕೊಳಗಾಗಿ ಮೃತಪಟ್ಟ ಎರಡು ದಿನಗಳ ಬಳಿಕ ಸೀಟ್‌ ಬೆಲ್ಟ್‌ ಕಡ್ಡಾಯಗೊಳಿಸುವ ಬಗ್ಗೆ ಸಚಿವರು ಮಾತನಾಡಿದ್ದರು. 

"ಸೀಟ್ ಬೆಲ್ಟ್ ಮತ್ತು ಏರ್ ಬ್ಯಾಗ್‌ಗಳ ಬಗ್ಗೆ ಮಾತನಾಡುವುದು ಮುಖ್ಯವೇ? ಹೌದು! ಆದರೆ ಅದಕ್ಕಿಂತ ಹೆಚ್ಚಾಗಿ ಗುಂಡಿಗಳು ಮತ್ತು ಹಾನಿಗೊಳಗಾದ ರಸ್ತೆಗಳನ್ನು ಸರಿಪಡಿಸುವುದು ಮುಖ್ಯ. ನಮ್ಮ ರಸ್ತೆಗಳು, ಹೆದ್ದಾರಿಗಳು, ಫ್ರೀವೇಗಳನ್ನು ನಿರ್ಮಿಸಲು ಗುಣಮಟ್ಟವಿಲ್ಲದ ವಸ್ತುಗಳನ್ನು ಬಳಸುವುದು ಯಾವಾಗ ಅಪರಾಧವೆಂದು ಪರಿಗಣಿಸಲ್ಪಡುತ್ತದೆ? ಆ ರಸ್ತೆಗಳನ್ನು ಒಮ್ಮೆ ನಿರ್ಮಿಸಿದ ನಂತರ ವೈಭವದಿಂದ ಉದ್ಘಾಟನೆ ಮಾಡುವುದು ಮುಖ್ಯವಾಗಿಬಿಟ್ಟಿದೆ.” ಎಂಟು ಟ್ವೀಟ್‌ ಮೂಲಕ ಪೂಜಾ ಟೀಕಿಸಿದ್ದಾರೆ.

ಅವರು ಪೋಸ್ಟ್ ಅನ್ನು ಹಂಚಿಕೊಂಡ ಕೂಡಲೇ, ಬಹಳಷ್ಟು ಟ್ವಿಟರ್ ಬಳಕೆದಾರರು ಅದಕ್ಕೆ ಪ್ರತಿಕ್ರಿಯಿಸಿದ್ದಾರೆ. ಬಳಕೆದಾರರಲ್ಲಿ ಒಬ್ಬ, "ಖಂಡಿತವಾರುಗಿಯೂ ನಿಜ. ಸೀಟ್ ಬೆಲ್ಟ್ ಮುಖ್ಯವಾಗಿದ್ದರೂ, ಉತ್ತಮ ಯೋಜನೆ ಮತ್ತು ರಸ್ತೆಗಳ ಕಾರ್ಯಗತಗೊಳಿಸುವಿಕೆ ಮತ್ತು ನಿರ್ವಹಣೆ ಮತ್ತು ನಿರ್ವಹಣೆಯು ಆಡಳಿತದ ಕೆಲಸವಾಗಿದೆ.... ದುಃಖಕರವೆಂದರೆ ಅವರು ಹೆಚ್ಚಿನ ಸಮಯಗಳಲ್ಲಿ ಅದರ ಬಗ್ಗೆ ಮಾತನಾಡುವುದಿಲ್ಲ." ಎಂದು ಬರೆದಿದ್ದಾರೆ.

ಇನ್ನೊಬ್ಬ ಬಳಕೆದಾರರು, "ಖಚಿತವಾಗಿಯೂ.. ಸೀಟ್ ಬೆಲ್ಟ್‌ಗಳು ಮತ್ತು ಏರ್‌ಬ್ಯಾಗ್‌ಗಳ ಮೇಲೆ ಮಾತ್ರ ಹೊಣೆಗಾರಿಕೆಯನ್ನು ಹಾಕುವುದರಿಂದ ಅದು ಸುರಕ್ಷಿತವಾಗುವುದಿಲ್ಲ. ರಸ್ತೆಗಳನ್ನು ನಿರ್ಮಿಸಲು ಬಿಲ್ಡರ್‌ಗಳು ಉತ್ತಮ ವಸ್ತುಗಳನ್ನು ಬಳಸುವುದನ್ನು ಕಡ್ಡಾಯಗೊಳಿಸುವುದರೊಂದಿಗೆ ರಸ್ತೆ ಸಾರಿಗೆಯ ಪ್ರತಿಯೊಂದು ಅಂಶಗಳನ್ನು ವರ್ಧಿಸಬೇಕು." ಎಂದಿದ್ದಾರೆ.

ಇದನ್ನೂ ಓದಿ: ರಣಬೀರ್- ಅಲಿಯಾ ಜೋಡಿ ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸದಂತೆ ಬಜರಂಗದಳ ಕಾರ್ಯಕರ್ತರು ತಡೆ

All this talk of seat-belts & air bags. Important? Yes! But more so is fixing potholes & damaged roads. When will the usage of substandard material to build our roads,highways,freeways be deemed criminal. Also maintaining those roads once built & inaugurated with pomp is key

— Pooja Bhatt (@PoojaB1972) September 7, 2022