ಮೂರು ವರ್ಷಗಳ ನಂತರ ಮೊದಲ ಏಕದಿನ ಶತಕ ಬಾರಿಸಿದ ರೋಹಿತ್‌ ಶರ್ಮ
Update: 2023-01-24 10:39 GMT
ಇಂದೋರ್‌ : ಭಾರತ ಮತ್ತು ನ್ಯೂಝಿಲೆಂಡ್‌ ನಡುವೆ ಇಂದು ಇಂದೋರ್‌ನಲ್ಲಿ ನಡೆಯುತ್ತಿರುವ ಮೂರನೇ ಏಕದಿನ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಕಳೆದ ಮೂರು ವರ್ಷಗಳ ಅವಧಿಯ ತಮ್ಮ ಮೊದಲನೇ ಶತಕವನ್ನು ಟೀಮ್‌ ಇಂಡಿಯಾ ಕಪ್ತಾನ ರೋಹಿತ್‌ ಶರ್ಮ (Rohit Sharma) ಸಿಡಿಸಿದ್ದಾರೆ.
ತಮ್ಮ ಶತಕಕ್ಕಾಗಿ ರೋಹಿತ್‌ 9 ಬೌಂಡರಿ ಮತ್ತು ಆರು ಸಿಕ್ಸರ್‌ ಬಾರಿಸಿ ತಾವು ಫಾರ್ಮ್‌ನಲ್ಲಿರುವುದನ್ನು ಸಾಬೀತುಪಡಿಸಿದ್ದಾರೆ. ಅರ್ಧಶತಕವನ್ನು ಕೇವಲ 41 ಬಾಲ್‌ಗಳಲ್ಲಿ ತಲುಪಿದ ರೋಹಿತ್‌, ಮುಂದಿನ 52 ರನ್‌ಗಳನ್ನು 42 ಬಾಲ್‌ ಎದುರಿಸಿ ಪಡೆದರು.
ಈ ಹಿಂದೆ ರೋಹಿತ್‌ ಜನವರಿ 2020 ರಲ್ಲಿ ಅಂತಾರಾಷ್ಟ್ರೀಯ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಬೆಂಗಳೂರಿನಲ್ಲಿ ಶತಕ ಬಾರಿಸಿದ್ದರು.
ಆರಂಭಿಕ ದಾಂಡಿಗರಾಗಿ ರೋಹಿತ್‌ ಅವರು ಶುಭಮನ್‌ ಗಿಲ್‌ ಜೊತೆಗೆ 212 ರನ್ ಗಳಿಸಿದರು. ಆದರೆ ಶತಕ ಸಿಡಿಸಿದ ಬೆನ್ನಿಗೇ ರೋಹಿತ್‌ ಔಟ್‌ ಆದರು.