ಉಕ್ರೇನ್‍ನ ಕರ್ಟೊವ್ಕಾ ಗ್ರಾಮ ರಶ್ಯದ ವಶಕ್ಕೆ : ವರದಿ

ಮಾಸ್ಕೊ: ರಶ್ಯದ ಪಡೆಗಳು ಪೂರ್ವ ಡೊನೆಟ್ಸ್ಕ್ ಪ್ರದೇಶದ `ಕರ್ಟೊವ್ಕಾ' ಗ್ರಾಮದ ಮೇಲೆ ನಿಯಂತ್ರಣ ಸಾಧಿಸಿವೆ ಎಂದು ರಶ್ಯದ ರಕ್ಷಣಾ ಸಚಿವಾಲಯವು ಶನಿವಾರ ತಿಳಿಸಿದೆ.

`ಯುಗ್' ತುಕಡಿ ನಡೆಸಿದ ಸಕ್ರಿಯ ಆಕ್ರಮಣಕಾರಿ ಕಾರ್ಯಾಚರಣೆಯ ನಂತರ ಈ ವಸಾಹತು ನಮ್ಮ ವಶಕ್ಕೆ ಬಂದಿದೆ. ನಮ್ಮ ಪಡೆಗಳು ಈ ಪ್ರದೇಶದ ಮೂಲಕ ಪಶ್ಚಿಮದತ್ತ ತಮ್ಮ ಮುನ್ನಡೆಯನ್ನು ಮುಂದುವರಿಸುತ್ತಿವೆ. ಇದರ ಜೊತೆಗೆ, ಕಳೆದ 24 ಗಂಟೆಗಳಲ್ಲಿ ಮುಂಚೂಣಿಯ ವಿವಿಧ ವಲಯಗಳಲ್ಲಿ ಉಕ್ರೇನಿಯನ್ ಪಡೆಗಳು ಭಾರಿ ನಷ್ಟವನ್ನು ಅನುಭವಿಸಿವೆ. ಉಕ್ರೇನ್‍ನ ಶಸ್ತ್ರಸಜ್ಜಿತ ವಾಹನಗಳು ಮತ್ತು ಅಮೆರಿಕ ನಿರ್ಮಿತ ಹೌವಿಟ್ಜರ್ ಸೇರಿದಂತೆ ಮಿಲಿಟರಿ ಉಪಕರಣಗಳು ನಾಶವಾಗಿವೆ ಎಂದು ಸಚಿವಾಲಯ ಹೇಳಿದೆ.