ಲಿಂಗಸುಗೂರು | ಹಣ ದುರ್ಬಳಕೆ ಆರೋಪ, ಪಿಡಿಓ ಅಮಾನತು

ರಾಯಚೂರು: ಜಿಲ್ಲೆಯ ಲಿಂಗಸುಗೂರು ತಾಲೂಕಿನ ಕೋಠ ಗ್ರಾಮ ಪಂಚಾಯತ್‌ ಪಿಡಿಓ ಗಂಗಮ್ಮ ಅವರನ್ನು ಕರ್ತವ್ಯ ಲೋಪ ಎಸಗಿದ ಆರೋಪದ ಮೇಲೆ ಅಮಾನತು ಮಾಡಲಾಗಿದೆ.

2024 -25 ನೇ ಸಾಲಿನ 15ನೇ ಹಣಕಾಸು ಯೋಜನೆಯಡಿಯಲ್ಲಿ ಕಾಮಗಾರಿ ಬಿಲ್ಲುಗಳಲ್ಲಿ ಕಟಾಯಿಸಲಾದ ಶಾಸನಬದ್ಧ ಕಟಾವಣೆಯಲ್ಲಿ ಹಾಗೂ ವಿವಿಧ ಕಾಮಗಾರಿ ಸೇರಿ 26,71,303 ರೂ. ಮೊತ್ತ ಅನುದಾನ ದುರುಪಯೋಗಪಡಿಸಿಕೊಂಡ ಮೇರೆಗೆ ಅಧಿಕಾರಿಗಳು ತನಿಖೆ ನಡೆಸಿದ್ದರು.

ಪಿಡಿಓ ಗಂಗಮ್ಮ ಅವರು ಕಾನೂನು ಬಾಹಿರ ಮಾರ್ಗಸೂಚಿ ಉಲ್ಲಂಘಿರುವುದನ್ನು ಕಂಡು ಬಂದ ಕಾರಣ ಜಿಲ್ಲಾ ಪಂಚಾಯತ್ ಸಿಇಓ ರಾಹುಲ್ ತುಕಾರಾಂ ಪಾಂಡ್ವೆ ಅವರು ಗಂಗಮ್ಮ ಅವರನ್ನು ಸೇವೆಯಿಂದ ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.