ಕಾಸರಗೋಡು: ಜಿಲ್ಲಾ ಶಾಲಾ ಕಲೋತ್ಸವಕ್ಕೆ ಚಾಲನೆ

ಕಾಸರಗೋಡು : 56 ನೇ  ಕಾಸರಗೋಡು ಜಿಲ್ಲಾ  ಶಾಲಾ ಕಲೋತ್ಸವಕ್ಕೆ ಸೋಮವಾರ ಕಾಸರಗೋಡು ಹಯರ್ ಸೆಕಂಡರಿ ಶಾಲೆ ಯಲ್ಲಿ ಚಾಲನೆ ಲಭಿಸಿದ್ದು , ಜ.8ರ ತನಕ ನಡೆಯಲಿದೆ .

ಮೊದಲ ದಿನ ವೇದಿಕೇತರ  ಸ್ಪರ್ದೆಗಳು ನಡೆದಿದ್ದು, ಕುಂಬಳೆ ಮತ್ತು ಬೇಕಲ ಉಪ ಜಿಲ್ಲೆ ತಲಾ 28 ಅಂಕ ಪಡೆದು  ಮೊದಲ  ಸ್ಥಾನದಲ್ಲಿದೆ.
ಹೊಸದುರ್ಗ , ಕಾಸರಗೋಡು , ಚೆರ್ವತ್ತೂರು , ಮಂಜೇಶ್ವರ , ಚಿತ್ತಾರಿಕಾಲ್  ಉಪಜಿಲ್ಲೆ ಗಳು  ನಂತರದ ಸ್ಥಾನದಲ್ಲಿದೆ .
ಇಂದು ಬೆಳಿಗ್ಗೆ  ಶಿಕ್ಷಣಾಧಿಕಾರಿ  ವಿ . ವಿ ರಾಮಚಂದ್ರನ್ ಧ್ವಜ ರೋಹಣ ನೆರವೇರಿಸುವುದರೊಂದಿಗೆ  ಕಲೋತ್ಸವಕ್ಕೆ ಚಾಲನೆ  ನೀಡಲಾಯಿತು .
ಕಲೋತ್ಸವಕ್ಕೆ  ಜ.5ರಂದು ಸಂಜೆ 5 ಗಂಟೆಗೆ ಅಧಿಕೃತ ಚಾಲನೆ ಲಭಿಸಲಿದೆ.  ಶಾಸಕ ಎನ್ . ಎ ನೆಲ್ಲಿಕುನ್ನು  ಉದ್ಘಾಟನೆ ನೆರವೇರಿಸುವರು . 8 ರಂದು ನಡೆಯುವ ಸಮಾರೋಪ ಸಮಾರಂಭವನ್ನು  ಸಂಸದ ಪಿ. ಕರುಣಾಕರನ್ ಉದ್ಘಾಟಿಸುವರು.