ಪ್ರಧಾನಿ ಮೋದಿ ಇಂದು ಪಠಾಣ್‌ಕೋಟ್‌ಗೆ: ಭದ್ರತೆಯ ಬಗ್ಗೆ ಪರಿಶೀಲನೆ

ಪಠಾಣ್‌ಕೋಟ್: ಉಗ್ರರ ದಾಳಿಗೊಳಗಾದ ಪಂಜಾಬ್‌ನ ಪಠಾಣ್‌ಕೋಟ್ ವಾಯುಪಡೆ ನೆಲೆಗೆ ಪ್ರಧಾನಿ ನರೇಂದ್ರ ಮೋದಿ ಇಂದು ಭೇಟಿ ನೀಡಲಿದ್ದಾರೆ. ಬೆಳಗ್ಗೆ 11 ಗಂಟೆಗೆ ಪ್ರಧಾನಿ ಮೋದಿ ಪಠಾಣ್‌ಕೋಟ್‌ಗೆ ತಲುಪಲಿದ್ದಾರೆ ಎಂದು ತಿಳಿದುಬಂದಿದೆ.

ಉಗ್ರರ ದಾಳಿಯ ಬಳಿಕ ಅಲ್ಲಿನ ಪರಿಸ್ಥಿತಿ ಹಾಗೂ ವಾಯುಪಡೆ ನೆಲೆಯ ಭದ್ರತೆಯ ಬಗ್ಗೆ ಮೋದಿ ಮಾತುಕತೆ ನಡೆಸಲಿದ್ದಾರೆ.

ಉಗ್ರರನ್ನು ಕೊಂದು ಹಾಕಿದ ಬಳಿಕ ವಾಯುಪಡೆ ನೆಲೆ ಸಂಪೂರ್ಣವಾಗಿ ತಪಾಸಣೆ ನಡೆಸಿ ಭದ್ರತೆಯನ್ನು ಖಚಿತಪಡಿಸಲಾಗಿದೆ ಎಂದು ವಾಯುಸೇನೆ ತಿಳಿಸಿದೆ.

ಇದೇ ವೇಳೆ ಘಟನೆಯ ಬಗ್ಗೆ ಎನ್‌ಐಎ ತಂಡದ ತನಿಖೆ ಮುಂದುವರಿದಿದೆ. ಗಡಿ ಗ್ರಾಮಗಳು ಹಾಗೂ ವಾಯುಪಡೆ ನೆಲೆಯಿಂದ ಸಂಗ್ರಹಿಸಲಾದ ಹೆಜ್ಜೆಗುರುತುಗಳನ್ನು ಫೋರೆನ್ಸಿಕ್ ಪರಿಶೀಲನೆಗಾಗಿ ಕಳುಹಿಸಲಾಗಿದೆ.