ಕಾಸರಗೋಡು : ಪಲ್ಸ್ ಪೋಲಿಯೋ ರೋಗ ಪ್ರತಿರೋಧ ಔಷಧಿ ವಿತರಣಾ ಕಾರ್ಯಕ್ರಮ

ಕಾಸರಗೋಡು :   ಜಿಲ್ಲೆಯಲ್ಲಿ ಪಲ್ಸ್ ಪೋಲಿಯೋ  ರೋಗ ಪ್ರತಿರೋಧ ಔಷಧಿ  ವಿತರಣಾ ಕಾರ್ಯಕ್ರಮ ನಾಳೆ ( ೧೭)  ನಡೆಯಲಿದ್ದು ,  ಸಿದ್ದತೆ ಪೂರ್ಣಗೊಂಡಿದೆ ಎಂದು ಜಿಲ್ಲಾ ವೈದ್ಯಾಧಿಕಾರಿ ಡಾ . ಎಚ್ . ದಿನೇಶ್ ಕುಮಾರ್  ತಿಳಿಸಿದ್ದಾರೆ.
ಇದಕ್ಕಾಗಿ ಜಿಲ್ಲೆಯಲ್ಲಿ ೧೧೯೭ ಕೇಂದ್ರಗಳನ್ನು ತೆರೆಯಲಾಗಿದೆ. ಐದು ವರ್ಷ ಕೆಳಗಿನ ೧, ೨೦,೭೩೪ ಮಕ್ಕಳಿಗೆ  ನಾಳೆ ಬೆಳಿಗ್ಗೆ  ೮ ರಿಂದ  ಸಂಜೆ  ೫ ರ ತನಕ  ಔಷಧಿ ವಿತರಿಸಲಾಗುವುದು.  ೨೭೯೪ ಸ್ವಯಂ ಸೇವಕರು , ೧೭೭ ಮೇಲ್ವಿಚಾರಕರ  ಸೇವೆಯನ್ನು ಇದಕ್ಕಾಗಿ ಬಳಸಲಾಗುವುದು.  ಜಿಲ್ಲೆಯ ೪೪ ಪ್ರಾಥಮಿಕ ಆರೋಗ್ಯ ಕೇಂದ್ರ ,  ಎಂಟು ಸಮುದಾಯ ಆರೋಗ್ಯ ಕೇಂದ್ರ , ಎರಡು ತಾಲೂಕು ಆಸ್ಪತ್ರೆ , ಜಿಲ್ಲಾ  ಜನರಲ್  ಆಸ್ಪತ್ರೆಗಳಲ್ಲೂ  ಇದಕ್ಕೆ ವ್ಯವಸ್ಥೆ ಕಲ್ಪಿಸಲಾಗಿದೆ  ಎಂದು ಹೇಳಿದರು.
ಅನ್ಯ ರಾಜ್ಯದಿಂದ ಜಿಲ್ಲೆಯಲ್ಲಿ ಬಂದು ವಾಸಿಸುವ  ಕಾರ್ಮಿಕರ ಮಕ್ಕಳಿಗೆ ಔಷಧಿ ವಿತರಿಸಲು ಅಗತ್ಯ ಕ್ರಮ ತೆಗೆದುಕೊಳ್ಳಲಾಗಿದೆ.  ೧೮ ರಿಂದ ೨೦ ರ ತನಕ ತರಬೇತಿ ಲಭಿಸಿದ   ಸ್ವಯಂ ಸೇವಕರು  ಮನೆ ಮನೆ ಗಳಿಗೆ  ತಲುಪಿ  ಪೋಲಿಯೋ  ಔಷಧಿ ಲಭಿಸಿದೆಯೇ ಎಂಬ ಬಗ್ಗೆ ಖಚಿತಪಡಿಸುವರು.
ಸುದ್ದಿಗೋಷ್ಠಿಯಲ್ಲಿ  ಎ ಡಿ ಎಂ ಎಚ್ . ದಿನೇಶನ್, ಡಾ . ಕೆ . ನಾರಾಯಣ ನಾಯಕ್ , ಡಾ . ಮುರಳೀಧರ ನಲೂರಾಯ ,  ಎಂ . ರಾಮಚಂದ್ರ , ಡಾ. ವಿಮಲ್ ರಾಜ್ ಮೊದಲಾದವರು  ಉಪಸ್ಥಿತರಿದ್ದರು .