* ಭಾರತ ಹಾಗೂ ಫ್ರಾನ್ಸ್ ಒಂದೇ ರೀತಿಯ ಸಮಸ್ಯೆ ಎದುರಿಸುತ್ತಿದೆ.
- ಫ್ರಾಂಕೊಯಿಸ್ ಹೊಲ್ಲಾಂಡ್, ಫ್ರಾನ್ಸ್ ಅಧ್ಯಕ್ಷ
-ಆ ಸಮಸ್ಯೆಯ ಹೆಸರು ನರೇಂದ್ರ ಮೋದಿ ಅಲ್ಲ ತಾನೇ?
..........................................................................
* ಕನ್ನಡದಲ್ಲಿ ಸಂಶೋಧನೆ ನಡೆಸಲು ಸಂಸ್ಕೃತ ಮೂಲದ ಪ್ರಾಚೀನ ಕಾವ್ಯಗಳ ಓದು ಅನಿವಾರ್ಯ.
- ಡಾ.ಎಸ್.ಎಲ್. ಭೈರಪ್ಪ, ಹಿರಿಯ ಸಾಹಿತಿ
- ಮೊದಲು ಕರ್ನಾಟಕದಲ್ಲಿ ಕನ್ನಡ ಓದುವುದು ಅನಿವಾರ್ಯಗೊಳಿಸೋಣ.
...............................................................
* ಮುಖ್ಯಮಂತ್ರಿ ಸಿದ್ದರಾಮಯ್ಯರಿಗೆ ದುಡ್ಡಿನ ಮದ ಬಂದಿದೆ.
- ಎಚ್.ಡಿ. ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
-ನಿಮ್ಮ ಮದ ಇಳಿದಿದೆಯೇ?
.........................................................................
* ಖುಜರಾಹೋದಲ್ಲಿರುವ ಬೆತ್ತಲೆ ಶಿಲ್ಪಗಳಿಗೂ ಮೋದಿ ಸರಕಾರದ ಸಂಸ್ಕೃತಿ ಸಚಿವರು ಸೀರೆ ಉಡಿಸುವ ದಿನ ದೂರವಿಲ್ಲ..
- ನಯನತಾರಾ ಸೆಹಗಲ್, ಸಾಹಿತಿ
-ಭೈರಪ್ಪ ಅವರು ಆ ಶಿಲ್ಪಗಳಿಗೆ ಸಂಸ್ಕೃತ ಕಲಿಸುವುದಕ್ಕೆ ಮುಂದಾಗಿದ್ದಾರಂತೆ.
...........................................................................
* ನನಗೆ ಯಾವುದೇ ಸ್ಥಾನಮಾನ ನೀಡದಿದ್ದರೂ ಬಿಜೆಪಿಯನ್ನು ಬಲಪಡಿಸಲು ಸಂಕಲ್ಪ ಮಾಡಿದ್ದೇನೆ.
- ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ
-ಸ್ಥಾನವೇನೋ ಕೊಡಬಹುದು. ಆದರೆ ಮಾನವನ್ನು ಅದು ಕೊಡುವುದೆಲ್ಲಿಂದ?
......................................................................
* ಗೋಮಾಂಸ ಬೇಕಿದ್ದರೆ ನನಗೆ ಮತ ಹಾಕಿ.
- ಅಸಾದುದ್ದೀನ್ ಉವೈಸಿ, ಸಂಸದ
-ಕಸಾಯಿ ಖಾನೆಯಲ್ಲೇ ಮತಗಟ್ಟೆ ಮಾಡಬೇಕಾದೀತೇನೋ?
.........................................................................
* ಭಾರತ ಮತ್ತು ಫ್ರಾನ್ಸ್ ಕೈಜೋಡಿಸಿದರೆ ವಿಶ್ವಕ್ಕೆ ಭದ್ರತೆ ಒದಗಿಸಬಹುದು.
-ನರೇಂದ್ರ ಮೋದಿ, ಪ್ರಧಾನಿ
-ನಿಮ್ಮಿಬ್ಬರಿಂದ ವಿಶ್ವಕ್ಕೆ ಭದ್ರತೆಯನ್ನು ಕೊಡುವವರಾರು?
................................................................................
* ಗುಂಡಿನ ಮಳೆಯ ಕೆಳಗೆ ಶಾಂತಿ ಅಸಾಧ್ಯ.
- ಪ್ರಣವ್ ಮುಖರ್ಜಿ, ರಾಷ್ಟ್ರಪತಿ
-ಯಾವುದಾದರೂ ಆಗಬಹುದು, ಮಳೆ ಸುರಿದರೆ ಸಾಕು ಎನ್ನುವುದು ರೈತರ ಬೇಡಿಕೆ. ............................................................................
* ನಮ್ಮ ಪಕ್ಷ 18ರ ಸಂಖ್ಯೆ ಬಂದಾಗಲೆಲ್ಲ ಅಧಿಕಾರ ಪಡೆದುಕೊಂಡಿದೆ. 2018ರಲ್ಲಿ ಜೆಡಿಎಸ್ ಅಧಿಕಾರಕ್ಕೆ ಬರುವುದು ನಿಶ್ಚಿತ.
- ಎಚ್.ಡಿ. ರೇವಣ್ಣ, ಮಾಜಿ ಸಚಿವ
-ಮತದಾರರು 18ನ್ನು 19 ಎಂದು ಕರೆಯಲು ನಿರ್ಧರಿಸಿದ್ದಾರಂತೆ.
....................................................................................
* ಸಚಿನ್ ತೆಂಡುಲ್ಕರ್ರಂತಹ ತಾರೆಯರನ್ನು ರಾಜ್ಯಸಭೆ ಸದಸ್ಯರನ್ನಾಗಿ ಮಾಡುವುದು ವ್ಯರ್ಥ.
-ಶತ್ರುಘ್ನ ಸಿನ್ಹಾ, ಸಂಸದ
-ತಾವೂ ಸಿನೆಮಾ ತಾರೆಯೇ ಅಲ್ಲವೇ?
...........................................................................................
* ಕರ್ನಾಟಕ ಉಗ್ರರ ಸುರಕ್ಷಿತ ತಾಣವಾಗುತ್ತಿದೆ.
- ಪ್ರಹ್ಲಾದ್ ಜೋಷಿ, ಬಿಜೆಪಿ ರಾಜ್ಯಾಧ್ಯಕ್ಷ
- ನಿಮ್ಮವರು ಬಹಿರಂಗವಾಗಿ ಮಾಡುತ್ತಿರುವ ಕೃತ್ಯಗಳನ್ನು ನೋಡುವಾಗ ಅದು ನಿಜ ಅನ್ನಿಸುತ್ತದೆ.
.......................................................................................
* ನನ್ನ ಸಾವಿನ ಸುದ್ದಿ ಸುಳ್ಳು.
- ಶರದ್ಪವಾರ್, ಎನ್ಸಿಪಿ ನಾಯಕ
-ಸುಳ್ಳು ಎನ್ನುವುದನ್ನು ಸಾಕ್ಷಿ ಸಮೇತ ಸಾಬೀತುಗೊಳಿಸಿ.
........................................................................................
* ದೇಶದಲ್ಲಿ ಅಭಿವ್ಯಕ್ತಿ ಸ್ವಾತಂತ್ರವೇ ಇಲ್ಲ ಎನ್ನುವಂತಹ ಪರಿಸ್ಥಿತಿ ನಿರ್ಮಾಣವಾಗಿಲ್ಲ.
- ಎಲ್.ಕೆ. ಅಡ್ವಾಣಿ, ಬಿಜೆಪಿ ಮುಖಂಡ
-ಹೌದು. ಆಗಾಗ ನಿಮಗೆ ಮಾತನಾಡುವುದಕ್ಕೆ ಅವಕಾಶ ಸಿಗುತ್ತಿರುವುದೇ ಅದಕ್ಕೆ ಉತ್ತಮ ಉದಾಹರಣೆ.
.................................................................................................
* ಇಂದು ಪ್ರಕೃತಿಯಲ್ಲಿರುವ ಕ್ರಿಮಿಕೀಟಗಳು, ಮರಗಿಡ ಜೀವ ವೈವಿಧ್ಯಗಳೆಲ್ಲವುಗಳ ಮೇಲೂ ದಾಳಿಯಾಗುತ್ತಿವೆ.
- ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
-ದಾಳಿಗಳು ಈಗ ಸಂಸ್ಕೃತಿ ರಕ್ಷಣೆ ಎಂಬ ಹೆಸರಿನಲ್ಲಿ ಪ್ರಸಿದ್ಧವಾಗುತ್ತಿವೆ.
...............................................................................
* ಭಾರತ ಮಾಡುತ್ತಿರುವ ಸಾಧನೆ ಕುರಿತು ಯಾರೂ ಮಾತನಾಡುತ್ತಿಲ್ಲ.
- ಡೊನಾಲ್ಡ್ ಟ್ರಂಪ್, ಅಮೆರಿಕ ರಿಪಬ್ಲಿಕನ್ ಅಧ್ಯಕ್ಷೀಯ ಅಭ್ಯರ್ಥಿ
-ಬೆಳೆಯುತ್ತಿರುವ ಅಸಹಿಷ್ಣುತೆಯನ್ನು ಉಲ್ಲೇಖಿಸಿ ಈ ಮಾತೇ?
.....................................................................................
* ಆಕಾಶದಲ್ಲೇನಿದೆ. ಪಾತಾಳದಲ್ಲೇನಿದೆ ಎನ್ನುವುದೆಲ್ಲವೂ ದೇವೇಗೌಡರಿಗೆ ಗೊತ್ತಿದೆ.
- ಜಾಫರ್ ಶರೀಫ್, ಕಾಂಗ್ರೆಸ್ ನಾಯಕ
-ಶರೀಫರ ತಲೆಯೊಳಗೆ ಏನಿದೆ ಎನ್ನುವುದನ್ನೊಂದು ಬಿಟ್ಟು.
......................................................................
*ಎಲ್ಲಿಯವರೆಗೆ ಸಾಮಾಜಿಕ ತಾರತಮ್ಯ ಇರುತ್ತದೆಯೋ ಅಲ್ಲಿಯವರೆಗೆ ಮೀಸಲಾತಿಯೂ ಇರಬೇಕು.
- ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ
-ಹೇಳಿ. ಎಲ್ಲಿಯವರೆಗೆ ತಾರತಮ್ಯ ಇರಬೇಕು ಎಂದು ಬಯಸುತ್ತೀರಿ?
........................................................................................
* ಸರಕಾರಿ ಬಸ್ಗಳು ಡಕೋಟಾ ಆಗಿದೆ.
- ಕೆ.ಎಸ್. ಈಶ್ವರಪ್ಪ, ಪರಿಷತ್ ಪ್ರ.ಪ.ನಾಯಕ
-ನಿಮ್ಮ ಪಕ್ಷಕ್ಕಿಂತ ವಾಸಿ.
...........................................................................
* ಕಾಂಗ್ರೆಸ್ನ ಒಳಗೇ ನಮಗೆ ಎದುರಾಳಿಗಳಿದ್ದಾರೆ.
- ಡಾ.ಜಿ.ಪರಮೇಶ್ವರ್, ಗೃಹಸಚಿವ
-ಇದು ಗೊತ್ತಿರುವ ಸಂಗತಿಯೇ ಅಲ್ಲವೇ?
.............................................................................................
* ಈಗಿನ ರಾಜಕೀಯ ನಮ್ಮಂತಹವರಿಗಲ್ಲ.
- ಎಚ್.ಡಿ. ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
-ದೇವೇಗೌಡರಂಥವರಿಗೇ ವಾಸಿ ಎನ್ನುತ್ತೀರಾ?
