ಫೆ. 12: ಅಲಂಗಾರು ಶ್ರೀ ಅಯ್ಯ ಸ್ವಾಮಿ ಮಠದಲ್ಲಿ ಆರಾಧನಾ ಉತ್ಸವ

ಮೂಡಬಿದಿರೆ, ಫೆ.9: ಅಲಂಗಾರು ಜಗದ್ಗುರು ಶ್ರೀ ಅಯ್ಯ ಸ್ವಾಮಿ ಮಠದಲ್ಲಿ ಫೆ.12ರಂದು ಶ್ರೀ ಗುರು ಆರಾಧನಾ ಉತ್ಸವವು ನಡೆಯಲಿದೆ.

   ಗುರುವಾರ (ಫೆ.11) ನವಗ್ರಹ ಪ್ರತಿಷ್ಠಾ ದಿನಾಚರಣೆ, ಸಹಸ್ರ ಮೃತ್ಯುಂಜಯ ಯಜ್ಞ, ಸಂಜೆಯಿಂದ ಮರುಮುಂಜಾನೆಯವರೆಗೆ ಭಜನೆ, ಶುಕ್ರವಾರ (ಫೆ.12) ಬೆ.ಗಂ. 9 ಗಂಟೆಗೆ ಗುರುದೇವರಿಗೆ ಪಂಚಾಮೃತಾಭಿಷೇಕ, ಮಧ್ಯಾಹ್ನ 11ಕ್ಕೆ ಶ್ರೀ ಗುರುಮಠ ಕಾಳಿಕಾಂಬಾ ದೇವಸ್ಥಾನಕ್ಕೆ ಸಂದರ್ಶನ, ಮಠಕ್ಕೆ ಪುನರಾಗಮನ, ಮಹಾ ಸಂತರ್ಪಣೆ ನಡೆಯಲಿದೆ. ಸಾಂಸ್ಕೃತಿಕ ಕಾರ್ಯಕ್ರಮವಾಗಿ ಬೆ. ಗಂ.11ರಿಂದ 12.30ರವರೆಗೆ ಕುಂಜೂರು ಗಣೇಶ ಆಚಾರ್ಯ ಬಳಗದವರಿಂದ ‘ಸ್ವರ್ಣ ಮೇಧಿನಿ’ ಯಕ್ಷಗಾನ ತಾಳಮದ್ದಳೆ ಏರ್ಪಡಿಸಲಾಗಿದೆ.