ಆ್ಯಪಲ್ ಉತ್ಪನ್ನಗಳನ್ನು ಬಹಿಷ್ಕರಿಸಬೇಕೆಂದು ಹೇಳಿ ಆ್ಯಪಲ್ ಐ-ಫೋನಿಂದ ಟ್ಟೀಟ್ ಮಾಡಿದ ಡೊನಾಲ್ಡ್ ಟ್ರಂಪ್ !
ನ್ಯೂಯಾರ್ಕ್ : ಸ್ಯಾನ್ ಬೆರ್ನಾರ್ಡಿನೋ ಶೂಟರ್ಗಳ ಐ-ಫೊನ್ಅನ್-ಲಾಕ್ ಮಾಡಲು ತಂತ್ರಜ್ಞಾನ ದೈತ್ಯ ಆ್ಯಪಲ್ ಕಂಪೆನಿಯು ಸಹಕರಿಸಲು ಒಪ್ಪುವ ತನಕ ಕಂಪೆನಿಯಉತ್ಪನ್ನಗಳನ್ನು ಬಹಿಷ್ಕರಿಸಬೇಕೆಂದು ಅಮೆರಿಕದ ರಿಪಬ್ಲಿಕನ್ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ರವರು ದಕ್ಷಿಣ ಕ್ಯಾರೋಲಿನಾದಟೌನ್ ಹಾಲ್ನಲ್ಲಿ ನಡೆದ ಸಮಾರಂಭದಲ್ಲಿ ಹೇಳಿದ ಕೆಲವೇ ಗಂಟೆಗಳಲ್ಲಿ ತಮ್ಮ ಆ್ಯಪಲ್ ಐ-ಫೋನಿನಿಂದಲೇ ಹಲವಾರು ಟ್ವೀಟ್ ಮಾಡಿದ ಘಟನೆ ಸಾಕಷ್ಟು ಕುತೂಹಲ ಕೆರಳಿಸಿದೆ.
‘‘ಅವರು ಸೆಕ್ಯುರಿಟಿ ಸಂಖ್ಯೆಯನ್ನು ನೀಡುವ ತನಕ ನೀವು ಆ್ಯಪಲನ್ನು ಬಹಿಷ್ಕರಿಸಬೇಕೆಂದು ನನಗನಿಸುತ್ತದೆ,’’ ಎಂದು ಸಭೆಯಲ್ಲಿ ಮಾತನಾಡುತ್ತಾ ಹೇಳಿದ ಟ್ರಂಪ್ ‘‘ನಿಮಗೆ ಏನನಿಸುತ್ತದೆ? ನಾನು ಕೂಡ ಅದರ ಬಗ್ಗೆಯೇ ಯೋಚಿಸಿದೆ,’’ಎಂದು ಹೇಳಿದ್ದರು.
ಅಮೆರಿಕಾದ ಫೆಡರಲ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯವೊಂದು ಶೂಟರುಗಳ ಐ-ಫೋನನ್ನು ಅನ್ ಲಾಕ್ ಮಾಡಲು ಎಫ್ಬಿಐದೊಂದಿಗೆ ಕಂಪೆನಿ ಸಹಕರಿಸಬೇಕೆಂದು ಕೋರಿದ್ದರೆ ಆ್ಯಪಲ್ ಅದಕ್ಕೆ ನಿರಾಕರಿಸಿತ್ತು. ಅದರ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಟಿಮ್ ಕುಕ್ ಈ ಬೇಡಿಕೆಯನ್ನು ‘‘ಚಳಿ ಹುಟ್ಟಿಸುವಂತಹದ್ದು’’ ಎಂದು ಬಣ್ಣಿಸಿದ್ದರು. ಕಂಪೆನಿಯ ವೆಬ್ಸೈಟಿನಲ್ಲಿ ಈ ಆದೇಶಕ್ಕೆ ಪ್ರತಿಕ್ರಿಯಿಸಿದ ಕುಕ್ ಆ್ಯಪಲ್ ಈ ಆದೇಶವನ್ನು ವಿರೋಧಿಸುವುದಾಗಿ ಹಾಗೂ ಈ ಬಗ್ಗೆ ಸಾರ್ವಜನಿಕ ಸಂವಾದ ನಡೆಯಬೇಕೆಂದು ಹೇಳಿದ್ದರು.
‘‘ನಮ್ಮ ಗ್ರಾಹಕರ ಸೆಕ್ಯುರಿಟಿಗೆಬೆದರಿಕೆಯೊಡ್ಡುವಂತಹ ಒಂದು ಕ್ರಮ ಕೈಗೊಳ್ಳಬೇಕೆಂದು ಸರಕಾರ ನಮ್ಮನ್ನು ಆಗ್ರಹಿಸಿದೆ,’’ಎಂದು ಅವರು ತಮ್ಮ ಕಂಪೆನಿಯ ವೆಬ್ ತಾಣದಲ್ಲಿ ಹೇಳಿಕೊಂಡಿದ್ದಾರೆ.
ಅದೇ ಸಮಯ ಕುಕ್ ಶೂಟಿಂಗ್ ಘಟನೆಗೆ ತಮ್ಮಆಘಾತ ಹಾಗೂ ಆಕ್ರೋಶ ವ್ಯಕ್ತಪಡಿಸಿದ್ದು ‘‘ನಮಗೆಭಯೋತ್ಪಾದಕರ ಬಗ್ಗೆ ಯಾವುದೇ ಕನಿಕರವಿಲ್ಲ,’’ಎಂದು ಹೇಳುತ್ತಾ ಕೋರ್ಟ್ ಆದೇಶವನ್ನು ಕಂಪೆನಿ ವಿರೋಧಿಸುವುದಾಗಿ ಪುನರುಚ್ಛರಿಸಿದರು.
