ಆಸ್ಕರ್ಸ್ : ಲಿಯೋನಾರ್ಡೋ ಅತ್ಯುತ್ತಮ ನಟ , ಬ್ರಿ ಲಾರ್ಸನ್ ಅತ್ಯುತ್ತಮ ನಟಿ
ಲಾಸ್ ಎಂಜಲೀಸ್ , ಫೆ. 29 : ೮೮ನೆ ಅಕಾಡೆಮಿ ಅವಾರ್ಡ್ಸ್ (ಆಸ್ಕರ್ಸ್) ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ "ದಿ ರೆವೆನೆಂಟ್ " ಚಿತ್ರದ ನಟನೆಗಾಗಿ ಟೈಟಾನಿಕ್ ಖ್ಯಾತಿಯ ಲಿಯೋನಾರ್ಡೋ ಡಿ ಕ್ಯಾಪ್ರಿಯೋ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದಿದ್ದಾರೆ. "ರೂಂ" ಚಿತ್ರಕ್ಕೆ ಬ್ರಿ ಲಾರ್ಸನ್ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದಿದ್ದಾರೆ. "ದಿ ರೆವೆನೆಂಟ್ " ಚಿತ್ರಕ್ಕೆ ಅಲೆಜಾನ್ಡ್ರೋ ಜಿ ಇನರಿಟು ಅವರು ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ಗೆದ್ದಿದ್ದಾರೆ.ಸ್ಪಾಟ್ ಲೈಟ್ ಅತ್ಯುತ್ತಮ ಚಿತ್ರ ಪ್ರಶಸ್ತಿಗೆ ಪಾತ್ರವಾಗಿದೆ.
ಚಿತ್ರರಂಗದ ಅತ್ಯಂತ ಪ್ರತಿಷ್ಠಿತ ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭ ಇಡೀ ವಿಶ್ವದ ಗಮನ ಸೆಳೆದಿದ್ದು, "ಮ್ಯಾಡ್ ಮ್ಯಾಕ್ಸ್: ಫ್ಯೂರಿ ರೋಡ್" ಚಿತ್ರ ತಾಂತ್ರಿಕ ವಿಭಾಗದಲ್ಲಿ ಆರು ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ.
ಉತ್ತಮ ಶಬ್ದ ಸಂಯೋಜನೆಗಾಗಿ ಕ್ರಿಸ್ ಜೆನ್ಕಿನ್ಸ್, ಗ್ರೆಗ್ ರುಡಾಲ್ಫ್ ಹಾಗೂ ಬೆನ್ ಒಸ್ಮೊ ಪ್ರಶಸ್ತಿ ಪಡೆದಿದ್ದಾರೆ. ಇದು ಒಸ್ಮೊ ಅವರಿಗೆ ಮೊದಲ ಆಸ್ಕರ್ ಗೌರವವಾಗಿದ್ದು, ಜೆನ್ಕಿನ್ಸ್ ಹಾಗೂ ರುಡಾಲ್ಫ್ ಐದು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಉತ್ತಮ ಶಬ್ದ ಸಂಕಲನ ಪ್ರಶಸ್ತಿ ಕೂಡಾ ಇದೇ ಚಿತ್ರಕ್ಕೆ ಸಂದಿದ್ದು, ಮಾರ್ಕ್ ಮಾರ್ಕ್ ಮೌಗಿನಿ ಹಾಗೂ ಡೇವಿಡ್ ವೈಟ್ ಪ್ರಶಸ್ತಿ ಸಾಧನೆ ಮಾಡಿದ್ದಾರೆ.
ಉತ್ತಮ ಚಿತ್ರ ಸಂಕಲನ- ಮಾರ್ಗರೆಟ್ ಸಿಕ್ಸೆಲ್ (ಮ್ಯಾಡ್ ಮ್ಯಾಕ್ಸ್: ಫ್ಯೂರಿ ರೋಡ್)
ಉತ್ತಮ ಛಾಯಾಗ್ರಹಣ- ಇಮ್ಯಾನ್ಯುಯಲ್ ಲುಬೆಸ್ಕಿ (ದ ರೆವನಂಟ್)
ಉತ್ತಮ ಪ್ರಸಾದನ ಹಾಗೂ ಕೇಶವಿನ್ಯಾಸ- ಲೆಸ್ಲಿ ವಂಡರ್ವಾಲ್ಟ್, ಎಲ್ಕಾ ವರ್ಡೆಂಗಾ ಮತ್ತು ಡೇಮಿಯನ್ ಮಾರ್ಟಿನ್ (ಮ್ಯಾಡ್ ಮ್ಯಾಕ್ಸ್: ಫ್ಯೂರಿ ರೋಡ್)
ಉತ್ತಮ ನಿರ್ಮಾಣ ವಿನ್ಯಾಸ: ಕೊಲಿನ್ ಗಿಬ್ಸನ್; ಸೆಟ್ ಅಲಂಕಾರ- ಲಿಸಾ ಥಾಮ್ಸನ್ ((ಮ್ಯಾಡ್ ಮ್ಯಾಕ್ಸ್: ಫ್ಯೂರಿ ರೋಡ್)
ಉತ್ತಮ ಪ್ರಸಾದನ- ಜೆನ್ನಿ ಬಿಯವಾನ್ (ಮ್ಯಾಡ್ ಮ್ಯಾಕ್ಸ್: ಫ್ಯೂರಿ ರೋಡ್)
ಉತ್ತಮ ಪೋಷಕ ನಟಿ- ಅಲಿಸಿಯಾ ವಿಕಂದರ್ (ದ ಡ್ಯಾನಿಷ್ ಗರ್ಲ್)
ಉತ್ತಮ ಚಿತ್ರಕಕಥೆ: ಚಾರ್ಲ್ಸ್ ರುಡಾಲ್ಫ್ ಮತ್ತು ಆಡಂ ಮೆಕ್ಕೆ (ದ ಬಿಗ್ ಶಾರ್ಟ್)
ಉತ್ತಮ ಮೂಲ ಚಿತ್ರಕಥೆ: ಜೋಶ್ ಸಿಂಗರ್ ಮತ್ತು ಟಾಮ್ ಮೆಕಾಥ್ರಿ (ಸ್ಪಾಟ್ಲೈಟ್)
ಅನಿಮೇಟೆಡ್ ಫೀಚರ್ ಫಿಲಂ- ಇನ್ಸೈಡ್ ಔಟ್
