ನಾನು ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಾಕಾಂಕ್ಷಿಯಲ್ಲ
- ನಳಿನ್ ಕುಮಾರ್ ಕಟೀಲು, ಸಂಸದ
ರಾಷ್ಟ್ರೀಯ ಅಧ್ಯಕ್ಷರಾಗುವ ಆಸೆಯಿದ್ದರೆ ಅದಕ್ಕೆ ಮೋದಿ ಅವಕಾಶ ಕೊಡಲಿಕ್ಕಿಲ್ಲ.
---------------------
ನರೇಂದ್ರ ಮೋದಿಯವರು ಭಾರತೀಯರಿಗೆ ದೇವರು ಕೊಟ್ಟ ವರ
- ಶಿವರಾಜ್ ಸಿಂಗ್ ಚೌವಾಣ್, ಮ.ಪ್ರ. ಮುಖ್ಯಮಂತ್ರಿ
ವಧು ಎಲ್ಲಿದ್ದಾಳೆ?
---------------------
ಕಾಂಗ್ರೆಸ್ ಸರಕಾರದ ಆಡಳಿತ ವೈಫಲ್ಯದಿಂದಾಗಿ ರಾಜ್ಯದಲ್ಲಿ ಮರಳಿನ ಸಮಸ್ಯೆ ತೀವ್ರವಾಗಿದೆ
- ಕೆ.ಎಸ್.ಈಶ್ವರಪ್ಪ, ವಿಪಕ್ಷ ನಾಯಕ.
ತಮಗಂತೂ ಮರುಳಿನ ಸಮಸ್ಯೆ ತೀವ್ರವಾಗಿರುವುದು ಇಡೀ ರಾಜ್ಯಕ್ಕೆ ಗೊತ್ತಾಗಿ ಬಿಟ್ಟಿದೆ.
---------------------
ರಾಹುಲ್ ಗಾಂಧಿಯನ್ನು ಸಹಿಸಿಕೊಂಡಿರುವ ಕಾಂಗ್ರೆಸ್ ಸಹಿಷ್ಣುತೆಯ ಪಕ್ಷ
- ಅನುಪಮ್ ಖೇರ್, ಬಾಲಿವುಡ್ ನಟ
ನಿಮ್ಮನ್ನು ಸಹಿಸಿಕೊಂಡಿರುವ ಬಾಲಿವುಡ್ನದ್ದು ಕಡಿಮೆ ಸಹಿಷ್ಣುತೆಯೇನೂ ಅಲ್ಲ.
---------------------
ಪಾಕಿಸ್ತಾನ ಜಿಂದಾಬಾದ್ ಎಂದು ಘೋಷಣೆ ಕೂಗುವವರಿಗೆ ಈ ದೇಶದಲ್ಲಿ ಜಾಗವಿಲ್ಲ
- ದಿಲೀಪ್ ಘೋಷ್, ಪ.ಬಂ. ಬಿಜೆಪಿ ಅಧ್ಯಕ್ಷ
ರವಿಶಂಕರ್ ಗುರೂಜಿಯನ್ನು ಮೊದಲು ಎಲ್ಲಿಗಾದರೂ ರವಾನಿಸಿ ಬಿಡಿ.
---------------------
ಕನ್ಹಯ್ಯ ಹೀರೊ ಅಲ್ಲ. ದಾರಿ ತಪ್ಪಿದವ.
- ರಾಜೀವ್ ಪ್ರತಾಪ್ ರೂಡಿ, ಕೇಂದ್ರ ಸಚಿವ
ನಿಮ್ಮ ದಾರಿ ಆರೆಸ್ಸೆಸ್ ಕಚೇರಿ ಕಡೆಗೆ ಎಂಬ ಕಾರಣಕ್ಕೆ ಉಳಿದವರೆಲ್ಲ ದಾರಿ ತಪ್ಪಿದವರೇ?
---------------------
ಸಿಎಂ ಸಿದ್ದರಾಮಯ್ಯ ಪ್ರತಿಕ್ಷಣ ಬಣ್ಣ ಬದಲಿಸುವ ಊಸರವಳ್ಳಿ ಇದ್ದಂತೆ.
- ಶ್ರೀರಾಮುಲು, ಸಂಸದ
ನಕಲಿ ಬಣ್ಣ ಬಳಿದುಕೊಂಡ ನಿಮಗಿಂತ ವಾಸಿ.
---------------------
ಮಹಿಳೆಯರು ದೇವರ ವಿಶೇಷ ವರ
- ನರೇಂದ್ರ ಮೋದಿ, ಪ್ರಧಾನಿ
ತಮ್ಮ ವಧು ಜಶೋದಾದೇವಿಯನ್ನು ಈ ಕಾರಣಕ್ಕಾಗಿಯೇ ತಿರಸ್ಕರಿಸಿದಿರಾ?
......................................
ಮಹಿಳೆಯರತ್ತ ಪುರುಷರ ದೃಷ್ಟಿಕೋನ ಬದಲಾಗಬೇಕು.
- ಶೋಭಾ ಕರಂದ್ಲಾಜೆ, ಸಂಸದೆ
ಇದು ಯಡಿಯೂರಪ್ಪ ಅವರಿಗೂ ಅನ್ವಯವಾಗುತ್ತದೆಯೇ?
---------------------
ನಮ್ಮ ವಿದ್ಯಾರ್ಥಿಗಳನ್ನು ದುಷ್ಟಶಕ್ತಿ ದುರುಪಯೋಗಪಡಿಸಿಕೊಳ್ಳುತ್ತಿದೆ.
- ಪ್ರಮೋದ್ ಮುತಾಲಿಕ್, ಶ್ರೀರಾಮ ಸೇನೆಯ ಅಧ್ಯಕ್ಷ
ಆ ದುಷ್ಟಶಕ್ತಿಗೆ ಗೋವಾದಲ್ಲಿ ನಿಷೇಧ ವಿಧಿಸಲಾಗಿದೆ.
---------------------
ಈಶ್ವರಪ್ಪನಂತೆ ನನ್ನದೂ ಹರಿತವಾದ ನಾಲಿಗೆ.
- ಆಂಜನೇಯ, ಸಚಿವ
ಆಚಾರವಿಲ್ಲದ ನಾಲಗೆ ಆಗಬಾರದು ಅಷ್ಟೇ.
---------------------
ದೇವಸ್ಥಾನಗಳಲ್ಲಿ ಜಾತ್ರೆ, ಮಸೀದಿಗಳಲ್ಲಿ ಉರೂಸ್ ಆಚರಿಸುವುದರಿಂದ ಸಮಾಜದಲ್ಲಿ ಶಾಂತಿ ಮತ್ತು ಸಾಮರಸ್ಯ ಉಂಟಾಗುತ್ತದೆ
- ಅಭಯಚಂದ್ರ ಜೈನ್, ಸಚಿವ
ರಾಜಕಾರಣಿಗಳು ಅವಕಾಶಕೊಟ್ಟರೆ ಮಾತ್ರ.
---------------------
ನಾನು ಎಲ್ಲವನ್ನು ಜನರಿಂದಲೇ ಕಲಿತಿದ್ದೇನೆ.
- ರಮ್ಯಾ, ಚಿತ್ರ ನಟಿ
ಈಗ ಜನರಿಗೆ ಕಲಿಸುವುದಕ್ಕೆ ಹೊರಟಿದ್ದೀರಿ ಅಲ್ಲವೇ?
---------------------
ದೇಶದಾದ್ಯಂತ ಚಿಂತಕರು, ಬುದ್ಧಿಜೀವಿಗಳು ಎಂಬ ಹೆಸರಿನಲ್ಲಿ ದೇಶದ್ರೋಹಿಗಳು ಒಂದಾಗುತ್ತಿದ್ದಾರೆ.
- ಸುನೀಲ್ ಕುಮಾರ್, ಮುಖ್ಯ ಸಚೇತಕ
ಎಲ್ಲ ಕಾಲದಲ್ಲೂ ಚಿಂತಕರು, ಬುದ್ಧಿಜೀವಿಗಳು ಪ್ರಭುತ್ವದ ಪಾಲಿಗೆ ಉಗ್ರಗಾಮಿಗಳಂತೆಯೇ ಕಂಡಿದ್ದಾರೆ.
---------------------
ಪ್ರಪಂಚದ ನಾಗರಿಕತೆಗಳೆಲ್ಲವೂ ನದಿಯ ದಡದಲ್ಲೇ ಬೆಳೆದು ಬಂದಿದೆ.
- ರವಿಶಂಕರ್ ಗುರೂಜಿ, ಆರ್ಟ್ ಆಫ್ ಲಿವಿಂಗ್ ಸಂಸ್ಥಾಪಕ
ಹಾಗೆಂದು ನಿಮ್ಮ ಅನಾಗರಿಕತೆಯನ್ನು ನದಿ ದಡದಲ್ಲಿ ಪ್ರದರ್ಶಿಸುವುದು ಎಷ್ಟು ಸರಿ?
---------------------
ಮುಖ್ಯಮಂತ್ರಿ ವಿರುದ್ಧ ಹೈಕಮಾಂಡ್ಗೆ ಚಾಡಿ ಹೇಳಿಲ್ಲ.
- ಡಾ.ಜಿ.ಪರಮೇಶ್ವರ್, ಕೆಪಿಸಿಸಿ ಅಧ್ಯಕ್ಷ
ಬರೇ ಮನವಿಯಷ್ಟೇ ಕೊಟ್ಟಿದ್ದೀರಿ ಎಂದು ಕಾಣುತ್ತದೆ.
---------------------
ನಾನು ಭಾರತೀಯ, ಅದೇ ನನ್ನ ಧರ್ಮ.
- ಸಲ್ಮಾನ್ಖಾನ್, ನಟ
ತಮ್ಮ ಕಾರಿನ ಚಕ್ರದಡಿಗೆ ಬಿದ್ದವನ ದೇಶ, ಧರ್ಮ ಯಾವುದು ಎಂದು ವಿಚಾರಿಸಿದ್ದೀರಾ?
---------------------
ಎಚ್.ಡಿ.ಕುಮಾರ ಸ್ವಾಮಿ ರಾಜಕೀಯದಿಂದ ನಿವೃತ್ತಿಯಾಗಬಾರದು.
- ಡಿ.ಕೆ.ಶಿವಕುಮಾರ್, ಇಂಧನ ಸಚಿವ
ಮೊದಲು ಅಪ್ಪ ನಿವೃತ್ತರಾಗಲಿ. ಆನಂತರ ಮಗನ ವಿಷಯ.
---------------------
ವೈವಾಹಿಕ ಅತ್ಯಾಚಾರವು ಭಾರತಕ್ಕೆ ಹೊಂದುವುದಿಲ್ಲ.
- ಮೇನಕಾ ಗಾಂಧಿ, ಕೇಂದ್ರ ಸಚಿವೆ
ಅಂದರೆ ಅತ್ಯಾಚಾರ ಭಾರತದ ಸಂಸ್ಕೃತಿ ಎಂದು ಅಭಿಪ್ರಾಯವೇ?
---------------------
ಇಡೀ ವಿಶ್ವವೇ ನನ್ನ ಕುಟುಂಬ.
-ರವಿಶಂಕರ್ ಗುರೂಜಿ, ಆರ್ಟ್ ಆಫ್ ಲಿವಿಂಗ್ ಸಂಸ್ಥಾಪಕ
ಹಾಗೆಂದು, ಪಾಕಿಸ್ತಾನ್ ಜಿಂದಾಬಾದ್ ಎಂದು ಕೂಗುವುದೇ?
