ಮಾ.17-19 : ತೋಡಾರಿನ ಯೆನೆಪೋಯ ತಾಂತ್ರಿಕ ಮಹಾ ವಿದ್ಯಾಲಯದಲ್ಲಿ ಪದವಿ ಪ್ರಧಾನ ಸಮಾರಂಭ

  ಮೂಡುಬಿದಿರೆ : ಯೆನೆಪೋಯ ತಾಂತ್ರಿಕ ಮಹಾ ವಿದ್ಯಾಲಯದಲ್ಲಿ ಮಾ. 16ರಿಂದ 19ರವರೆಗೆ ವಿವಿಧ ಕಾರ್ಯಕ್ರಮಗಳಿದ್ದು, ಕಾಲೇಜಿನ ವಿದ್ಯಾರ್ಥಿಗಳಿಗೆ ತಾಂತ್ರಿಕ ಮತ್ತು ಸಾಂಸ್ಕೃತಿಕ ಸ್ಪರ್ಧೆಯು ಟ್ಯಾಲೆಂಟ್ಸ್ ಡೇ "ಸಂಭ್ರಮ" ಮಾ.16ರಂದು ನಡೆಯಲಿದ್ದು, ಮಾ.17ರಂದು ಅಂತರ್ ಕಾಲೇಜು ಸಾಂಸ್ಕೃತಿಕ ಮತ್ತು ಟೆಕ್ನಿಕಲ್ ಸ್ಪರ್ಧೆ "YEN SPLASH-16",      

  ತಾಂತ್ರಿಕ ಮತ್ತು ಸಾಂಸ್ಕೃತಿಕ ಉತ್ಸವದ ವಿಶೇಷ ಆಕರ್ಷಣೆಯಾಗಿ "ಬ್ಯಾಟಲ್ ಆಫ್ ಬ್ಯಾಂಡ್" ಬೈ ಫ್ರೊಫೆಶನಲ್ಸ್" ರವರಿಂದ ಸಂಗೀತ ಸಂಜೆ ಕಾರ್ಯಕ್ರಮ, ಮಾ. 18 ರಂದು "ಇಂಡಿಯನ್ ಐಡೆಲ್" ವಿಜೇತ ಮಯಂಗ್ ಚಾಂಗ್ ರವರ ಲೈವ್ ಬ್ಯಾಂಡ್ ಕಾರ್ಯಕ್ರಮ ಹಾಗೂ 5ನೇ ಬ್ಯಾಚಿನ ಪದವಿ ಪ್ರಧಾನ ಸಮಾರಂಭ ಮಾರ್ಚ್ 19ರಂದು ಕಾಲೇಜಿನ ಆವರಣದಲ್ಲಿ ನಡೆಯಲಿದೆ ಎಂದು ಕಾಲೇಜಿನ ಪ್ರಾಂಶುಪಾಲ ಡಾ. ಸಂದೀಪ್ ಜೆ.ನಾಯಕ್ ಮಂಗಳವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.  ಮಾ.16ರಂದು ಜ್ಞಾನಸುಧಾ ಪಿ.ಯು.ಕಾಲೇಜು ಕಾರ್ಕಳ ಇದರ ಸ್ಥಾಪಕ ಅಧ್ಯಕ್ಷ ಡಾ. ಸುಧಾಕರ ಶೆಟ್ಟಿ ಅವರು ಟ್ಯಾಲೆಂಟ್ ಡೇ "ಸಂಭ್ರಮ"ವನ್ನು ಉದ್ಘಾಟಸಲಿರುವರು. ಗೌರವ ಅತಿಥಿಯಗಿ ಯೆನೆಪೋಯ ಯುನಿವರ್ಸಿಟಿಯ ನಿರ್ಧೇಶಕರಾದ ಡಾ. ಜಿ. ಶ್ರೀಕುಮಾರ್ ಮೆನನ್ ಹಾಗೂ ಸಮಾರಂಭದ ಅಧ್ಯಕ್ಷತೆಯನ್ನು ವೈ.ಐ.ಟಿ. ಯ ಅಡ್ಮಿನಿಸ್ಟ್ರೇಟರ್ ಡಾ. ವಿವೇಕಾನಂದ ವರ್ಣೇಕರ್ ರವರು ವಹಿಸಲಿರುವರು. ರಂಗೋಲಿ, ನೃತ್ಯ ಹಾಗೂ ಟೆಕ್ನಿಕಲ್ ಕಾರ್ಯಕ್ರಮವನ್ನು ಮೆಕ್ಯಾನಿಕಲ್ ವಿಭಾಗವು ಆಯೋಜಿಸಲಿರುವುದು.

ಅಂತರ್ ಕಾಲೇಜು ಸಾಂಸ್ಕೃತಿಕ ಮತ್ತು ಟೆಕ್ನಿಕಲ್ ಸ್ಪರ್ಧೆ "YEN SPLASH-16" ಮಾ. 17 ಮತ್ತು 18 ರಂದು ವಿವಿಧ ಅಂತರ್ ಇಂಜಿನಿಯರಿಂಗ್ ಕಾಲೇಜುಗಳಿಗಾಗಿ ಸಾಂಸ್ಕೃತಿಕ ಮತ್ತು ಟೆಕ್ನಿಕಲ್ ಸ್ಪರ್ಧಾ ಕಾರ್ಯಕ್ರಮ "YEN SPLASH-16" ಆಯೋಜಿಸಿದ್ದು ಮಾ. 17 ರಂದು ಬೆಳಿಗ್ಗೆ 9.00 ಗಂಟೆಗೆ ಮುಖ್ಯ ಅತಿಥಿ ವಿ.ಟಿ.ಯು ರೀಜನಲ್ ಆಫೀಸ್ ಮೈಸೂರು ಇದರ ತಾಂತಿಕ ಸಲಹೆಗಾರ ಮತ್ತು ವಿಶೇಷಾಧಿಕಾರಿ ಭಾಸ್ಕರ್ ರವರು ಉದ್ಘಾಟಿಸಲಿರುವರು ಹಾಗೂ ಗೌರವ ಅತಿಥಿಯಾಗಿ ದ.ಕ.ಜಿಲ್ಲಾ ಪಂಚಾಯತ್ ಸದಸ್ಯ ಶ್ರೀ ಸುಚರಿತ ಶೆಟ್ಟಿಯವರು ಭಾಗವಹಿಸಲಿರುವರು. ಯೆನೆಪೋಯ ಸಮೂಹ ಸಂಸ್ಥೆಯ ನಿರ್ಧೇಶಕರಾದ ಅಬ್ದುಲ್‌ಲ್ ಜಾವಿದ್ ರವರು ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಲಿರುವರು. ಈ ತಾಂತ್ರಿಕ ಮತ್ತು ಸಾಂಸ್ಕೃತಿಕ ಉತ್ಸವದ ವಿಶೇಷ ಆಕರ್ಷಣೆಯಾಗಿ ಮಾ. 17 ರಂದು "ಬ್ಯಾಟಲ್ ಆಫ್ ಬ್ಯಾಂಡ್" ಬೈ ಫ್ರೊಫೆಶನಲ್ಸ್" ರವರಿಂದ ಸಂಗೀತ ಸಂಜೆ ಕಾರ್ಯಕ್ರಮ 18 ರಂದು "ಇಂಡಿಯನ್ ಐಡೆಲ್" ವಿಜೇತ ಮಯಂಗ್ ಚಾಂಗ್ ರವರ ಲೈವ್ ಬ್ಯಾಂಡ್ ಕಾರ್ಯಕ್ರಮ ನಡೆಯಲಿರುವುದು. ಅಲ್ಲದೆ ಸ್ಪರ್ಧಾಕಾರ್ಯಕ್ರಮಗಳಾದ ಸಂಗೀತ, ನೃತ್ಯ, ರೋಬೊವಾರ್, ರಂಗೋಲಿ, ಕ್ವಿಜ್, ಮೆಹೆಂದಿ, ಪೈಂಟಿಂಗ್, ಕೋಡಿಂಗ್, ಗೇಮಿಂಗ್, ಕೋಲಾಜ್, ದಮ್‌ಶರಾದ್, ಕುಕ್ಕಿಂಗ್, ಸೆರ್ಕ್ಯೂಟ್ ಬ್ರೇಕರ್, ಟ್ರಿಷೆರ್‌ಹಂಟ್, ಫ್ಯಾಶನ್ ಶೋ, ಪೇಪರ್ ಪ್ರೆಸೆಂಟೇಶನ್, ಫೋಟೋಗ್ರಾಫಿ ಮುಂತಾದ 20 ಕ್ಕೂ ಹೆಚ್ಚು ಸ್ಪರ್ಧೆಗಳು ನಡೆಯಲಿದೆ. ಮಾ. 18 ರಂದು ಸಂಜೆ ನಡೆಯುವ ಕಾರ್ಯಕ್ರಮದಲ್ಲಿ ವಿಜೇತರಿಗೆ ಬಹುಮಾನ ವಿತರಿಸಲಾಗುವುದು.

 ಮಾ.19ರಂದು ಪದವಿ ಪ್ರಧಾನ ಸಮಾರಂಭ ಕಾಲೇಜಿನ ವಾರ್ಷಿಕ ಸಮಾರಂಭ ಹಾಗೂ 5ನೇ ಬ್ಯಾಚಿನ ಪದವಿ ಪ್ರಧಾನ ಸಮಾರಂಭ ಮಾ. 19ನೇ ಶನಿವಾರ ಕಾಲೇಜಿನ ಆವರಣದಲ್ಲಿ ನಡೆಯಲಿದ್ದು ಮುಖ್ಯ ಅತಿಥಿಗಳಾಗಿ ಕೇರಳದ ಸೆಂಟ್ರಲ್ ಯುನಿರ್ವಸಿಟಿಯ ಉಪ ಕುಲಪತಿ ಡಾ.ಜಿ. ಗೋಪ ಕುಮಾರ್ ಹಾಗೂ ಗೌರವ ಅತಿಥಿಯಾಗಿ ಆಳ್ವಾಸ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ ಅವರು ಭಾಗವಹಿಸಲಿರುವರು. ಸಮಾರಂಭದ ಅಧ್ಯಕ್ಷತೆಯನ್ನು ಯೆನೆಪೋಯ ಯುನಿವರ್ಸಿಟಿಯ ಕುಲಪತಿ ಶ್ರೀ ಅಬ್ದುಲ್‌ಲ್ ಕುಞಯವರು ವಹಿಸಲಿರುವರು. ಎಂದು ತಿಳಿಸಿದರು.

ಕಛೇರಿ ಮೇಲ್ವೀಚಾರಕ ಅಕ್ಷಯ್ ಕುಮಾರ್, ಗಣಿತ ಶಾಸ್ತ್ರ ವಿಭಾಗ ಮುಖ್ಯಸ್ಥ ಶಂಕರ್ ಎನ್.ಉಪಾಧ್ಯಾಯ, ಯೆನ್ ಪ್ಲ್ಯಾಶ್ ಕಾರ್ಯಕ್ರಮ ಸಂಯೋಜಕ ಭರತೇಶ್ ವಿ., ಕಾಲೇಜಿನ ಹೆಚ್.ಆರ್. ನಾರಾಯಣ್ ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.