ವಿವಿಧ ಅಭಿವೃದ್ಧಿ ಕಾಮಗಾರಿಗಳ ಉದ್ಘಾಟನೆ

ಸುಳ್ಯ, ಮಾ.19: ಲಯನ್ಸ್ ಕ್ಲಬ್ ವತಿಯಿಂದ ಸುಳ್ಯದ ವಿವಿದ ಕಡೆಗೆ 9 ಲಕ್ಷ ರೂ. ವೆಚ್ಚದಲ್ಲಿ ನೀಡ ಲಾದ ಅನೇಕ ಕೊಡುಗೆಗಳನ್ನು ಜಿಲ್ಲಾ ಗವರ್ನರ್ ಕವಿತಾ ಶಾಸ್ತ್ರಿ ಲೋಕಾರ್ಪ ಣೆಗೊಳಿಸಿದರು.

  ಉಬರಡ್ಕ ಗ್ರಾಮದ ಬಳ್ಳಡ್ಕದಲ್ಲಿ ಸೂಂತೋಡು ಸೂರಯ್ಯ ಗೌಡ ದಂಪತಿ ನಿರ್ಮಿಸಿ ಲಯನ್ಸ್ ಮುಖಾಂತರ ಸಮಾಜಕ್ಕೆ ನೀಡಿದ ಮಹಿಳಾ ಬಸ್ ತಂಗುದಾಣ, ಪೇರಾಲಿನ ಅಡ್ಡಂತಡ್ಕ-ಆಲಂಕಳ್ಯದಲ್ಲಿ ಅಡ್ಡಂತಡ್ಕ ದೇರಣ್ಣ ಗೌಡ ದಂಪತಿ 60 ಸಾವಿರ ರೂ. ವೆಚ್ಚದಲ್ಲಿ ನಿರ್ಮಿಸಿದ ಬಸ್ ತಂಗುದಾಣ, ಬೊಳುಬೈಲಿನಲ್ಲಿ ನಿರ್ವಸಿತ ಮಹಿಳೆಗೆ 3 ಲಕ್ಷ ರೂ. ವೆಚ್ಚದಲ್ಲಿ ಲಯನ್ಸ್ ಸದಸ್ಯರ ಸಹಕಾರದಿಂದ ನಿರ್ಮಿಸಿದ ಮನೆ, ಲಯನ್ಸ್ ವತಿಯಿಂದ 2.10 ಲಕ್ಷ ರೂ. ವೆಚ್ಚದಲ್ಲಿ ನವೀಕರಣಗೊಂಡ ನೇತಾಜಿ ಬಾಲವನ, ಸುಳ್ಯ ಸರಕಾರಿ ಆಸ್ಪತ್ರೆ ಬಳಿ ಇರುವ ಆಟೊ ನಿಲ್ದಾಣಕ್ಕೆ 2.50 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಿಸಿದ ಮೇಲ್ಛಾವಣಿಗಳ ಉದ್ಘಾಟನೆಯನ್ನು ನೆರವೇರಿಸಿದರು. ಲಯನ್ಸ್ ಅಧ್ಯಕ್ಷ ಜಯರಾಮ ದೇರಪ್ಪಜ್ಜನಮನೆ ಸ್ವಾಗತಿಸಿದರು. ಸುಳ್ಯ ಪಪಂ ಅಧ್ಯಕ್ಷ ಪ್ರಕಾಶ್ ಹೆಗ್ಡೆ, ಸದಸ್ಯ ರಾದ ಕೆ.ಎಂ.ಮುಸ್ತಫಾ, ಪ್ರೇಮಾ ಟೀಚರ್, ಕಸಾಪ ಮಾಜಿ ಅಧ್ಯಕ್ಷೆ ಎಂ.ಮೀನಾಕ್ಷಿ ಗೌಡ, ಲಯನ್ಸ್ ಕ್ಯಾಬಿನೆಟ್ ಕಾರ್ಯದರ್ಶಿ ವಾಣಿ ಆಳ್ವ, ಲಯನ್ಸ್ ವಲಯಾಧ್ಯಕ್ಷ ಜಾಕೆ ಮಾಧವ ಗೌಡ, ಲಯನ್ಸ್ ಜಿಲ್ಲಾ ಮಾಜಿ ಗವರ್ನರ್ ಎಂ.ಬಿ.ಸದಾಶಿವ, ಕಾರ್ಯದರ್ಶಿ ಪ್ರಸಾದ್ ಎಂ.ಎಸ್., ಖಜಾಂಚಿ ಡಿ.ಟಿ.ದಯಾನಂದ, ಲಯನೆಸ್ ಅಧ್ಯಕ್ಷೆ ಪುಷ್ಪಾ ವಿಶ್ವನಾಥ್, ಕಾರ್ಯದರ್ಶಿ ರಾಧಾಮಣಿ, ಖಜಾಂಚಿ ರಮಿತಾ ಜಯರಾಮ ಮತ್ತಿತರರು ಉಪಸ್ಥಿತರಿದ್ದರು.