ನಾನು ಸಾಧ್ವಿ ಪ್ರಾಚಿಯನ್ನು ಪ್ರೀತಿಸುತ್ತೇನೆ

ನಾನು ಸಾಧ್ವಿ ಪ್ರಾಚಿಯನ್ನು ಪ್ರೀತಿಸುತ್ತೇನೆ
- ಆಝಂಖಾನ್, ಉ.ಪ್ರ. ಸಚಿವ
     ಕೊಳೆತು ಹೋದ ಕುಂಬಳಕಾಯಿಗೆ, ಕೆಟ್ಟು ಹೋದ ತೆಂಗಿನಕಾಯಿ.

---------------------

ಬಾಂಬ್ ಎಸೆಯುವ ಕೈಗಳು ಬಾಲ್ ಎಸೆಯಲು ಆಗುವುದಿಲ್ಲ
- ಉದ್ಧವ ಠಾಕ್ರೆ, ಶಿವಸೇನೆ ಮುಖ್ಯಸ್ಥ

 ಬಾಲ್ ಒಳಗೆ ಬಾಂಬ್‌ನ್ನು ಇಟ್ಟರೆ ಎಸೆಯಬಹುದೇ?
---------------------

ಭಾರತದಲ್ಲಿ ದೊರೆಯುವಷ್ಟು ಪ್ರೀತಿಯನ್ನು ನಾವು ನಮ್ಮ ದೇಶದಲ್ಲಿಯೂ ಪಡೆದುಕೊಂಡಿಲ್ಲ
- ಶಾಹಿದ್ ಅಫ್ರಿದಿ, ಪಾಕ್ ಕ್ರಿಕೆಟ್ ತಂಡದ ನಾಯಕ

 ಪ್ರತಿಬಾರಿ ಸೋತು ತವರಿಗೆ ಮರಳುವ ನಿಮ್ಮನ್ನು ಆ ದೇಶದ ಜನ ಪ್ರೀತಿಸುವುದಾದರೂ ಹೇಗೆ?
---------------------

ಭಾರತಕ್ಕೆ ಮರಳಲು ಇದು ಸೂಕ್ತ ಸಮಯವಲ್ಲ
- ವಿಜಯ ಮಲ್ಯ, ಮದ್ಯ ದೊರೆ

ರಾಜಕಾರಣಿಗಳ ಜೊತೆಗಿನ ವ್ಯವಹಾರ ಇನ್ನೂ ಕುದುರಿಲ್ಲವೇ?
---------------------

 ಜನತೆಯ ಕನಸುಗಳು ಸಾಕಾರವಾದಾಗ ದೇಶಕ್ಕೆ ಸಿಕ್ಕಿರುವ ಸ್ವಾತಂತ್ರಕ್ಕೆ ನಿಜವಾದ ಅರ್ಥ ಬರುತ್ತದೆ
- ಆಸ್ಕರ್ ಫೆರ್ನಾಂಡಿಸ್, ರಾಜ್ಯಸಭಾ ಸದಸ್ಯ

ನಿಮ್ಮಂತಹ ವೃದ್ಧ ನಾಯಕರಿಂದ ಕಾಂಗ್ರೆಸ್‌ಗೆ ಸ್ವಾತಂತ್ರ ಯಾವಾಗ?
---------------------

ಬಿಜೆಪಿ ಸುಳ್ಳು ಸುದ್ದಿಗಳನ್ನು ಸೃಷ್ಟಿಸುವ ಕಾರ್ಖಾನೆ

- ವಿನಯ ಕುಮಾರ್ ಸೊರಕೆ, ಸಚಿವ

ಅದನ್ನು ಮಾರುಕಟ್ಟೆಗೆ ಕೊಂಡೊಯ್ದು ವಿತರಿಸುವ ಗುತ್ತಿಗೆಯನ್ನು ನೀವೇ ಪಡೆದುಕೊಂಡಿದ್ದೀರಿ ಎನ್ನೋದು ಸುಳ್ಳು ಸುದ್ದಿಯೇ?

---------------------

ಗಿಡ ಬೆಳೆಸಿದರೆ ಬಹಿರಂಗ ಶುದ್ಧಿ

- ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ

ಮರದಡಿಯಲ್ಲಿ ಕುಳಿತು ಬಹಿರಂಗ ಶುದ್ಧಿ ಮಾಡಿದರೆ, ಮೋದಿಯ ಸ್ವಚ್ಛತಾ ಆಂದೋಲನದ ಗತಿಯೇನಾಗಬೇಕು?

---------------------

ಆರೆಸ್ಸೆಸ್‌ನ ಚಡ್ಡಿ ಬದಲು ಪ್ಯಾಂಟ್ ನಿರ್ಧಾರಕ್ಕೆ ನಾನೇ ಕಾರಣ

- ರಾಬ್ಡಿದೇವಿ, ಬಿಹಾರ ಮಾಜಿ ಮುಖ್ಯಮಂತ್ರಿ

 ನಿಮ್ಮ ಮುಂದೆ ಚಡ್ಡಿಯಲ್ಲಿ ಓಡಾಡುವುದಕ್ಕೆ ಆರೆಸ್ಸೆಸ್ ನಾಯಕರಿಗೆ ಮುಜುಗರವಂತೆ.
---------------------

ಕುತ್ತಿಗೆಗೆ ಚಾಕು ಇಟ್ಟರೂ ‘ಭಾರತ್ ಮಾತಾ ಕೀ ಜೈ’ ಎನ್ನಲ್ಲ
- ಅಸದುದ್ದೀನ್ ಉವೈಸಿ, ಸಂಸದ

ಸೂಟ್‌ಕೇಸ್ ಕೊಟ್ಟರೆ ಅದೇನು ಹೇಳುವುದಕ್ಕೂ ಸಿದ್ಧರಿದ್ದೀರಾ?

---------------------

ಒಂದು ಪೊಲೀಸ್ ಠಾಣೆ ಆಗಬೇಕಾದರೆ ಆಯಾ ಠಾಣಾ ವ್ಯಾಪ್ತಿಯಲ್ಲಿ ಅಪರಾಧದ ಸಂಖ್ಯೆ ಜಾಸ್ತಿ ಇರಬೇಕು 

- ಡಾ.ಜಿ.ಪರಮೇಶ್ವರ್, ಗೃಹ ಸಚಿವ

ಅಂದರೆ ಕೋಟೆ ಸೂರೆ ಹೋದ ಮೇಲೆ ದಿಡ್ಡಿ ಬಾಗಿಲು ಹಾಕುವ ಯೋಚನೆಯೇ?

---------------------

ನಾನು ಹಂದಿ ಮಾಂಸ ಕೊಟ್ಟರೂ ತಿನ್ನುತ್ತೇನೆ

- ತಸ್ಲೀಮಾ ನಸ್ರೀನ್, ವಿವಾದಿತ ಬಾಂಗ್ಲಾ ಲೇಖಕಿ
     

ಅದೇನು ಬೇಕಾದರೂ ತಿನ್ನಿ, ಆದರೆ ಬೇಯಿಸಿ ತಿನ್ನಿ.

---------------------

ಸಲಿಂಗ ಕಾಮ ಅಪರಾಧವಲ್ಲ

- ದತ್ತಾತ್ರೇಯ ಹೊಸಬಾಳೆ, ಆರೆಸ್ಸೆಸ್ ಪ್ರಧಾನ ಕಾರ್ಯದರ್ಶಿ

ತಮ್ಮ ಈ ತೀರ್ಪಿಗೆ ಆರೆಸ್ಸೆಸ್‌ನ ಹಲವು ನಾಯಕರು ನಿಟ್ಟುಸಿರು ಬಿಟ್ಟಿರಬೇಕು.

---------------------

ಅಲ್ಲಾಹುವಿನ 99 ಹೆಸರುಗಳಲ್ಲಿ ಯಾವುದೂ ಹಿಂಸೆಯನ್ನು ಸೂಚಿಸುವುದಿಲ್ಲ

- ನರೇಂದ್ರ ಮೋದಿ, ಪ್ರಧಾನಿ

ಉಳಿದ ಯಾವ ದೇವರ ಹೆಸರು ಹಿಂಸೆಯನ್ನು ಸೂಚಿಸುತ್ತದೆ ಎನ್ನುವುದನ್ನು ಹೇಳಬಹುದೇ?
---------------------

 ಅಮಿತಾಭ್ ಬಚ್ಚನ್‌ರನ್ನು ಭಾರತದ ಮುಂದಿನ ರಾಷ್ಟ್ರಪತಿಯಾಗಿ ನೇಮಿಸಬೇಕು

- ಶತ್ರುಘ್ನ ಸಿನ್ಹಾ, ಬಿಜೆಪಿ ನಾಯಕ
     
ನರೇಂದ್ರ ಮೋದಿಯ ನಟನೆಗೆ ಸರಿಗಟ್ಟಲಾರರು ಬಿಡಿ.

---------------------

‘ದೇಶದ್ರೋಹ’ದ ಕಾನೂನಿನ ಮರುಪರಿಶೀಲನೆ ಅಗತ್ಯವಿದೆ

- ಡಿ.ವಿ.ಸದಾನಂದಗೌಡ, ಕೇಂದ್ರ ಸಚಿವ

 ಗೋಡ್ಸೆಯನ್ನು ಹುತಾತ್ಮನಾಗಿಸುವುದಕ್ಕೆ ಪೂರಕವಾಗಿ ಮರುಪರಿಶೀಲನೆಯೇ?

---------------------

ಯಡಿಯೂರಪ್ಪರನ್ನು ಮುಗಿಸಲು ಬಿಜೆಪಿಯಲ್ಲೇ ಸಂಚು

- ಬಸವನಗೌಡ ಪಾಟೀಲ ಯತ್ನಾಳ್, ವಿ.ಪ. ಸದಸ್ಯ

ಅವರು ಈಗಾಗಲೇ ಮುಗಿದಿದ್ದಾರೆ ಎನ್ನುವುದು ಈಶ್ವರಪ್ಪರ ನಂಬಿಕೆ.

---------------------

ವಿಜಯ ಮಲ್ಯಗೆ ಕೊಟ್ಟ ಪ್ರತಿ ಪೈಸೆಯನ್ನೂ ಬ್ಯಾಂಕುಗಳು ವಸೂಲಿ ಮಾಡುವುದು ಖಚಿತ

- ಅರುಣ್ ಜೇಟ್ಲಿ, ಕೇಂದ್ರ ಸಚಿವ

ಬರೇ ಪೈಸೆಯನ್ನು ವಸೂಲಿ ಮಾಡಿ, ಕೋಟಿಯನ್ನು ಮನ್ನಾ ಮಾಡುವ ಯೋಜನೆಯೇ?

---------------------

ಪತಂಜಲಿ ಸಂಸ್ಥೆಯ ಸ್ಪರ್ಧೆಯಿಂದ ವಿದೇಶಿ ಕಂಪೆನಿಗಳು ಶೀರ್ಷಾಸನ ಹಾಕಿವೆ

- ಬಾಬಾ ರಾಮ್‌ದೇವ್, ಯೋಗ ಗುರು

ನಿಮ್ಮ ಔಷ ಕುಡಿದವರು ಶವಾಸನ ಹಾಕಿರುವ ಸುದ್ದಿಗಳು ಬರುತ್ತಿವೆ.

---------------------

ಶ್ರೀಮಂತ ಸನಾತನ ಪರಂಪರೆ ಹೊಂದಿರುವ ಭಾರತದಲ್ಲಿ ಹಿಟ್ಲರ್ ಉದ್ಭವವಾಗಲು ಸಾಧ್ಯವಿಲ್ಲ

- ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ