ಸೌದಿ : ವಿದೇಶದಲ್ಲಿ ತಿಂಗಳ ಮೇಲೆ ನಿಲ್ಲುವ ವಲಸಿಗರಿಗೆ ಇನ್ಶೊರೆನ್ಸ್ ಸೇವೆ ಇಲ್ಲ ?

ಜಿದ್ದಾ : ಮಾ12 ವಲಸಿಗರು ಒಂದು ತಿಂಗಳಿಗಿಂತ ಹೆಚ್ಚಿನ ಅವಧಿ ವಿದೇಶದಲ್ಲಿದ್ದರೆ ಅವರ ಎಲ್ಲಾ ವಿಮಾ ಸೌಲಭ್ಯಗಳನ್ನು ಸ್ಥಗಿತಗೊಳಿಸುವ ಪ್ರಸ್ತಾಪವಿದೆಯೆಂದು ಜನರಲ್ ಆರ್ಗನೈಝೇಶನ್ ಫಾರ್ ಸೋಶಿಯಲ್ ಇನ್ಶೂರೆನ್ಸ್ ತಿಳಿಸಿದೆ. ವಲಸಿಗರು ಮತ್ತೆದೇಶಕ್ಕೆ ಹಿಂದಿರುಗಿದ ನಂತರವಷ್ಟೇ ವಿಮಾ ಸೌಲಭ್ಯ ಮುಂದುವರಿಯುವುದೆಂದು ಅದು ಹೇಳಿದೆ. 

ಈ ನಿಯಮವನ್ನು ಜಾರಿಗೆ ತರುವ ಪ್ರಕ್ರಿಯೆಯ ಬಗ್ಗೆ ಸಂಸ್ಥೆ ಇನ್ನಷ್ಟೇ ನಿರ್ಧರಿಸಬೇಕಾಗಿದೆಯಾದರೂ ಈ ನಿಟ್ಟಿನಲ್ಲಿಆಂತರಿಕ ವ್ಯವಹಾರಗಳ ಸಚಿವಾಲಯದೊಂದಿಗೆ ಮಾತುಕತೆಗಳು ನಡೆಯುತ್ತಿವೆಯೆಂದು ಸಂಸ್ಥೆಯ ಉಪ-ಗವರ್ನರ್ಅಬ್ದುಲ್ ಅಜೀಜ್ ಅಲ್-ಹಬ್ದನ್ ಅವರು ಈಸ್ಟರ್ನ್ ಪ್ರಾವಿನ್ಸ್ ಚೇಂಬರ್ ಆಫ್ ಕಾಮರ್ಸ್ ಎಂಡ್ ಇಂಡಸ್ಟ್ರಿಯಲ್ಲಿ ನಡೆದ ಸಂವಾದವೊಂದರಲ್ಲಿ ತಿಳಿಸಿದ್ದಾರೆ.

ದೇಶದಲ್ಲಿರುವದೊಡ್ಡ ಸಂಖ್ಯೆಯ ವಿದೇಶಿ ಕಾರ್ಮಿಕರನ್ನು ಪರಿಗಣಿಸಿ ಕಂಪೆನಿಗಳಿಗೆ ಹಾಗೂ ಉದ್ಯೋಗಿಗಳಿಗೆ ಎಲೆಕ್ಟ್ರಾನಿಕ್ ಸೇವೆಗಳನ್ನುಆರಂಭಿಸಲು ಸಂಸ್ಥೆ ಯೋಚಿಸುತ್ತಿದೆ.ಪ್ರಸ್ತುತ ಶೇ. 50ರಷ್ಟು ಸದಸ್ಯರು ಮುಖಃತ ಭೇಟಿಯಾಗಿತಮ್ಮ ಕಾರ್ಯಗಳನ್ನು ಸಂಸ್ಥೆಯ ಮುಖಾಂತರ ನಿರ್ವಹಿಸುತ್ತಾರೆ, ಎಂದೂ ಅವರು ತಿಳಿಸಿದರು.

ಕಾರ್ಮಿಕರ ವೇತನದ ಕುರಿತು ಮಾತನಾಡಿದ ಅವರು ಹಲವು ಉದ್ಯೋಗದಾತರು ತಮ್ಮ ಉದ್ಯೋಗಿಗಳಿಗೆ ವಾಸ್ತವವಾಗಿ ನೀಡುವ ವೇತನಕ್ಕಿಂತ ಕಡಿಮೆ ವೇತನವನ್ನು ಸಂಸ್ಥೆಯಲ್ಲಿ ನೋಂದಾಯಿಸುವಾಗ ನಮೂದಿಸಿ ತಾವು ಸಂಸ್ಥೆಗೆ ಕೊಡಬೇಕಾದ ಮೊತ್ತ ಕಡಿಮೆಯಾಗುವಂತೆ ನೋಡಿಕೊಳ್ಳುತ್ತಾರೆ, ಎಂದು ಹೇಳಿದ ಅವರುವಿದೇಶೀಯರನ್ನು ವಿವಾಹವಾದ ಸೌದಿ ಮಹಿಳೆಯರಮಕ್ಕಳಿಗೆ ಸಾಮಾಜಿಕ ವಿಮಾ ವ್ಯವಸ್ಥೆಯ ಪ್ರಯೋಜನ ಸಿಗುತ್ತಿಲ್ಲವೆಂದು ಹೇಳುವ ವರದಿಗಳನ್ನು ನಿರಾಕರಿಸಿದ್ದಾರೆ.

ತಮ್ಮ ಸೇವಾವಧಿ ಮುಕ್ತಾಯಗೊಳ್ಳುವ ಮೊದಲೇ ನಿವೃತ್ತರಾಗಬಯಸುವವರಿಂದ ಸಂಸ್ಥೆಯ ಆರ್ಥಿಕತೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆಯೆಂದು ಆವರು ಹೇಳಿದರು.

ಸಂಸ್ಥೆಯಲ್ಲಿಈಗ 4 ಲಕ್ಷ ಕಂಪೆನಿಗಳು ಹಾಗೂ ಅವುಗಳ 8.5 ಮಿಲಿಯನ್ ಉದ್ಯೋಗಿಗಳು ನೋಂದಾಯಿಸಲ್ಪಟ್ಟಿದ್ದಾರೆ.ಖಾಸಗಿ ರಂಗದ ಎಲ್ಲಾ ಉದ್ಯೋಗಿಗಳು ಹಾಗೂಸಾರ್ವಜನಿಕ ರಂಗದ ಒಂದು ಗುಂಪಿನ ಉದ್ಯೋಗಿಗಳು ಈ ಯೋಜನೆಯಡಿ ಬರುತ್ತಾರೆ, ಎಂದು ಹಬ್ದನ್ ಹೇಳಿದರು.