ಉಡುಪಿ ಗ್ರಾಪಂ ಚುನಾವಣೆ: 72 ನಾಮಪತ್ರ ಸಲ್ಲಿಕೆ

ಉಡುಪಿ, ಎ.7: ಉಡುಪಿ ಜಿಲ್ಲೆಯ ಮೂರು ತಾಲೂಕುಗಳ 26 ಗ್ರಾಪಂಗಳಲ್ಲಿ ವಿವಿಧ ಕಾರಣಗಳಿಂದ ತೆರವಾಗಿರುವ 33 ಸ್ಥಾನಗಳಿಗೆ ಎ.20ರಂದು ನಡೆಯುವ ಚುನಾವಣೆಗೆ ಈವರೆಗೆ ಒಟ್ಟು 72 ನಾಮಪತ್ರಗಳು ಸಲ್ಲಿಕೆಯಾಗಿವೆ ಎಂದು ಜಿಲ್ಲಾಧಿಕಾರಿ ಕಚೇರಿಯ ಮಾಹಿತಿಯಿಂದ ತಿಳಿದುಬಂದಿದೆ.

ಕುಂದಾಪುರ ತಾಲೂಕಿನ 10 ಗ್ರಾಪಂಗಳ 12 ಸ್ಥಾನಗಳಿಗೆ ಒಟ್ಟು 28 ನಾಮಪತ್ರಗಳು ಸಲ್ಲಿಕೆಯಾಗಿದ್ದರೆ, ಉಡುಪಿ ತಾಲೂಕಿನ 12 ಗ್ರಾಪಂಗಳ 16 ಸ್ಥಾನಗಳಿಗೆ ಈವರೆಗೆ 30 ನಾಮಪತ್ರಗಳು ಸಲ್ಲಿಕೆಯಾಗಿವೆ.