ಹಾಕ್‌ಬೇ ಹಾಕಿ ಕಪ್: ಕೊನೆಗೂ ಜಯ ಸಾಧಿಸಿದ ಭಾರತ

 ಹೇಸ್ಟಿಂಗ್ಸ್, ಎ.9: ಹಾಕ್ ಬೇ ಕಪ್‌ನಲ್ಲಿ ಭಾರತದ ಮಹಿಳಾ ಹಾಕಿ ತಂಡ ಕೆನಡಾದ ವಿರುದ್ಧ 1-0 ಗೋಲುಗಳ ಅಂತರದಿಂದ ಗೆಲುವು ಸಾಧಿಸಿದೆ. ಈ ಮೂಲಕ ಭಾರತ ಸರಣಿಯಲ್ಲಿ ಸತತ ಸೋಲಿನಿಂದ ಹೊರ ಬಂದಿದೆ.

ಕೆನಡಾದ ವಿರುದ್ಧ ಮೊದಲ ಗೆಲುವು ಸಾಧಿಸುವ ವಿಶ್ವಾಸದಲ್ಲಿ ಭಾರತ ತಂಡ ಕಣಕ್ಕಿಳಿದಿತ್ತು. ಮೊದಲಾರ್ಧದಲ್ಲಿ ಉಭಯ ತಂಡಗಳು ಗೋಲಿಗಾಗಿ ಹೋರಾಟ ನಡೆಸಿದ್ದವು. ಎರಡೂ ತಂಡಗಳಿಗೆ ಪೆನಾಲ್ಟಿ ಕಾರ್ನರ್ ಅವಕಾಶ ಲಭಿಸಿತ್ತು. ಆದರೆ, ಇದನ್ನು ಸದುಪಯೋಪಡಿಸಿಕೊಳ್ಳಲು ವಿಫಲವಾದವು. 43ನೆ ನಿಮಿಷದಲ್ಲಿ ಲಿಲಿಮಾ ಮಿಂಝ್ ಕೊನೆಗೂ ಭಾರತದ ಖಾತೆಯಲ್ಲಿ ಗೋಲು ಜಮೆ ಮಾಡಿದರು. ಕೆನಡಾದ ಗೋಲ್‌ಕೀಪರ್‌ನ್ನು ವಂಚಿಸಿದ ಲಿಲಿಮಾ ಭಾರತಕ್ಕೆ 1-0 ಮುನ್ನಡೆ ಒದಗಿಸಿಕೊಟ್ಟರು.

ಕೆನಡಾದ ವಿರುದ್ಧ ಗೆಲುವು ಸಾಧಿಸಿರುವ ಭಾರತ ಟೂರ್ನಿಯಲ್ಲಿ 5-6ನೆ ಸ್ಥಾನಕ್ಕಾಗಿ ರವಿವಾರ ನಡೆಯಲಿರುವ ಪಂದ್ಯದಲ್ಲಿ ಐರ್ಲೆಂಡ್ ತಂಡದ ವಿರುದ್ಧ ಸೆಣಸಾಡಲಿದೆ.

......