ಮರೆವು ...! ಒಂದು ರೋಗವೇ?

ಭಾಗ-2

ದೇಹ ತೂಕ: ಹೆಚ್ಚಿನ ದೇಹತೂಕ ಇರುವವರು ಅಥವಾ ಸ್ಥೂಲಕಾಯರು ರಕ್ತ ಸಂಬಂಧಿತ ಕಾಯಿಲೆಗಳಿಗೆ ಅರಕ್ಷಿತ ಸ್ಥಿತಿಯಲ್ಲಿರುವವರು, ರಕ್ತದಲ್ಲಿ ಕೊಲೆಸ್ಟ್ರಾಲ್ ಅಂಶ ಜಾಸ್ತಿಯಾದಲ್ಲಿ, ಮೆದುಳಿನ ರಕ್ತ ಸಂಚಲನಕ್ಕೆ ಅಡಚಣೆಯುಂಟಾಗಿ ಈ ರೀತಿಯ ಕಾಯಿಲೆಗಳಿಗೆ ತುತ್ತಾಗಬಹುದು. ಆದುದರಿಂದ ಉತ್ತಮವಾದ ದೈಹಿಕ ವ್ಯಾಯಾಮ ಕ್ರಮವನ್ನು ಜೀವನದಲ್ಲಿ ಅಳವಡಿಸಿಕೊಳ್ಳುವುದು ಉತ್ತಮ.
 ವಿದ್ಯೆ (education): ಅಧ್ಯಯನಗಳ ಪ್ರಕಾರ, ಹಲವಾರು ವರ್ಷ ಕಲಿಕೆಯಲ್ಲಿ ತೊಡಗಿರುವವರಿಗೆ ಈ ಕಾಯಿಲೆ ತಟ್ಟುವುದು ವಿರಳ. (ಅನೇಕ ಅಪವಾದಗಳಿವೆ) ಅವಿದ್ಯಾವಂತರಿಗೆ ಈ ಕಾಯಿಲೆಯ ತಗಲುವ ಸಾಧ್ಯತೆ ಹೆಚ್ಚು. ಕಲಿಯುವಿಕೆಯು ಮೆದುಳನ್ನು ಆಗಿಂದಾಗೆ ಚೇತನಗೊಳಿಸಿ ಹೆಚ್ಚು ಬಲಪಡಿಸುತ್ತದೆ. ಹಾಗಾಗಿ ಕೆಲವು ಮೆದುಳಿಗೆ ಸಂಬಂಧಿಸಿದ ಕಾಯಿಲೆಗಳನ್ನು ತಡೆಗಟ್ಟುವಲ್ಲಿ ಯಶಸ್ವಿಯಾಗುತ್ತದೆ ಎಂಬ ವಿವರಣೆಯನ್ನು ವಿಜ್ಞಾನಿಗಳು ಕೊಡುತ್ತಾರೆ. ಹೀಗಾಗಿ ನಮ್ಮ ಬಿಡುವಿನ ಸಮಯದಲ್ಲಿ ಒಳ್ಳೆಯ ಪುಸ್ತಕಗಳನ್ನು ಪತ್ರಿಕೆಗಳನ್ನು ಓದುವುದು ಮತ್ತು ಅದರ ಬಗ್ಗೆ ಚರ್ಚೆ ನಡೆಸುವುದು ಉತ್ತಮ ಹವ್ಯಾಸ.
 ಮಾನಸಿಕ ವ್ಯಾಯಾಮ (mental exercise): ಸಂಘ ಜೀವಿಗಳಾಗಿರುವವರು ಮತ್ತು ತಮ್ಮನ್ನು ತಾವೇ ಅನೇಕ ಹವ್ಯಾಸಗಳಲ್ಲಿ ತೊಡಗಿಸಿಕೊಳ್ಳುವವರಲ್ಲಿ ಈ ಕಾಯಿಲೆಯು ಅಪರೂಪ ಎಂಬ ಅಂಶವು ಸಂಶೋಧನೆಗಳ ಮೂಲಕ ಬೆಳಕಿಗೆ ಬಂದಿದೆ.
ಉದಾ: ಅನೇಕ ಕಾರ್ಯಕ್ರಮಗಳಲ್ಲಿ ಪಾಲು ತೆಗೆದುಕೊಳ್ಳುವುದು. ಒಗಟು ಬಿಡುವ ಹವ್ಯಾಸ, ಕ್ಲಿಷ್ಟ ಪದಬಂಧ ಬಿಡಿಸುವುದು ... ಇತ್ಯಾದಿಗಳು ಉತ್ತಮ ಹವ್ಯಾಸಗಳಾಗಿವೆ.
 ತಲೆಗೆ ಪೆಟ್ಟು / ಮೆದುಳಿನ ಆಘಾತ: (head injury / brain trauma) ಬಹಳಷ್ಟು ಆಲ್ಜೀಮರ್ಸ್ ರೋಗಿಗಳ ವೈದ್ಯಕೀಯ ಚರಿತ್ರೆಯಲ್ಲಿ ಮೆದುಳಿನ ಆಘಾತ ಅಥವಾ ಅಪಘಾತದಲ್ಲಿ ತಲೆಗೆ ಪೆಟ್ಟು ಅಧ್ಯಯನದಿಂದ ಕಂಡುಬಂದ ಸಂಗತಿಗಳು.
ಈ ರೀತಿಯಾಗಿ ಮರೆವು ಎಂಬ ಕಾಯಿಲೆಯು ನಮ್ಮ ಸಮಾಜ ತಪ್ಪಿಸಿಕೊಳ್ಳಲಾಗದ ಅಂಶವಾಗಿ ಬೆಳೆಯುತ್ತಾ ಇದೆ. ಈ ನಿಟ್ಟಿನಲ್ಲಿ ಯುವ ಜನರು ಈ ರೋಗಿಗಳನ್ನು ನೋಡಿಕೊಳ್ಳುವಲ್ಲಿ ಯಾವ ರೀತಿಯಲ್ಲಿ ಸಹಾಯ ಮಾಡಬಹುದು?
    *ಕಾಯಿಲೆಯ ಬಗ್ಗೆ ಎಲ್ಲ ಮಾಹಿತಿಯನ್ನು ತಿಳಿದುಕೊಳ್ಳಿ.
    *ಶಾಂತಚಿತ್ತರಾಗಿ ಹಾಗೂ ತಾಳ್ಮೆಯಿಂದಿರಿ.
    *ಪ್ರೀತಿ ತೋರಿಸಿರಿ.
    *ರೋಗಿಯೊಂದಿಗೆ ಬೆರೆಯಿರಿ.
    *ಅರ್ಥ ಮಾಡಿಕೊಳ್ಳಲು ಪ್ರಯತ್ನಿಸಿರಿ.
    *ಗೌರವಿಸಿರಿ ರೋಗಿ ನುಡಿ ತಪ್ಪಿದಲ್ಲಿ ಸರಿಪಡಿಸುವ ಗೊಡವೆಗೆ ಹೋಗದಿರಿ.
    *ಅವರನ್ನು ಆರೈಕೆ ಮಾಡುವವರಿಗೆ ನಿಮ್ಮಿಂದಾದಷ್ಟು ಸಹಾಯ ಮಾಡಿರಿ.
    *ಮನೆಗೆ ಬರುವ ಸ್ನೇಹಿತರಿಗೆ / ಬಂಧುಗಳಿಗೆ ಪೂರ್ವಭಾವಿಯಾಗಿ ರೋಗಿಯ ಕಾಯಿಲೆ ಮತ್ತು ನಡವಳಿಕೆ ಬಗ್ಗೆ ಮಾಹಿತಿ ನೀಡಿರಿ. ಈ ರೀತಿ ಮಾಹಿತಿ ನೀಡಿದಲ್ಲಿ, ಅವರು ಮನೆಗೆ ಬಂದಾಗ ರೋಗಿಯನ್ನು ಎದುರಿಸಲು ಮತ್ತು ಸಹಾಯನುಭೂತಿಯಿಂದ ವರ್ತಿಸಲು ಸಹಾಯ ಆಗಬಹುದು.
    *ನಿಮ್ಮ ಬಿಡುವಿನ ಕೆಲ ಸಮಯವನ್ನು ಅವರೊಂದಿಗೆ ಕಳೆಯಿರಿ.

ಮರೆವು ಅಥವಾ ಮರೆಗುಳಿತನವು ಒಂದು ಗಂಭೀರವಾದ ಕಾಯಿಲೆಯಾಗಿದೆ. ಈ ರೋಗದಿಂದ ಬಳಲುವ ರೋಗಿಯನ್ನು ನೋಡಿಕೊಳ್ಳಲು ಸ್ನೇಹಿತರ, ಕುಟುಂಬ/ ಬಂಧುಗಳ ಹಾಗೂ ಸಮಾಜದ ನೆರವಿನ ಅಗತ್ಯವಿದೆ. ಅಂಕಿ ಸಂಖ್ಯೆಗಳ ಪ್ರಕಾರ (WHO)  ಭಾರತ ಸಹಿತ ಪ್ರಗತಿಪರ ದೇಶಗಳಲ್ಲಿ ವಯಸ್ಕರ ಸಂಖ್ಯೆಯು ಬೆಳೆಯುತ್ತಾ ಇದೆ. ಮನುಷ್ಯನ ಆಯಸ್ಸು ಹೆಚ್ಚಾದಂತೆ, ಈ ಮರೆವಿನಂತಹ ಕಾಯಿಲೆಗಳು ಒಂದು ಸಮಸ್ಯೆಯಾಗಿ ಬೆಳೆಯುತ್ತಾ ಇವೆ. ಆಲ್ಜೀಮರ್ಸ್ ಡಿಸೀಸ್ ಇಂಟರ್‌ನ್ಯಾಶನಲ್ (ADI)  ಪ್ರಕಾರ ಪ್ರಗತಿಪರ ದೇಶಗಳಲ್ಲಿ 65 ವರ್ಷಗಳಿಂದ ಮೇಲ್ಪಟ್ಟವರು ಶೇ. 5.8 ರಷ್ಟು, 75 ವರ್ಷಗಳಿಗಿಂತ ಮೇಲ್ಪಟ್ಟವರು 15-20 ರಷ್ಟು ಹಾಗೂ 85 ರಷ್ಟು ಮೀರಿದವರಲ್ಲಿ ಶೇ. 25.50 ಜನರಲ್ಲಿ ಈ ರೋಗದ ಲಕ್ಷಣಗಳು ಕಾಣಿಸಿಕೊಳ್ಳುತ್ತಿವೆ. ಈ ಕಾರಣದಿಂದಾಗಿ, ನಮ್ಮ ಜೀವನದ ಘಟ್ಟಗಳಲ್ಲಿಯೂ ಇಂಥಾ ಸಂದರ್ಭಗಳು (ರೋಗಿಗಳನ್ನು ಆರೈಕೆ ಮಾಡುವುದು) ಬರುವ ಸಾಧ್ಯತೆಯನ್ನು ಅಲ್ಲಗಳೆಯುವಂತಿಲ್ಲ. ಈ ನಿಟ್ಟಿನಲ್ಲಿ ನಮ್ಮಿಂದಾದಷ್ಟು ಈ ರೋಗದ ಬಗ್ಗೆ ಮತ್ತು ಚಿಕಿತ್ಸೆಯ ಬಗ್ಗೆ ತಿಳಿದುಕೊಳ್ಳೋಣ.
ಹೀಗೆ ಮಾಡಿದಲ್ಲಿ, ಈಗಿನ ಅಥವಾ ಮುಂಬರುವ ದಿನಗಳಲ್ಲಿ ಬರಬಹುದಾದ ಅಹಿತಕರ ಘಟನೆಗಳಿಗೆ ಸಿದ್ಧರಾಗಿರಲು ಸಾಧ್ಯವಾಗುತ್ತದೆ.

ಮರೆವು ಅಥವಾ ಮರೆಗುಳಿತನವು ಒಂದು ಗಂಭೀರವಾದ ಕಾಯಿಲೆ ಆಗಿದೆ. ಈ ರೋಗದಿಂದ ಬಳಲುವ ರೋಗಿಯನ್ನು ನೋಡಿಕೊಳ್ಳಲು ಸ್ನೇಹಿತರ, ಕುಟುಂಬ/ ಬಂಧುಗಳ ಹಾಗೂ ಸಮಾಜದ ನೆರವಿನ ಅಗತ್ಯವಿದೆ. ಅಂಕಿ ಸಂಖ್ಯೆಗಳ ಪ್ರಕಾರ ಭಾರತ ಸಹಿತ ಪ್ರಗತಿಪರ ದೇಶಗಳಲ್ಲಿ ವಯಸ್ಕರ ಸಂಖ್ಯೆಯು ಬೆಳೆಯುತ್ತಾ ಇದೆ. ಮನುಷ್ಯನ ಆಯಸ್ಸು ಹೆಚ್ಚಾದಂತೆ, ಈ ಮರೆವಿನಂತಹ ಕಾಯಿಲೆಗಳು ಒಂದು ಸಮಸ್ಯೆಯಾಗಿ ಬೆಳೆಯುತ್ತಾ ಇವೆ.