ಹೆಸರು ಕಾಳು: ಪೌಷ್ಠಿಕತೆ ಹಾಗೂ ಆರೋಗ್ಯ ಲಾಭದ ಸಂಗಮ

ಹೆಸರು ಕಾಳು ಸಸ್ಯಾಹಾರಿಗಳಲ್ಲಿ ಅತೀ ಹೆಚ್ಚು ಜನಪ್ರಿಯವಾಗಿರುವ ಆಮಿನೋ ಆಸಿಡ್ ಶ್ರೀಮಂತವಾಗಿರುವ ದ್ವಿದಳಧಾನ್ಯ. ಮಾಂಸಾಹಾರ ತಿನ್ನದವರಿಗೂ ಅತ್ಯಧಿಕ ಗುಣಮಟ್ಟದ ಪ್ರೊಟೀನನ್ನು ಇದು ಒದಗಿಸುತ್ತದೆ. ಹೆಸರು ಕಾಳು ನೀವು ಏಕೆ ಸೇವಿಸಬೇಕೆಂದರೆ,

► ಜೀರ್ಣಾಂಗದಲ್ಲಿ ಸೇರಿದ ವಿಷಕಾರಿ ವಸ್ತುಗಳನ್ನು ನಿವಾರಿಸುತ್ತವೆ. ಕರುಳಿನ ಮೂಲಕ ಹಾದು ಹೋಗುವಾಗ ವಿಷಕಾರಿ ರಾಸಾಯನಿಕಗಳನ್ನು (ಟಾಕ್ಸಿನ್) ಹೀರಿಕೊಳ್ಳುತ್ತವೆ.

►ಈ ದ್ವಿದಳ ಧಾನ್ಯಗಳ ಟಾಕ್ಸಿನ್ ವಿರುದ್ಧ ಹೋರಾಡುವ ಗುಣದಿಂದಾಗಿ ಯಕೃತ್ತಿನ (ಲಿವರ್) ಕೆಲಸವನ್ನು ಕಡಿಮೆಗೊಳಿಸುತ್ತದೆ. ಲಿವರ್ ಕೊಬ್ಬನ್ನು ಕಡಿಮೆ ಮಾಡಲು ನೆರವಾಗುವ ಲೆಸಿತಿನ್ ಹೆಸರುಕಾಳಲ್ಲಿ ಶ್ರೀಮಂತವಾಗಿದೆ.

►ಟಾಕ್ಸಿನ್‌ಗಳನ್ನು ನಿವಾರಿಸುವ ಜೊತೆಗೆ ಹೆಸರು ಕಾಳು ನೀವು ಸೇವಿಸುವ ಆಹಾರದಲ್ಲಿನ ಕೊಲೆಸ್ಟರಾಲನ್ನು ನಿವಾರಿಸುತ್ತದೆ. ನಿತ್ಯವೂ ಇದನ್ನು ಸೇವಿಸುವುದರಿಂದ ಎಲ್‌ಡಿಎಲ್ ಅಥವಾ ಕೆಟ್ಟ ಕೊಲೆಸ್ಟರಾಲನ್ನು ಕಡಿಮೆಗೊಳಿಸಬಹುದು.

► ಐದು ಅಥವಾ ಹೆಚ್ಚು ಸರ್ವಿಂಗಲ್ಲಿ ಹೆಸರುಕಾಳು ಸೇವಿಸುವುದು ಹೃದಯರೋಗದ ಅಪಾಯವನ್ನು ಶೇ.22ರಷ್ಟು ಕಡಿಮೆಗೊಳಿಸುತ್ತದೆ.

► ಹೆಸರು ಕಾಳು ತೂಕ ಕಡಿಮೆ ಮಾಡುತ್ತದೆ. ಪ್ರತೀ ಕಾಳಲ್ಲೂ ಫೈಬರ್ ಇರುವ ಕಾರಣ ಹಸಿವೆ ಕಡಿಮೆಯಾಗುತ್ತದೆ. ಇವುಗಳಲ್ಲಿ ಕೊಬ್ಬು ಕಡಿಮೆ ಇದ್ದು ಪ್ರೊಟೀನ್ ಹೆಚ್ಚಾಗಿರುತ್ತದೆ.

► ಹೆಸರು ಕಾಳಿನಲ್ಲಿರುವ ಕಾಂಪ್ಲೆಕ್ಸ್ ಕಾರ್ಬೋಹೈಡ್ರೇಟುಗಳು ದೇಹಕ್ಕೆ ಶಕ್ತಿ ನೀಡುತ್ತದೆ. ಕಾಂಪ್ಲೆಕ್ಸ್ ಕಾರ್ಬೋಹೈಡ್ರೇಟುಗಳು ನಿಧಾನವಾಗಿ ಮತ್ತು ನಿರಂತರವಾಗಿ ರಕ್ತಕ್ಕೆ ಬಿಡುಗಡೆಯಾಗುತ್ತವೆ. ರಕ್ತದಲ್ಲಿ ಗ್ಲುಕೊಸ್ ಪ್ರಮಾಣ ಮತ್ತು ಹಸಿವೆಯ ಮಟ್ಟವನ್ನು ನಿಭಾಯಿಸುತ್ತದೆ.

► ಮೊಳಕೆಯೊಡೆದ ಹೆಸರು ಕಾಳುಗಳನ್ನು ಸೇವಿಸುವುದರಿಂದ ಕ್ಯಾನ್ಸರ್ ಅಪಾಯ ಕಡಿಮೆಯಾಗುತ್ತದೆ. ಕ್ಯಾನ್ಸರ್ ಕೋಶಗಳನ್ನು ಕೊಲ್ಲುವ ಬಿ17 ವಿಟಮಿನ್ ಹೆಸರು ಕಾಳುಗಳಲ್ಲಿವೆ.

► ಮೊಳಕೆಯೊಡೆದ ಹೆಸರು ಕಾಳು ವಿಟಮಿನ್ ಸಿಯಿಂದ ತುಂಬಿಕೊಂಡಿದ್ದು ದೇಹದಲ್ಲಿ ಸ್ವತಂತ್ರ ಕಣಗಳ ಹಾವಳಿಯಿಂದ ಕೋಶಗಳಿಗೆ ರಕ್ಷಣೆ ಒದಗಿಸುತ್ತವೆ.

► ಹೆಸರು ಕಾಳಿನ ವಿಟಮಿನ್ ಸಿ ಚರ್ಮದ ಕೋಶಗಳನ್ನು ರಕ್ಷಿಸುವ ಸಾಮರ್ಥ್ಯ ಹೊಂದಿರುವ ಕಾರಣ ಮುಪ್ಪಾಗುವುದನ್ನು ನಿಧಾನಗೊಳಿಸುತ್ತದೆ. ಹೆಚ್ಚುವರಿಯಾಗಿ ಸಸ್ಯಜನ್ಯ ಎನ್‌ಜೈಮ್‌ಗಳಾದ ಫೀಟೊಎಸ್ಟ್ರೋಜನ್‌ಗಳು ಕೊಲಾಜಿನ್ ಮತ್ತು ಇಲಾಸ್ಟಿನ್ ಉತ್ಪನ್ನವನ್ನು ಪ್ರಚೋದಿಸುತ್ತವೆ. ಇವೆರಡೂ ಚರ್ಮದ ಬೆಳವಣಿಗೆಗೆ ಅಗತ್ಯ.

►ಪ್ರೊಟೀನ್ ಹೊರತಾಗಿ ಸತುವನ್ನೂ ಹೊಂದಿರುವ ಕಾರಣ ಉಗುರುಗಳು ಮತ್ತು ಕೂದಲಿನ ಬೆಳವಣಿಗೆಗೂ ಹೆಸರು ಕಾಳು ಸೇವನೆ ಉತ್ತಮ. - ಕಡಿಮೆ ಗ್ಲಿಸೆಮಿಕ್ ಸೂಚ್ಯಂಕವಿರುವ ಆಹಾರವಾಗಿರುವ ಕಾರಣ ಹೆಸರು ಕಾಳುಗಳು ಮಧುಮೇಹ ರೋಗಿಗಳಿಗೆ ಉತ್ತಮ ಆಹಾರ. ರಕ್ತದಲ್ಲಿ ಗ್ಲುಕೊಸ್ ಪ್ರಮಾಣ ನಿಯಂತ್ರಿಸಲು ಇದು ನೆರವಾಗುತ್ತದೆ.