ನೌಕಾಯಾನ ಹಕ್ಕುಗಳಿಗಾಗಿ ಭಾರತ, ಚೀನಾ ವಿರುದ್ಧ ಅಮೆರಿಕ ಅಭಿಯಾನ

ವಾಶಿಂಗ್ಟನ್, ಎ. 26: ಅಮೆರಿಕ ಸೇನೆ ಕಳೆದ ವರ್ಷ 13 ದೇಶಗಳ ವಿರುದ್ಧ ''ನೌಕಾಯಾನ ಸ್ವಾತಂತ್ರ'' ಅಭಿಯಾನವನ್ನು ನಡೆಸಿತ್ತು ಹಾಗೂ ಭಾರತವೂ ಈ ಪಟ್ಟಿಯಲ್ಲಿ ಸೇರಿದೆ ಎಂದು ಅಮೆರಿಕದ ರಕ್ಷಣಾ ಇಲಾಖೆ ಪೆಂಟಗನ್‌ನ ವಾರ್ಷಿಕ ವರದಿಯೊಂದು ತಿಳಿಸಿದೆ.
ಅಮೆರಿಕದ ಸೇನೆ ಅಭಿಯಾನ ನಡೆಸಿದ ದೇಶಗಳ ಪಟ್ಟಿಯಲ್ಲಿ ಚೀನಾ, ಭಾರತ, ಇಂಡೋನೇಶ್ಯ, ಇರಾನ್, ಲಿಬಿಯ, ಮಲೇಶ್ಯ, ಮಾಲ್ದೀವ್ಸ್, ಒಮನ್, ಫಿಲಿಪ್ಪೀನ್ಸ್ ಮತ್ತು ವಿಯೆಟ್ನಾಂಗಳು ಸೇರಿವೆ.
ಈ ದೇಶಗಳ ವಿರುದ್ಧ ಎಷ್ಟು ಬಾರಿ ಅಭಿಯಾನಗಳನ್ನು ನಡೆಸಲಾಗಿದೆ ಎಂಬುದನ್ನು ವರದಿ ತಿಳಿಸಿಲ್ಲ. ಆದರೆ, ತೈವಾನ್, ನಿಕಾರಗುವ ಮತ್ತು ಅರ್ಜೆಂಟೀನಗಳ ವಿರುದ್ಧ ಒಂದು ಬಾರಿ ಅಭಿಯಾನ ನಡೆಸಿದೆ. ಹೀಗೆ ಒಟ್ಟು 13 ದೇಶಗಳ ವಿರುದ್ಧ ಅದು ನೌಕಾಯಾನ ಸ್ವಾತಂತ್ರ ಅಭಿಯಾನ ನಡೆಸಿದೆ.