ಅಮಿತಾಭ್ ಹೆದರು ಪುಕ್ಕಲ: ಅಮರ್ ಸಿಂಗ್
ಸಮಾಜವಾದಿ ಪಾರ್ಟಿಯ ಮಾಜಿ ರಾಜ್ಯಸಭಾ ಸದಸ್ಯ ಅಮರ್ ಸಿಂಗ್ ರು ಸೂಪರ್ ಸ್ಟಾರ್ ಅಮಿತಾಭ್ಬಚ್ಚನ್ರನ್ನು ಬಹಳ ಹೆದರು ಪುಕ್ಕಲ ಎಂದು ಹೇಳಿಬಿಟ್ಟಿದ್ದಾರೆ. ಬಿಬಿಸಿ ಹಿಂದಿಯೊಂದಿಗೆ ಮಾತಾಡುತ್ತಾ "ಅವರು ಕಾನೂನಿಗೆ ಬಹಳ ಹೆದರುತ್ತಾರೆ. ಅವರಿಗೆ ತೆರೆಯಲ್ಲಿ ಆ್ಯಂಗ್ರಿ ಯಂಗ್ಮೆನ್ ಇಮೇಜ್ ಇದೆ, ಒಂದು ಸಾಮಾನ್ಯ ಆದಾಯ ತೆರಿಗೆ ಅಧಿಕಾರಿಯ ಒಂದು ಸಣ್ಣ ನೋಟಿಸ್ ಅವರ ಅವಸ್ಥೆಯನ್ನೆ ಕೆಡಿಸಿಹಾಕುತ್ತಿದೆ" ಎಂದು ಹೇಳಿರುವುದಾಗಿ ವರದಿಯಾಗಿದೆ.
ಅಮರ್ ಸಿಂಗ್ ಹಿಂದೆ ಸೂಪರ್ಸ್ಟಾರ್ ಅಮಿತಾಭ್ ಬಚ್ಚನ್ರ ಬಹಳ ನಿಕಟ ಜನರಲ್ಲೊಬ್ಬರು ಎಂದು ಲೆಕ್ಕಹಾಕಲಾಗುತ್ತಿತ್ತು. ಆದರೆ ಈಗ ಅವರಿಬ್ಬರ ನಡುವೆ ಅಂತರ ಏರ್ಪಟ್ಟಿದೆ ಮತ್ತು ಈಗ ಅಮರ್ ಸಿಂಗ್ ಬಚ್ಚನ್ರನ್ನು ಟೀಕಿಸಲು ಹಿಂದೆ ಮುಂದೆ ನೋಡುವುದಿಲ್ಲ.
ಇತ್ತೀಚೆಗೆ ಪನಾಮ ಪೇಪರ್ಸ್ ಲೀಕ್ ಮೂಲಕ ತೆರಿಗೆ ಕದಿಯಲು ವಿದೇಶದ ಬ್ಯಾಂಕ್ಗಳಲ್ಲಿ ಹಣ ಇಟ್ಟಿದ್ದಾರೆಂಬ ಮಾಧ್ಯಮ ವರದಿಗಳು ಪ್ರಕಟಗೊಂಡಿದ್ದವು. ಅದರಲ್ಲಿ ಅಮಿತಾಭ್ ಬಚ್ಚನ್ ಹೆಸರು ಇತ್ತು. ಅಮಿತಾಭ್ ತನ್ನ ಮೇಲಿನ ಎಲ್ಲ ಆರೋಪವನ್ನು ನಿರಾಕರಿಸಿದ್ದಾರೆ. ಆದರೂ ಅಮರ್ ಸಿಂಗ್ ಅಮಿತಾಭ್ ಬಚ್ಚನ್ರನ್ನು ಡರ್ಪೋಕ್(ಹೆದರು ಪುಕ್ಕಲ) ಎಂದು ವಿಶ್ಲೇಷಿಸಿದ್ದಾರೆ.
ಅಮರ್ ಸಿಂಗ್ "ಕಾನೂನಿನ ದೃಷ್ಟಿಯಲ್ಲಿ ಯಾರೇ ಅಜ್ಞಾತವಾಗಿ ಉಳಿದಿದ್ದರು ಅವರು ಕ್ಷಮ್ಯರಲ್ಲ’
"ಇದು ಅಮಿತಾಭ್ರ ಮುಗ್ಧತೆ ಕೂಡಾ ಆಗಿರಬಹುದು. ಕೆಲವೊಮ್ಮೆ ಅವರು ಅವರ ಚಾರ್ಟಡ್ ಎಕೌಂಟೆಂಟ್ ಅಥವಾ ಅವರ ನಿಕಟ ವ್ಯಕ್ತಿ ಅವರಿಂದ ಯಾವುದಾದರೂ ಕಾಗದಕ್ಕೆ ಸಹಿಹಾಕಿಸಿಕೊಂಡಿದ್ದರೆ ಅವರು ಅದನ್ನು ಮರೆತಿರಲೂಬಹುದು" ಎಂದು ಅಮರ್ ಸಿಂಗ್ ಹೇಳಿರುವುದಾಗಿ ವರದಿಯಾಗಿದೆ..
