ಈ ಬೇಸಿಗೆಗೆ ಇಲ್ಲಿವೆ 7 ಕೂಲ್ ಗ್ಯಾಜೆಟ್ ಗಳ
ಪ್ರತೀ ವರ್ಷ ಬೇಸಗೆ ಬಇಸಿಯಾಗುತ್ತಿರುವ ಸಮಯದಲ್ಲಿ ತಂತ್ರಜ್ಞಾನವೂ ಹೆಚ್ಚು ಆಧುನಿಕವಾಗುತ್ತಿವೆ. ಎಸಿಗಳು ಮತ್ತು ಕೂಲರುಗಳು ಮಾತ್ರ ಈಗ ಬಿಸಿಯನ್ನು ನಿವಾರಿಸುತ್ತಿಲ್ಲ. ಇಲ್ಲಿ ತಂಪು ಕೊಡುವ ಅಂತಹ ಕೆಲವು ಗಜೆಟುಗಳ ವಿವರಗಳಿವೆ.
ಆಂಡ್ರಾಯ್ಡಾ ಫೋನುಗಳಿಗಾಗಿ ಸ್ಕೈಲಿಯೊ ಯುಎಸ್ಬಿ ಫ್ಯಾನ್- ರೂ. 324
ಒಂದು ಸ್ಮಾರ್ಟ್ಫೋನ್ ಕೈಯಲ್ಲಿ ಹಿಡಿದು ನೀವು ಧಗೆಯಲ್ಲಿ ಸಿಲುಕಿದ್ದೀರಿ ಎಂದಾದಲ್ಲಿ ನಿಮಗೆ ನೆರವಾಗುವುದೇ ಈ ಸ್ಕೈಲಿಯೊ ಫ್ಯಾನ್. ಇದು ಸರಳವಾದ ಕನೆಕ್ಟಿವಿಟಿ ಕೊಡುತ್ತದೆ ಮತ್ತು ಅದರ ಬ್ಲೇಡುಗಳು ಬಹಳ ಉಪಯುಕ್ತ. ಹಲವು ಬಣ್ಣಗಳಲ್ಲೂ ಇವು ಲಭ್ಯವಿವೆ.
ಜೆನೆರಿಕ್ ಮಿನಿ ಪಿಸಿ ಯುಎಸ್ಬಿ ರೆಫ್ರಿಜರೇಟರ್- ರೂ. 1840
ನೀವು ಬಹಳ ಸೋಮಾರಿಗಳಾಗಿದ್ದರೆ ಮತ್ತು ಡ್ರಿಂಕ್ಸ್ ಬೇಕೆನ್ನುವ ಆಸೆ ನಿಮಗಿದ್ದಲ್ಲಿ ಈ ಮಿನಿ ರೆಫ್ರಿಜರೇಟರ್ ನೆರವಾಗಬಲ್ಲದು. ಯುಎಸ್ಬಿ ಮೂಲಕ ಕೆಲಸ ಮಾಡುವ ಈ ಫ್ರಿಡ್ಜ್ ಬೇಗನೇ ಪಾನೀಯವನ್ನು ತಂಪಾಗಿಸುತ್ತದೆ. ಪ್ಲಗ್ ಮತ್ತು ಪ್ಲೇ ಸಪೋರ್ಟ್ ಇದೆ. ಬಿಸಿ ಮಾಡುವ ಆಯ್ಕೆಯೂ ಇದೆ.
ಯುಎಸ್ಬಿ ಎಲ್ಇಡಿ ಕ್ಲಾಕ್ ಫ್ಯಾನ್- ರೂ.543
ನಮ್ಮ ಪಟ್ಟಿಯಲ್ಲಿ ಮುಂದಿನದು ಯುಎಸ್ಬಿ ಎಲ್ಇಡಿ ಕ್ಲಾಕ್ ಫ್ಯಾನ್. ಅದರ ಜತೆಗೆ ಫ್ಲೆಕ್ಸಿಬಲ್ ಮೆಟಲ್ ನೆಕ್ ಹೊಂದಾಣಿಕೆ ಮಾಡಿಕೊಳ್ಳಬಹುದು. ಕ್ಲಾಕನ್ನು ಯಾವುದೇ ಸಮಸ್ಯೆ ಇಲ್ಲದೆ ಸೆಟ್ ಮಾಡಬಹುದು. ಸ್ವಿಚ್ ಆಫ್ ಮಾಡಿದಾಗಲೂ ಕಾನ್ಫಿಗರ್ಡ್ ಸೆಟ್ಟಿಂಗ್ ನೆನಪಿಟ್ಟುಕೊಂಡಿರುತ್ತದೆ. ಕಚೇರಿ ಉಡುಗೊರೆಯಾಗಿಯೂ ಈ ಗಜೆಟ್ ಉತ್ತಮ.
ಸೋಲಾರ್ ಪವರ್ಡ್ ಫ್ಯಾನ್ ಕ್ಯಾಪ್- ರೂ. 399
ಬಿಸಿಲಿನಲ್ಲಿ ಕ್ರಿಕೆಟ್ ಮ್ಯಾಚ್ ನೋಡಲು ಹೋಗಬೇಕೆ. ಈ ಕ್ಯಾಪ್ ನೆರವಾಗಲಿದೆ. ಇದರಲ್ಲಿ ಎರಡು ಸಣ್ಣ ಸೋಲಾರ್ ಪ್ಯಾನಲುಗಳು ಮತ್ತು ಮಿನಿ ಫ್ಯಾನ್ ಇವೆ. ಇದಕ್ಕೆ ಬ್ಯಾಟರಿಗಳ ಅಗತ್ಯವಿಲ್ಲ. ವಿಭಿನ್ನ ತಲೆ ಗಾತ್ರಕ್ಕೆ ಹೊಂದಿಸಿಕೊಳ್ಳಬಹುದು. ಹೊರಾಂಗಣ ಚಟುವಟಿಕೆಗೆ ಉತ್ತಮ. ಸೋಲಾರ್ ಉಪಕರಣವಾಗಿರುವ ಕಾರಣ ಸೂರ್ಯನ ಬೆಳಕಿನಲ್ಲಿ ಮಾತ್ರ ಕೆಲಸ ಮಾಡುತ್ತದೆ.
ಸ್ಯಾನಿಕ್ಸ್ ಸೋನಾ ಬಾಯ್ ಪೋರ್ಟೇಬಲ್ ಹ್ಯುಮಿಡಿಫೈಯರ್- ರೂ. 1404
ಈ ಸಣ್ಣ ಹ್ಯುಮಿಡಿಫೈಯರ್ ಲುಕ್ ಗಿಂತಲೂ ಚೆನ್ನಾಗಿದೆ. ಒಣ ಎಸಿ ಗಾಳಿಯಿಂದ ಬಸವಳಿದವರಿಗೆ ಉತ್ತಮ ಗಜೆಟ್. ಮನೆ ಮತ್ತು ಕಚೇರಿ ಎರಡಕ್ಕೂ ಹೊಂದಿಕೊಳ್ಳುತ್ತದೆ. ಯುಎಸ್ಬಿ ಮೂಲಕ ಕೆಲಸ ಮಾಡುವ ಸೋನಾ ಬಾಯ್ ಹ್ಯುಮಿಡಿಫೈಯರ್ 60 ಮಿಲೀ ನೀರಿನ ಸಾಮರ್ಥ್ಯ ಹೊಂದಿರುತ್ತದೆ. ಕಂಪಾಕ್ಟ್ ಮತ್ತು ಲೈಟ್ ವೈಟ್ ಆಗಿದ್ದು, ಪ್ರಯಾಣದಲ್ಲಿ ಕೊಂಡೊಯ್ಯಲು ಸರಳವಾಗಿದೆ.
ಹೆಲ್ತ್ಪ್ರೊ ರಿಯೂಸೇಬಲ್ ಸಿಲ್ವರ್ ಸ್ಟೇನ್ಲೆಸ್ ಸ್ಟೀಲ್ ಐಸ್ ಕ್ಯೂಬ್ಸ್- ರೂ. 2299
ಮನೆಯಲ್ಲಿ ಪಾರ್ಟಿ ಇದ್ದು ಸಾಕಷ್ಟು ಐಸ್ ಕ್ಯೂಬ್ ಇಲ್ಲದಿದ್ದರೆ ಇದು ನೆರವಾಗಲಿದೆ. ಹೆಲ್ತ್ಪ್ರೊ ಸಿಲ್ವರ್ ಸ್ಟೇನ್ಲೆಸ್ ಸ್ಟೀಲ್ ಐಸ್ ಕ್ಯೂಬ್ಸ್ ಮರಳಿ ಬಳಸಬಹುದು. ಫುಡ್ ಗ್ರೇಡ್ ಸ್ಟೇನ್ಲೆಸ್ ಸ್ಟೀಲಿನಲ್ಲಿ ಮಾಡಿದ ಈ ದ್ರವ ತುಂಬಿದ ಕ್ಯೂಬುಗಳು ಕೆಲವು ನಿಮಿಷಗಳಲ್ಲಿ ಪಾನೀಯವನ್ನು ತಂಪಾಗಿಸುತ್ತದೆ. ಅವುಗಳು 8 ಅಥವಾ 12 ಕ್ಯೂಬ್ ಪ್ಯಾಕಿನಲ್ಲಿ ಆನ್ ಲೈನಿನಲ್ಲಿ ಲಭ್ಯವಿವೆ.
ಟ್ರೂ ವಿನೊ ಮೋಡ್ ಅಕಾರ್ಡಿಯನ್ ಕೂಲಿಂಗ್ ಕ್ಯಾರಿಯರ್- ರೂ. 3303
ಹಗುರವಾದ ಪಿಕ್ನಿಕ್ ಬ್ಯಾಗ್ ಇನ್ಸುಲೇಟೆಡ್ ಲೈನಿಂಗಲ್ಲಿ ಬರುತ್ತದೆ. ಹಾಗೆ ಪಾರ್ಕಿಗೆ ಹೋಗುವುದು ಇನ್ನೂ ಮಜಾವಾಗಲಿದೆ. ಸರಳವಾಗಿ ತುಂಬಿಸಿಡಬಹುದು. ಬ್ಯಾಗನ್ನು ಮಡಚಲೂ ಸುಲಭ. ವಿವಿಧ ಬಣ್ಣಗಳಲ್ಲಿ ಬ್ಯಾಗು ಲಭ್ಯವಿದೆ.
ಕೃಪೆ: http://timesofindia.indiatimes.com
