ಪ್ರಧಾನಿ ಪದವಿಯಲ್ಲಿ ತೋರಿಸಿರುವ ವಿಷಯಗಳು ಪಠ್ಯದಲ್ಲೇ ಇರಲಿಲ್ಲ : ಮಾಜಿ ಪ್ರಾಧ್ಯಾಪಕ

ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಗುಜರಾತ್ ವಿಶ್ವವಿದ್ಯಾಲಯದಿಂದ ಪಡೆದಿದ್ದಾರೆನ್ನಲಾದ ಕಲಾ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ವಿಚಾರದಲ್ಲಿ ಹಲವಾರು ಲೋಪದೋಷಗಳು ಎದ್ದು ಕಾಣುತ್ತಿವೆಯೆಂದು ಗುಜರಾತ್ ವಿಶ್ವವಿದ್ಯಾಲಯದಮಾಜಿ ಪ್ರೊಫೆಸರ್ ಒಬ್ಬರು ಹೇಳಿಕೊಂಡಿದ್ದಾರೆ.

ಪ್ರಧಾನಿಯ ಪದವಿಯಲ್ಲಿ ಉಲ್ಲೇಖಿಸಲಾದ ವಿಷಯಗಳನ್ನು ಅವರು ಅಲ್ಲಿ ಕಲಿತಿದ್ದರು ಎನ್ನಲಾದ ಸಮಯದಲ್ಲಿ ವಿಶ್ವವಿದ್ಯಾಲಯದ ಪಠ್ಯದ ಭಾಗವಾಗಿರಲಿಲ್ಲ, ಎಂದು ವಿಶ್ವವಿದ್ಯಾಲಯದಲ್ಲಿ ರಾಜಕೀಯ ಶಾಸ್ತ್ರದ ಪ್ರೊಫೆಸರ್ ಆಗಿ ಸೇವೆ ಸಲ್ಲಿಸಿದ್ದ ಜಯಂತಿ ಪಟೇಲ್ ಎಂಬವರು ಫೇಸ್ ಬುಕ್ ಪೋಸ್ಟ್ ಒಂದರಲ್ಲಿ ಹೇಳಿಕೊಂಡಿದ್ದಾರೆ.

ಮೋದಿ ರಾಜಕೀಯ ಶಾಸ್ತ್ರದಲ್ಲಿ 64 ಅಂಕಗಳು, ಯುರೋಪಿಯನ್ ಹಾಗೂಸಾಮಾಜಿಕ ರಾಜಕೀಯ ಚಿಂತನೆಗಳು ವಿಷಯದಲ್ಲಿ 62 ಅಂಕಗಳು,ರಾಜಕೀಯ ಮನಃಶಾಸ್ತ್ರದಲ್ಲಿ67 ಅಂಕಗಳನ್ನುತಮ್ಮ ದ್ವಿತೀಯ ವರ್ಷ ಎಂಎ ಪರೀಕ್ಷೆಯಲ್ಲಿ ಪಡೆದಿದ್ದಾರೆ ಎಂದು ಹೇಳಿದ ಇಂಡಿಯನ್ ಎಕ್ಸ್ ಪ್ರೆಸ್ ವರದಿಯೊಂದನ್ನು ಉಲ್ಲೇಖಿಸಿ ಹೇಳಿದ ಪ್ರೊಫೆಸರ್ ಆ ಸಮಯದಲ್ಲಿಭಾಗ-2ರಲ್ಲಿ ಈ ವಿಷಯಗಳನ್ನು ಆಂತರಿಕ ಅಥವಾ ಬಾಹ್ಯ ವಿದ್ಯಾರ್ಥಿಗಳಿಗೆ ಕಲಿಸಲಾಗುತ್ತಿರಲಿಲ್ಲವೆಂದು ಹೇಳಿದ್ದಾರೆ. ಪಟೇಲ್ ಈ ವಿಶ್ವವಿದ್ಯಾಲಯದಲ್ಲಿ 1969ರಿಂದ 1983ರ ತನಕ ಸೇವೆ ಸಲ್ಲಿಸಿದ್ದರು.

ಆದರೆ ವಿಶ್ವವಿದ್ಯಾಲಯದ ರಿಜಿಸ್ಟ್ರಾರ್ ಮಹೇಶ್ ಪಟೇಲ್ ಮೇಲಿನ ಆರೋಪಗಳನ್ನು ನಿರಾಕರಿಸಿದ್ದುಈ ಅಂಕ ಪಟ್ಟಿಯನ್ನು 30 ವರ್ಷಗಳ ಹಿಂದೆ ತಯಾರಿಸಲಾಗಿದ್ದುಆ ವಿಷಯಗಳು ಆಗ ವಿವಿಯಲ್ಲಿ ಕಲಿಸಲಾಗುತ್ತಿತ್ತು ಎಂದಿದ್ದಾರೆ.

ತರುವಾಯ ದೆಹಲಿಯ ಉಪ ಮುಖ್ಯಮಂತ್ರಿ ಹಾಗೂ ಶಿಕ್ಷಣ ಸಚಿವ ಮನೀಶ್ ಸಿಸೋಡಿಯಾ ದೆಹಲಿ ವಿಶ್ವವಿದ್ಯಾಲಯದ ಉಪಕುಲಪತಿ ಯೊಗೀಶ್ ತ್ಯಾಗಿಯವರಿಗೆ ಪತ್ರ ಬರೆದಿದ್ದು ಮೋದಿಗೆ ವಿಶ್ವವಿದ್ಯಾಲಯದಿಂದ ಸಿಕ್ಕಿದೆಯೆನ್ನಲಾದ ಪದವಿಯ ಜಂಟಿ ಪರಿಶೀಲನೆಗೆ ಆಗ್ರಹಿಸಿದ್ದಾರೆ.