ದೃಷ್ಟಿ ದೋಷ ಹೊಂದಿದ ರಕ್ಷಿತ್ ಗೆ ಸಿಬಿಎಸ್ಸಿ ಪರೀಕ್ಷೆಯಲ್ಲಿ 96.4% ಅಂಕ

ನೊಯ್ಡ : ಸಿಬಿಎಸ್ಸಿ 12ನೇ ತರಗತಿ ಪರೀಕ್ಷೆಯಲ್ಲಿ ವಿಭಿನ್ನ ಸಾಮರ್ಥ್ಯದ ವಿದ್ಯಾರ್ಥಿಗಳ ವಿಭಾಗದಲ್ಲಿ ನೊಯ್ಡಾದ ಆ್ಯಮಿಟಿ ಇಂಟನಾರ್ಷನಲ್ ಸ್ಕೂಲ್ ಇಲ್ಲಿನ ವಿದ್ಯಾರ್ಥಿ ರಕ್ಷಿತ್ ಮಲಿಕ್ 96.4% ಅಂಕಗಳನ್ನುಪಡೆದುರಾಷ್ಟ್ರ ಮಟ್ಟದಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾನೆ.

ದೃಷ್ಟಿ ದೋಷ ಹೊಂದಿರುವ ರಕ್ಷಿತ್ ಕಣ್ಣುಗಳಲ್ಲಿ ಕೇವಲ 10% ದೃಷ್ಟಿಯಿದ್ದು ತನ್ನ ಈ ಸಮಸ್ಯೆಯ ಹೊರತಾಗಿಯೂ 18 ವರ್ಷದ ಆತ ಇತಿಹಾಸದಲ್ಲಿ 100% ಅಂಕಗಳನ್ನು ಪಡೆದಿದ್ದಾನಲ್ಲದೆ ಒಟ್ಟು 500 ಅಂಕಗಳಲ್ಲಿ482 ಅಂಕಗಳನ್ನು ಪಡೆದಿದ್ದಾನೆ. ಅರ್ಥಶಾಸ್ತ್ರದಲ್ಲಿ 98, ರಾಜಕೀಯ ಶಾಸ್ತ್ರದಲ್ಲಿ 96, ಮನಃಶಾಸ್ತ್ರದಲ್ಲಿ 95 ಹಾಗೂ ಇಂಗ್ಲಿಷ್ ಭಾಷೆಯಲ್ಲಿ 93 ಅಂಕಗಳನ್ನು ರಕ್ಷಿತ್ ಪಡೆದಿದ್ದಾನೆ.

ದೆಹಲಿಯ ಕರ್ಕಡುಮ ಪ್ರದೇಶದ ನಿವಾಸಿಯಾಗಿರುವ ರಕ್ಷಿತ್ ತಾಯಿ ಗೃಹಿಣಿಯಾದರೆ, ತಂದೆ ಕೃಷ್ಣನಗರದಲ್ಲಿ ಎಲೆಕ್ಟ್ರಾನಿಕ್ ಉತ್ಪನ್ನಗಳ ಶೋರೂಂ ಹೊಂದಿದ್ದಾರೆ.

ತನ್ನ ಯಶಸ್ಸಿನ ಹಿಂದೆ ತನ್ನ ತಾಯಿಯ ಪಾತ್ರ ದೊಡ್ಡದು ಎಂದು ಹೇಳುವ ರಕ್ಷಿತ್ ತನ್ನ ತಾಯಿ ತನ್ನ ಬಳಿ ರಾತ್ರಿ ಹಗಲೆನ್ನದೆ ಕುಳಿತು ಕಲಿಸಿದ್ದು ಸಾರ್ಥಕವಾಗಿದೆಯೆಂದು ಹೇಳುತ್ತಾನೆ. ನನ್ನಪರೀಕ್ಷೆಯ ಸಮಯದಲ್ಲಿ ನನ್ನ ತಾಯಿ ಮನೆಯಲ್ಲಿ ಅಡುಗೆ ಮಾಡಲು ಸಮಯ ಸಾಲದಾಗಿ ನಮಗೆಲ್ಲಾ ಆಹಾರವನ್ನು ಟಿಫಿನ್ ಸರ್ವಿಸ್ ಮೂಲಕ ಆರ್ಡರ್ ಮಾಡುತ್ತಿದ್ದರು ಎಂದೂ ಆತ ನೆನಪಿಸುತ್ತಾನೆ.

ದೃಷ್ಟಿ ದೋಷವಿರುವ ಕಾರಣ ರಕ್ಷಿತ್ ಓದಲು ಹಾಗೂ ಬರೆಯಲು ಬಹಳ ನಿಧಾನನಾಗಿದ್ದು ಪರೀಕ್ಷೆಯನ್ನು ಇನ್ನೊಬ್ಬರ ಸಹಾಯದಿಂದ ಬರೆಯಬೇಕಾಗಿತ್ತು. ಶಾಲಾ ದಿನಗಳಲ್ಲಿ ಕೂಡ ತರಗತಿಯಲ್ಲಿ ಬೋರ್ಡಿನ ಮೇಲೆ ಶಿಕ್ಷಕರು ಬರೆದಿದ್ದನ್ನು ರಕ್ಷಿತ್ ಓದಲು ಅಸಮರ್ಥನಾಗಿದ್ದರೂ ಗೆಳೆಯರ ಸಹಾಯದಿಂದ ಅದನ್ನು ತಿಳಿದು ಕೊಳ್ಳುತ್ತಿದ್ದ. ಆತನ ತಾಯಿಪಠ್ಯಪುಸ್ತಕಗಳನ್ನು ದೊಡ್ಡ ಅಕ್ಷರಗಳಲ್ಲಿ ಮುದ್ರಿಸಿ ತಂದು ಆತನಿಗೆ ಸಹಾಯ ಮಾಡಿದ್ದರು.

ರಕ್ಷಿತ್ ಇತಿಹಾಸವನ್ನು ಮುಖ್ಯ ವಿಷಯವನ್ನಾಗಿ ಆಯ್ದುಕೊಂಡು ದೆಹಲಿಯ ಪ್ರತಿಷ್ಠಿತ ಸೈಂಟ್ ಸ್ಟೀಫನ್ ಕಾಲೇಜಿನಲ್ಲಿ ಪದವಿ ಶಿಕ್ಷಣ ಪಡೆಯಲು ನಿರ್ಧರಿಸಿದ್ದಾನೆ.