ಸೌದಿ ಅರೇಬಿಯ: ಮನೆಕೆಲಸದವರನ್ನು ಮಾರುವವರಿಗೆ 10ಲಕ್ಷ ರಿಯಾಲ್ ದಂಡ,15 ವರ್ಷ ಜೈಲುಶಿಕ್ಷೆ

ರಿಯಾದ್,ಮೇ 22: ಮನೆಕೆಲಸದವರನ್ನು ಮಾರುವ, ಅನಧಿಕೃತವಾಗಿ ಬಾಡಿಗೆಗೆ ನೀಡುವವರಿಗೆ ಮತ್ತು ಅದಕ್ಕೆ ಮಧ್ಯವರ್ತಿಗಳಾಗಿ ವರ್ತಿಸುವವರಿಗೆ ಕಠಿಣ ಶಿಕ್ಷೆ ಲಭಿಸಲಿದೆ ಎಂದು ಸೌದಿ ಕಾರ್ಮಿಕ, ಸಮಾಜ ಕಲ್ಯಾಣ ಸಚಿವಾಲಯ ಎಚ್ಚರಿಕೆ ನೀಡಿದೆ. ಕಾರ್ಮಿಕ ಸಚಿವಾಲಯ ರೂಪು ನೀಡಿದ ಮುಸಾನಿದ್ ವ್ಯವಸ್ಥೆಯಲ್ಲಲ್ಲದೆ ಮನೆಕೆಲಸಗಾರರನ್ನು ಹಸ್ತಾಂತರಿಸುವ ತಾತ್ಕಾಲಿಕವಾಗಿ ಬಾಡಿಗೆಗೆ ನೀಡುವವರಿಗೆ 15 ವರ್ಷ ಜೈಲುಶಿಕ್ಷೆ ಮತ್ತು ಹತ್ತು ಲಕ್ಷ ರಿಯಾಲ್ ದಂಡವನ್ನು ವಿಧಿಸಲಾಗುವುದೆಂದು ಕಾರ್ಮಿಕ ಸಚಿವಾಲಯದ ಪರಿಶೀಲನಾ ವಿಭಾಗ ಅಧೀನ ಕಾರ್ಯದರ್ಶಿ ಡಾ. ಮುಹಮ್ಮದ್ ಬಿನ್ ಅಬ್ದುರ್ರಹ್ಮಾನ್ ಅಲ್‌ಫಾಲಿಹ್ ಹೇಳಿದ್ದಾರೆ.

ರಮಝಾನ್ ಹತ್ತಿರವಾಗುತ್ತಿರುವ ಸಂದರ್ಭದಲ್ಲಿ ಕಾರ್ಮಿಕ ಮಾರುಕಟ್ಟೆಯಲ್ಲಿ ಮನೆಕೆಲಸಗಾರರ ಅಗತ್ಯ ಹೆಚ್ಚಿದ್ದು ಲಾಭಗಳಿಸುವ ಉದ್ದೇಶದಿಂದ ಮನೆಕೆಲಸಗಾರರರನ್ನು ವಿತರಿಸುವ ಸಂಸ್ಥೆಗಳು ಮತ್ತು ವ್ಯಕ್ತಿಗಳು ಪತ್ರಿಕೆಗಳಲ್ಲಿ ಇತರ ಮಾಧ್ಯಮಗಳಲ್ಲಿ ಜಾಹೀರಾತು ನೀಡಿರುವ ಹಿನ್ನೆಲೆಯಲ್ಲಿ ಸಚಿವಾಲಯ ಎಚ್ಚರಿಕೆ ನೀಡಿದೆ. ಇಂತಹ ಜಾಹೀರಾತುಗಳ ಮೂಲಗಳು ಮತ್ತು ಅಧಿಕೃತತೆಯನ್ನು ತನಿಖೆ ಮಾಡಲು ಪಬ್ಲಿಕ್ ಪ್ರಾಸಿಕ್ಯೂಟರ್‌ಗೆ ನೀಡುವ ಕುರಿತು ಸಾರ್ವಜನಿಕ ಸುರಕ್ಷಾ ವಿಭಾಗ ಮತ್ತು ಕಾರ್ಮಿಕ ಸಚಿವಾಲಯದ ನಡುವೆ ಸಹಮತಕ್ಕೆ ಬರಲಾಗಿದೆ ಎಂದು ಸಚಿವಾಲಯದ ಮೂಲಗಳು ತಿಳಿಸಿವೆ.

  ಮುಖ್ಯವಾಗಿ ಮೂರು ವಿಷಯಗಳನ್ನು ಪರಿಗಣಿಸಿ ಕೆಲಸಗಾರರ ಕುರಿತು ತೀರ್ಪು ನೀಡಲಾಗುವುದು. ಕೆಲಸಗಾರರ ಶೋಷಣೆನಡೆಸಿ ಕೆಲಸದ ಮಾಲಕ , ಸಂಸ್ಥೆ, ಮಧ್ಯವರ್ತಿ ಕೆಲಸಗಾರರನ್ನು ಹಸ್ತಾಂತರಿಸಿದರೆ, ಬಾಡಿಗೆಗೆ ನೀಡಿದರೆ ಮಾನವ ಸಾಗಾಟಮತ್ತು ವ್ಯಾಪಾರದ ಶ್ರೇಣಿಗೆ ಸೇರಿಸಿ ಪರಮಾವಧಿ ಶಿಕ್ಷೆ ನೀಡಲಾಗುವುದು. ಹದಿನೈದು ವರ್ಷ ಜೈಲು ಹತ್ತು ಲಕ್ಷ ರಿಯಾಲ್ ದಂಡ ವಿಧಿಸಲಾಗುವುದು. ಕೆಲಸದ ಮಾಲಕ ಕೆಲಸಗಾರನನ್ನು ಶೋಷಣೆ ನಡೆಸದೆ ಕೆಲಸಗಾರ ಓಡಿಹೋಗದ ಸ್ಥಿತಿಯಲ್ಲಿ ಮನೆಕೆಲಸಗಾರರ ನಿಯಮಾವಳಿಯಲ್ಲಿ ಉಲ್ಲಂಘನೆಯಾದರೆ ಕೇಸು ದಾಖಲಿಸಲಾಗುವುದು. ಇನ್ನು ಓಡಿಹೋದ ಕೆಲಸಗಾರ ತನ್ನದೆ ಜವಾಬ್ದಾರಿಯಲ್ಲಿ ಹೊರಗೆ ಕೆಲಸಮಾಡುತ್ತಿದ್ದರೆ ಇಖಾಮ ಕಾನೂನು ಉಲ್ಲಂಘಿಸಿದ ಕೇಸು ದಾಖಲಿಸಲಾಗುವುದು ಎಂದು ಡಾ, ಅಲ್‌ಫಾಲಿಹ್ ವಿವರಿಸಿದ್ದಾರೆ.

ಮನೆಕೆಲಸಗಾರರನ್ನು ರಿಕ್ರ್ಯೂಟ್ ನಡೆಸಲಿಕ್ಕೋ ತಾತ್ಕಾಲಿಕ ಬಾಡಿಗೆಗೆ ಪಡೆಯುವುದಕ್ಕೋ ಬಯಸುವ ಸ್ವದೇಶಿಗಳೂ ವಿದೇಶಿಗಳೂ ಸಚಿವಾಲಯ ರೂಪಿಸಿರುವ ಮುಸಾನಿದ್ ವ್ಯವಸ್ಥೆಯ ಮೂಲಕ ಕ್ರಮಗಳನ್ನು ಪೂರ್ತಿಗೊಳಿಸಬೇಕಾಗಿದೆ. ಹೆಚ್ಚಿನ ಮಾಹಿತಿ ಬೇಕಿದ್ದವರುಸಚಿವಾಲಯದ 19911 ಎಂಬ ನಂಬರ್ ಕೆರೆ ಮಾಡಬಹುದು. ಅಥವಾwww.molgov.saಎಂಬ ವೆಬ್‌ಸೈಟ್‌ನಿಂದ ಮಾಹಿತಿಗಳನ್ನು ಪಡೆಯಬಹುದಾಗಿದೆ. ಸಾರ್ವಜನಿಕ ಸುರಕ್ಷೆಗೆ ಸಂಬಂಧಿಸಿದ ದೂರುಗಳಿಗೆ 989 ನಂಬರ್‌ನ್ನು ಸಂಪರ್ಕಿಸಬಹುದು.