ಅಮೆರಿಕ: ತರಬೇತಿ ಅಭ್ಯಾಸದ ವೇಳೆ ದುರಂತ - 9 ಸೈನಿಕರು ಸಾವು

ಹೂಸ್ಟನ್, ಜೂ. 4: ಫೋರ್ಟ್‌ಹುಡ್ ಸೇನಾ ನೆಲೆಯಲ್ಲಿ ನಡೆದ ತರಬೇತಿ ಅಭ್ಯಾಸದ ವೇಳೆ ಪ್ರವಾಹದ ನೀರಿನಲ್ಲಿ ನಾಪತ್ತೆಯಾಗಿದ್ದ ಅಮೆರಿಕದ ನಾಲ್ವರು ಸೈನಿಕರು ಶವವಾಗಿ ಪತ್ತೆಯಾಗಿದ್ದಾರೆ. ಇದರೊಂದಿಗೆ ಈ ದುರಂತದಲ್ಲಿ ಮೃತಪಟ್ಟವರ ಸಂಖ್ಯೆ 9ಕ್ಕೇರಿದೆ.

ಈ ಸೈನಿಕರು ಪ್ರಯಾಣಿಸುತ್ತಿದ್ದ ಲೈಟ್ ಮೀಡಿಯಂ ಟ್ಯಾಕ್ಟಿಕಲ್ ವೆಹಿಕಲ್ ಗುರುವಾರ ಪ್ರವಾಹದ ನೀರಿನಲ್ಲಿ ಮಗುಚಿ ಬಿದ್ದು ಕೊಚ್ಚಿ ಹೋಗಿತ್ತು.

ಕುಟುಂಬ ಸದಸ್ಯರು ಶವಗಳನ್ನು ಗುರುತಿಸಿದ 24 ಗಂಟೆಗಳ ಬಳಿಕ ಅವರ ಗುರುತನ್ನು ಬಹಿರಂಗಪಡಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದರು.

ದುರಂತದಲ್ಲಿ ಮೂವರು ಸೈನಿಕರು ಬದುಕುಳಿದಿದ್ದಾರೆ.