*ಜೆಡಿಎಸ್ ತಾನೇ ನಾಶವಾಗುತ್ತದೆ.
*ಜೆಡಿಎಸ್ ತಾನೇ ನಾಶವಾಗುತ್ತದೆ.
-ಸಿದ್ದರಾಮಯ್ಯ, ಮುಖ್ಯಮಂತ್ರಿ
ಕಾಂಗ್ರೆಸ್ನ ನಾಶದ ಹೊಣೆ ಯಾರಿಗೆ ಕೊಟ್ಟಿದ್ದೀರಿ?
---------------------
ರಾಜ್ಯಸಭಾ ಚುನಾವಣೆಗೆ ಶಾಸಕರು ಹಣ ಪಡೆದಿದ್ದಾರೆ ಎನ್ನಲು ಯಾವ ಆಧಾರಗಳೂ ಇಲ್ಲ.
-ಡಿ.ವಿ. ಸದಾನಂದ ಗೌಡ, ಕೇಂದ್ರ ಸಚಿವ
ಆಧಾರಗಳಿಲ್ಲದ ಹಾಗೆ ಹಣ ವಿನಿಮಯವಾಗಿದೆಯೆಂದಾಯಿತು.
---------------------
ರಾಜ್ಯಸಭಾ ಸಂಸದ ಸುಬ್ರಮಣಿಯನ್ ಸ್ವಾಮಿ ನನ್ನ ಹೀರೋ.
-ಉಮಾಭಾರತಿ, ಕೇಂದ್ರ ಸಚಿವೆ
ನೀವು ಹೀರೋಯಿನ್ ಆದರೆ, ಸೆನ್ಸಾರ್ಗೆ ಕತ್ತರಿಯ ಆವಶ್ಯಕತೆಯೇ ಇಲ್ಲ ಬಿಡಿ.
---------------------
ಸುಸ್ತಿದಾರರನ್ನು ಸುಖವಾಗಿ ನಿದ್ದೆಮಾಡಲು ಬಿಡುವುದಿಲ್ಲ.
-ಅರುಣ್ಜೇಟ್ಲಿ, ಕೇಂದ್ರ ಸಚಿವ
ಅದಕ್ಕೆ ಮೊದಲು ತಾವು ನಿದ್ದೆಯಿಂದ ಎಚ್ಚೆತ್ತುಕೊಳ್ಳಿ.
---------------------
ಕಾಂಗ್ರೆಸ್ ಪಕ್ಷಕ್ಕೆ ತಾಜಾ ಐಡಿಯಾಗಳು ಬೇಕು
-ದಿಗ್ವಿಜಯ್ಸಿಂಗ್, ಕಾಂಗ್ರೆಸ್ ನಾಯಕ
ರಾಹುಲ್ ಗಾಂಧಿಯ ಐಡಿಯಾಗಳು ಕೊಳೆತಿವೆ ಎಂದು ಅರ್ಥವೇ?
---------------------
ದಿನದ 18-20 ಗಂಟೆಗಳ ಕಾಲ ಮೋದಿ ಕೆಲಸ ಮಾಡುತ್ತಿದ್ದಾರೆ.
-ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ
ದೇಶವನ್ನು ಸರ್ವನಾಶ ಮಾಡುವ ಹಟದಲ್ಲಿ ಮಾಡುತ್ತಿರುವ ಕೆಲಸ.
---------------------
ಪರಿಸರವನ್ನು ತಾಯಿಯಂತೆ ಕಾಣಬೇಕು.
-ವಜೂಭಾಯಿ ವಾಲಾ, ರಾಜ್ಯಪಾಲ
ತಾಯಂದಿರೆಲ್ಲ ಈಗ ವೃದ್ಧಾಶ್ರಮ ಸೇರುತ್ತಿರುವುದು ಅಧಿಕವಾಗುತ್ತಿದೆ.
---------------------
ರಾಹುಲ್ಗಾಂಧಿ ಕಾನೂನುಬದ್ಧವಾಗಿ ಕಾಂಗ್ರೆಸ್ ಅಧ್ಯಕ್ಷರಾಗಲಿ.
-ಜೈರಾಮ್ ರಮೇಶ್, ಕಾಂಗ್ರೆಸ್ ಮುಖಂಡ
ಕಾನೂನು ಬದ್ಧವಾಗಿ ಕಾಂಗ್ರೆಸ್ನ್ನು ಮುಗಿಸುವ ಯೋಜನೆಯೇ?
---------------------
ರಾಜ್ಯಸಭೆ ಚುನಾವಣೆಯಲ್ಲಿ ಸೋತರೆ ಜೆಡಿಎಸ್ ಮುಳುಗುವುದಿಲ್ಲ.
-ಎಚ್.ಡಿ. ಕುಮಾರಸ್ವಾಮಿ, ಜೆಡಿಎಸ್ ಅಧ್ಯಕ್ಷ
ಬಹುಶಃ ಹೆಣದಂತೆ ತೇಲುತ್ತದೆ ಎಂದು ಹೇಳುತ್ತಿದ್ದಾರೆ.
---------------------
ಹಿಂದೂಗಳಿಗೆ ಅನ್ಯಾಯವಾದರೆ ಸಹಿಸಲಾರೆವು.
-ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ದಲಿತರಿಗೆ ದೇವಸ್ಥಾನದಲ್ಲಿ ಪ್ರವೇಶ ನಿರಾಕರಣೆ ಹಿಂದೂಗಳಿಗಾದ ಅನ್ಯಾಯವಲ್ಲವೇ?
---------------------
ನನ್ನ ರಕ್ತದ ಕಣದಲ್ಲೂ ಕಾಂಗ್ರೆಸ್ ಇದೆ.
-ಸತ್ಯ ವ್ರತ ಚತುರ್ವೇದಿ, ಕಾಂಗ್ರೆಸ್ ಸಂಸದ
ಬಹುಶಃ ನಿಮ್ಮ ರಕ್ತದ ಗುಂಪು ಕಾಂಗ್ರೆಸ್ ಬಿ ನೆಗೆಟಿವ್ ಇರಬೇಕು.
---------------------
ಖರ್ಗೆ ಹಾಗೂ ಸಿದ್ದರಾಮಯ್ಯ ನನಗೆ ಎರಡು ಕಣ್ಣುಗಳಿದ್ದಂತೆ. ಯಾವ ಕಣ್ಣಿಗೆ ತಿವಿದರೂ ನೋವಾಗುತ್ತದೆ.
-ಶಿವರಾಜ ತಂಗಡಗಿ, ಸಚಿವ
ನಿಮ್ಮ ಮೆದುಳು ಎಂದು ಯಾರನ್ನು ಕರೆಯಬೇಕು?
---------------------
ಶಾಸಕರನ್ನು ಹೈಜಾಕ್ ಮಾಡಿಕೊಂಡು ಹೋಗಲು ಅವರೇನು ಚಿಕ್ಕಮಕ್ಕಳಲ್ಲ.
-ಮಂಜು, ಸಚಿವ
ಚಿಕ್ಕಮಕ್ಕಳ ಪಾವಿತ್ರತೆಗೆ ಕಳಂಕ ತರಬೇಡಿ.
---------------------
2018ಕ್ಕೆ ಯಡಿಯೂರಪ್ಪರನ್ನು ಮುಖ್ಯಮಂತ್ರಿ ಮಾಡುವುದೇ ನಮ್ಮೆಲ್ಲರ ಗುರಿ.
-ವಿ. ಸೋಮಣ್ಣ, ಮಾಜಿ ಸಚಿವ
ಪ್ರತೀ ಬಾರಿ ಬಲಿಕೊಡಲು ನಿಮಗೆ ಯಡಿಯೂರಪ್ಪರೇ ಯಾಕೆ ಬೇಕು?
---------------------
ಬ್ರಿಟಿಷ್ ಆಡಳಿತದಿಂದಾಗಿ ದೇಶದಲ್ಲಿ ಒಗ್ಗಟ್ಟು ಬೆಳೆಯಿತು ಎಂಬುದರಲ್ಲಿ ಅರ್ಥವಿಲ್ಲ.
-ಎಸ್.ಎಲ್. ಭೈರಪ್ಪ, ಸಾಹಿತಿ
ಬ್ರಾಹ್ಮಣರ ಜಾತೀಯತೆಯಿಂದ ಒಗ್ಗಟ್ಟು ಬೆಳೆಯಿತು ಎನ್ನುವುದು ನಿಮಗೆ ಅರ್ಥಗರ್ಭಿತವಿರಬೇಕು.
---------------------
ವನ್ಯಜೀವಿ ಸಂರಕ್ಷಣೆ ನಮ್ಮ ಮುಖ್ಯ ಗುರಿ.
-ಪ್ರಕಾಶ್ ಜಾವಡೇಕರ್, ಕೇಂದ್ರ ಸಚಿವ
ಮನುಷ್ಯಜೀವಿಗಳ ಸಂಭಕ್ಷಣೆಯೂ ಕೂಡ.
---------------------
ನಾವು ಆರ್ಥಿಕವಾಗಿ ಸಬಲರಿದ್ದೇವೆ ಎಂದು ಭರವಸೆ ನೀಡುವ ಸಲುವಾಗಿಯೇ ಹಸಿರು ನ್ಯಾಯಾಧಿಕರಣಕ್ಕೆ ಪೂರ್ಣ ದಂಡ ಪಾವತಿಸಿದ್ದೇವೆ.
-ಜೈದೀಪ್ನಾಥ್, ಆರ್ಟ್ ಆಫ್ ಲಿವಿಂಗ್
ಜನರ ದುಡ್ಡು, ಎಲ್ಲಮ್ಮನ ಜಾತ್ರೆ.
---------------------
ಜಗತ್ತಿನಲ್ಲಿ ಎಲ್ಲಿಯವರೆಗೆ ಜನರ ರಕ್ತ ಕೆಂಪಾಗಿರುತ್ತದೋ ಅಲ್ಲಿಯವರೆಗೆ ಕಮ್ಯುನಿಸ್ಟ್ ಪಕ್ಷ ಇರುತ್ತದೆ.
-ಸೀತಾರಾಂ ಯಚೂರಿ, ಕಮ್ಯುನಿಸ್ಟ್ ಪಕ್ಷದ ಪ್ರ. ಕಾರ್ಯದರ್ಶಿ
ಇತ್ತೀಚೆಗೆ ಕಮ್ಯುನಿಸ್ಟ್ಟ್ ರಕ್ತದಲ್ಲಿ ಬಿಳಿ ರಕ್ತಕಣಗಳು ಜಾಸ್ತಿಯಾಗಿದೆಯಂತೆ.
---------------------
ನಾವು ಮಾತನಾಡುವ ಪ್ರಧಾನಿಯನ್ನು ದೇಶಕ್ಕೆ ಕೊಟ್ಟಿದ್ದೇವೆ.
-ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ
ಅವರ ಭಾಷಣವನ್ನೇ ಜನರು ಬೇಯಿಸಿ ಅನ್ನ ಮಾಡಿಕೊಳ್ಳಬೇಕಾಗಿದೆ.
---------------------
ರಾಜ್ಯಸಭೆ ಹಾಗೂ ವಿಧಾನಪರಿಷತ್ಗೆ ನಡೆಯುತ್ತಿರುವುದು ಕುದುರೆ ವ್ಯಾಪಾರವಲ್ಲ. ಕತ್ತೆ ವ್ಯಾಪಾರ.
-ದೇವೇಗೌಡ, ಮಾಜಿ ಪ್ರಧಾನಿ
ಹೌದು. ಕತ್ತೆಗಳನ್ನೇ ನೀವು ಕುದುರೆಯೆಂದು ಮಾರಲು ಹೊರಟರೆ ಇನ್ನೇನಾಗುತ್ತದೆ?
---------------------
ವಿಶ್ವ ಯೋಗ ದಿನದಂದು ಸೂರ್ಯ ನಮಸ್ಕಾರ ಇಲ್ಲ.
-ಶೀಪಾದ್ ನಾಯ್ಕ, ಕೇಂದ್ರ ಸಚಿವ
ವಿಶ್ವ ಯೋಗದ ಹೆಸರಲ್ಲಿ ತೆರಿಗೆ ಹಾಕುವ ಹುನ್ನಾರವೇನಾದರೂ ಇದೆಯೇ?
---------------------
ರಾಹುಲ್ ಗಾಂಧಿ ಬಳಿ ಅನುಭವದ ನಿಧಿಯಿದೆ.
-ವೀರಪ್ಪ ಮೊಯ್ಲಿ, ಕಾಂಗ್ರೆಸ್ ನಾಯಕ
ಅದು ನಿಧಿಯಲ್ಲ, ಕಾಂಗ್ರೆಸ್ನ ದುರ್ವಿಧಿ.
---------------------
ಅಶಿಕ್ಷಿತರಿಗಿಂತಲೂ ಶಿಕ್ಷಿತರಿಂದಲೇ ಸಮಾಜ ಹಾಳಾಗುತ್ತಿದೆ.
-ಕಿಮ್ಮನೆ ರತ್ನಾಕರ, ಶಿಕ್ಷಣ ಸಚಿವ
ಅದಕ್ಕಾಗಿಯೇ ಬಡವರಿಗೆ ಶಿಕ್ಷಣ ಕೈಗೆಡುಕದಂತೆ ಮಾಡುವ ಪ್ರಯತ್ನ ನಡೆಯುತ್ತಿದೆಯೇ?
---------------------
ಮುಖ್ಯಮಂತ್ರಿ ಸ್ಥಾನಕ್ಕೆ ಉತ್ತರಪ್ರದೇಶದಲ್ಲಿ ನಾಯಕರ ಕೊರತೆ ಇಲ್ಲ.
-ರಾಜನಾಥ ಸಿಂಗ್, ಕೇಂದ್ರ ಸಚಿವ
ಮತದಾರರ ಕೊರತೆಯ ಬಗ್ಗೆ ಮೊದಲು ಯೋಚಿಸಿ.
---------------------
ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಸಂಸ್ಥೆ ನೀಡುವ ಸಾಲವನ್ನು ಶೂಲ ಎಂದು ಭಾವಿಸಬೇಡಿ.
-ಡಾ. ಡಿ. ವೀರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ, ಧರ್ಮಸ್ಥಳ
ಸಾಲಕ್ಕೆ ವಿಧಿಸುವ ಅಕ್ರಮ ಬಡ್ಡಿಯನ್ನು ಇನ್ನೇನೆಂದು ಕರೆಯಬಹುದು?
---------------------
