ಕೆಎಸ್ಸಾರ್ಟಿಸಿ ಐಷಾರಾಮಿ ಬಸ್ ಪ್ರಯಾಣ ದರ ಕಡಿತ

ಬೆಂಗಳೂರು, ಜೂ. 12: ರಾಜಹಂಸ, ವೈಭವ, ಐರಾವತ, ಐರಾವತಿ ಕ್ಲಬ್‌ಕ್ಲಾಸ್ ಸೇರಿದಂತೆ ಐಷಾರಾಮಿ ಬಸ್ ಪ್ರಯಾಣ ದರವನ್ನು ಶೇ.10ರಿಂದ 20ರಷ್ಟು ಕಡಿಮೆ ಮಾಡಲಾಗಿದೆ ಎಂದು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ(ಕೆಎಸ್ಸಾರ್ಟಿಸಿ) ಇಂದಿಲ್ಲಿ ತಿಳಿಸಿದೆ.
ಜೂ.13ರಿಂದ ಸೆಪ್ಟ್ಟಂಬರ್ 30ರ ವರೆಗೆ ಈ ನೂತನ ದರ ಅನ್ವಯವಾಗಲಿದ್ದು, ಈ ಬಸ್ಸುಗಳಲ್ಲಿ ಸೋಮವಾರ, ಮಂಗಳವಾರ, ಬುಧವಾರ ಮತ್ತು ಗುರುವಾರ ಸಂಚರಿಸುವ ಪ್ರಯಾಣಿಕರಿಗೆ ಹಾಲಿ ದರದಲ್ಲಿ ಶೇ.20ರಷ್ಟು ರಿಯಾಯಿತಿ ನೀಡಲಾಗುತ್ತದೆ.
ಶುಕ್ರವಾರ, ಶನಿವಾರ ಮತ್ತು ರವಿವಾರ ಶೇ.10ರಷ್ಟು ದರ ಕಡಿಮೆ ಮಾಡಲಾಗಿದೆ ಎಂದು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ(ಕೆಎಸ್ಸಾರ್ಟಿಸಿ) ಅಧಿಕೃತ ಪ್ರಕಟನೆಯಲ್ಲಿ ತಿಳಿಸಿದೆ.