ಪ್ರಧಾನಿ ಮೋದಿ ಈಗ ಜಾಗತಿಕ ನಾಯಕ.
ಪ್ರಧಾನಿ ಮೋದಿ ಈಗ ಜಾಗತಿಕ ನಾಯಕ.
-ಜಗ್ಗಿ ವಾಸುದೇವ್, ಆಧ್ಯಾತ್ಮಿಕ ಮುಖಂಡ
ಜಾಗ ಮತ್ತು ನಾಯಕನ ನಡುವೆ ಇರುವ ಎರಡು ಶಬ್ದಗಳ ಬಗ್ಗೆ ಆಕ್ಷೇಪವಿದೆ.
---------------------
ಸಿದ್ದರಾಮಯ್ಯ, ಯಡಿಯೂರಪ್ಪ, ಡಿಕೆಶಿ ಎಂಬ ತ್ರಿಮೂರ್ತಿಗಳು ಒಟ್ಟಾಗಿ ಜೆಡಿಎಸ್ ಮುಗಿಸಲು ಹೊರಟಿದ್ದಾರೆ -
ದೇವೇಗೌಡ, ಮಾಜಿ ಪ್ರಧಾನಿ
ಆದರೆ ಜೆಡಿಎಸ್ ಮುಗಿಸಲು ನೀವು ಒಬ್ಬರೇ ಸಾಕು.
---------------------
ಕಾನೂನಿನ ಚೌಕಟ್ಟಿನಲ್ಲಿ ಶ್ರೀಮಂತರಾಗುವುದರಲ್ಲಿ ತಪ್ಪಿಲ್ಲ.
-ನ್ಯಾ. ಸಂತೋಷ್ ಹೆಗ್ಡೆ
ಕಾನೂನಿನ ಚೌಕಟ್ಟಿನ ಒಳಗೆ ಮೋಸ, ವಂಚನೆ ಮಾಡಬಹುದು ಎಂದು ಇದರ ಅರ್ಥ.
---------------------
ಪಕ್ಷದ ವರಿಷ್ಠರು ಹೇಳುವುದನ್ನು ಮಾಡುವುದಷ್ಟೇ ನನ್ನ ಕೆಲಸ.
-ಡಿ.ಕೆ. ಶಿವಕುಮಾರ್, ಸಚಿವ
ಅಂದರೆ ಸುಪಾರಿ ಕಿಲ್ಲರ್ ಪಾತ್ರವೇ?
---------------------
ಸಿದ್ದರಾಮಯ್ಯ ನೇತೃತ್ವದಲ್ಲೇ ಮುಂದಿನ ಚುನಾವಣೆ.
-ದಿಗ್ವಿಜಯ್ ಸಿಂಗ್, ರಾಜ್ಯ ಕಾಂಗ್ರೆಸ್ ಉಸ್ತುವಾರಿ
ರಾಷ್ಟ್ರಮಮಟ್ಟದಲ್ಲೂ ಅವರಿಗೇ ನೇತೃತ್ವ ವಹಿಸಿಕೊಟ್ಟರೆ ಹೇಗೆ?
---------------------
ನೌಕರರು, ಶ್ರಮಿಕರು, ಸೈನಿಕರಿಂದ ದೇಶ ಸಮೃದ್ಧಿಯಾಗುತ್ತದೆ.
-ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಮತ್ತು ಕಪಟ ಸನ್ಯಾಸಿಗಳಿಂದ ಆ ಸಮೃದ್ಧಿ ದೋಚಲ್ಪಡುತ್ತದೆ.
---------------------
ಕಪ್ಪು ಹಣ ವಾಪಸಾತಿ ವಿಷಯದಲ್ಲಿ ಕೇಂದ್ರ ಸರಕಾರ ಗರಿಷ್ಠ ಪ್ರಯತ್ನ ಮಾಡುತ್ತಿಲ್ಲ.
-ಬಾಬಾರಾಮ್ ದೇವ್ ಯೋಗಗುರು
ಗರಿಷ್ಠ ಪ್ರಯತ್ನ ಮಾಡಿದ್ದಿದ್ದರೆ ನೀವೀಗ ಜೈಲಲ್ಲಿರಬೇಕಾಗಿತ್ತು.
---------------------
ಕಾಂಗ್ರೆಸ್ ಸಾಧನೆ ಹೊಸ ಪೀಳಿಗೆಗೆ ದಾಟಿಸದಿದ್ದರೆ ಪಕ್ಷಕ್ಕೆ ಅಪಾಯವಿದೆ.
-ಆಸ್ಕರ್ ಫೆರ್ನಾಂಡಿಸ್, ರಾಜ್ಯಸಭಾ ಸದಸ್ಯ
ಕುರ್ಚಿಗೆ ಅಂಟಿಕೊಂಡಿರುವ ಹಳೆ ಪೀಳಿಗೆಯನ್ನು ಎಬ್ಬಿಸುವ ಕೆಲಸ ಮೊದಲು ಆಗಬೇಕು.
---------------------
ದಿನೇಶ್ ಅಮಿನ್ ಮಟ್ಟು ಕಾಂಗ್ರೆಸ್ನ ಸುಪಾರಿ ಕಿಲ್ಲರ್.
- ಸುರೇಶ್ ಕುಮಾರ್, ಶಾಸಕ
ಕಿಲ್ಲರ್ ಯಾರೇ ಆಗಿರಲಿ, ಸುಪಾರಿ ಬೆಲೆ ಹೆಚ್ಚಲಿ ಎನ್ನುವುದು ಅಡಿಕೆ ಬೆಳೆಗಾರರ ಆಶಯ.
---------------------
ಹಳೆ ಔಷಧಗಳನ್ನು ನಾಶಪಡಿಸಲು ಕ್ರಮ ಕೈಗೊಳ್ಳಲಾಗುವುದು.
-ಯು.ಟಿ. ಖಾದರ್, ಸಚಿವ
ಅದನ್ನು ನಾಶ ಪಡಿಸಿದರೆ, ರೋಗಿಗಳಿಗೆ ಕೊಡಲು ಹೊಸ ಔಷಧ ನಿಮ್ಮಲ್ಲಿ ಇದೆಯೇ?
---------------------
ಕಾಂಗ್ರೆಸ್ ಆಡಳಿತದಲ್ಲಿ ದೇಶವು ಗಳಿಸಿದ್ದಕ್ಕಿಂತ ಕಳೆದುಕೊಂಡದ್ದೇ ಹೆಚ್ಚು .
-ಯಡಿಯೂರಪ್ಪ, ಬಿಜೆಪಿ ರಾಜ್ಯಾಧ್ಯಕ್ಷ
ರಾಜ್ಯದ ಬಿಜೆಪಿ ಆಡಳಿತದಲ್ಲಿ ನೀವು ಕಳೆದುಕೊಂಡದ್ದನ್ನೊಮ್ಮೆ ನೆನಪಿಸಿಕೊಳ್ಳಿ.
---------------------
ಬಿಜೆಪಿ ಮುಖಂಡರು ಕಾಲಕ್ಕೆ ತಕ್ಕಂತೆ ಬದಲಾಗಬೇಕು.
-ನರೇಂದ್ರ ಮೋದಿ , ಪ್ರಧಾನಿ
ಮನುಷ್ಯರಾಗಿ ಬದಲಾಗುವುದಂತೂ ಅಸಾಧ್ಯ.
---------------------
ವ್ಯಕ್ತಿಗಿಂತ ಪಕ್ಷ ದೊಡ್ಡದು.
-ದೇವೇಗೌಡ, ಮಾಜಿ ಪ್ರಧಾನಿ.
ಅದಕ್ಕೇ ಭಿನ್ನಮತೀಯರು ಗೌಡರನ್ನು ತೊರೆದು ಪಕ್ಷವನ್ನು ಆರಿಸಿಕೊಂಡರು.
---------------------
ಧರ್ಮಸ್ಥಳ ಇಲ್ಲವೇ ಚಾಮುಂಡೇಶ್ವರಿ ಮುಂದೆ ಆಣೆ ಮಾಡುತ್ತೇನೆ ರಾಜ್ಯಸಭೆ ಚುನಾವಣೆಯಲ್ಲಿ ಒಂದು ರೂ. ಕೂಡಾ ಮುಟ್ಟಿಲ್ಲ.
-ಎಚ್.ಡಿ.ರೇವಣ್ಣ , ಜೆಡಿಎಸ್ ಶಾಸಕ.
ಅಂದರೆ ಎಲ್ಲವನ್ನೂ ಸೋದರ ಕುಮಾರಸ್ವಾಮಿ ಗುಳುಂ ಮಾಡಿದ್ದಾರೆ ಎಂಬ ಆರೋಪವೇ?
---------------------
ಪ್ರತಿಯೊಂದು ಬಯಕೆಯೂ ಸುಪ್ತಾವಸ್ಥೆಯಿಂದ ಏಳುತ್ತದೆ.
-ಶ್ರೆ ರವಿಶಂಕರ್, ಆರ್ಟ್ ಆಫ್ ಲಿವಿಂಗ್ ಸ್ಥಾಪಕ
ಆದರೆ ಕೆಲವೊಮ್ಮೆ ಅದಕ್ಕೆ ಬಹುದೊಡ್ಡ ದಂಡ ಕಟ್ಟಬೇಕಾಗುತ್ತದೆ ಎಚ್ಚರ.
---------------------
ಯುದ್ಧದ ಆಯುಧಗಳಿಗೆ ನಮ್ಮ ಬೀದಿಗಳಲ್ಲಿ ಸ್ಥಾನವಿಲ್ಲ.
-ಹಿಲರಿ ಕ್ಲಿಂಟನ್, ಅಮೆರಿಕದ ಅಧ್ಯಕ್ಷೆಯ ಅಭ್ಯರ್ಥಿ
ಪಕ್ಕದ ದೇಶದ ಬೀದಿಗಳಲ್ಲಿ ಮಾತ್ರ ಬಳಸುವ ಉದ್ದೇಶವಿರಬೇಕು.
---------------------
ಈ ಸರಕಾರದಲ್ಲಿ ನಾನು ಸುರಕ್ಷಿತವಾಗಿದ್ದೇನೆ ಆದ್ದರಿಂದ ಮಹಿಳೆಯರೂ ಸುರಕ್ಷಿತವಾಗಿದ್ದಾರೆ.
-ಮೇನಕಾ ಗಾಂಧಿ, ಕೇಂದ್ರ ಸಚಿವೆ.
ಪ್ರಾಣಿಗಳ ಬಗ್ಗೆ ಇರುವ ದಯೆ, ಈ ದೇಶದ ಮಹಿಳೆಯರ ಬಗ್ಗೆಯೂ ಇರಲಿ.
---------------------
ನಾನು ರಾಜಕೀಯಕ್ಕೆ ಬಂದದ್ದು ನಿರುದ್ಯೋಗಿಯಾಗಿದ್ದಾಗ ಅಲ್ಲ, ಯಶಸ್ಸಿನ ಉತ್ತುಂಗದಲ್ಲಿದ್ದಾಗ
-ಸ್ಮತಿ ಇರಾನಿ, ಕೇಂದ್ರ ಸಚಿವೆ
ನಿಮ್ಮ ನಟನೆಯ ಉತ್ತುಂಗವನ್ನು ನೋಡಿಯೇ ರಾಜಕಾರಣಿಗಳು ರಾಜಕೀಯಕ್ಕೆ ಎಳೆತಂದದ್ದು.
---------------------
ಕಾಂಗ್ರೆಸ್ ಆಡಳಿತದಲ್ಲಿ ಕರ್ನಾಟಕ ಗೂಂಡಾ ರಾಜ್ಯವಾಗಿದೆ.
- ಕೆ.ಎಸ್. ಈಶ್ವರಪ್ಪ, ಬಿಜೆಪಿ ನಾಯಕ
ಅಧಿಕಾರಕ್ಕೆ ಬಂದರೆ ಯಡಿಯೂರಪ್ಪ ನಿಮ್ಮ ವಿರುದ್ಧ ಗೂಂಡಾ ಕಾಯ್ದೆ ಹಾಕುತ್ತಾರಂತೆ ಎಚ್ಚರಿಕೆ.
---------------------
ಮಾಸಾಂತ್ಯಕ್ಕೆ ತರಕಾರಿ ಬೆಲೆ ಇಳಿಯಲಿದೆ.
-ಕೃಷ್ಣ ಭೈರೇಗೌಡ ಸಚಿವ
ಯಾವ ಮಾಸ ಎನ್ನುವುದೂ ತಿಳಿಸಿ ಬಿಡಿ.
---------------------
ಬಿಹಾರವು ಜಂಗಲ್ರಾಜ್ನಿಂದ ಈಗ ಮಹಾಜಂಗಲ್ರಾಜ್ ಆಗಿ ಬದಲಾಗಿದೆ
-ರಾಮ್ ವಿಲಾಸ್ ಪಾಸ್ವಾನ್, ಕೇಂದ್ರ ಸಚಿವ
ಬಹುಶಃ ನೀವು ಜಂಗಲ್ ಮಹಾ ರಾಜ ಆಗುವ ಕನಸು ಕಾಣುತ್ತಿರಬೇಕು.
---------------------
ಸಾರ್ವಜನಿಕ ಆಸ್ತಿ ಪಾಸ್ತಿಗಳು ನಮ್ಮದೇ ಎಂದು ತಿಳಿದು ಸಂರಕ್ಷಿಸಿದಾಗ ಮಾತ್ರ ಗ್ರಾಮ ಅಭಿವೃದ್ಧಿ ಹೊಂದಲು ಸಾಧ್ಯ.
-ಡಾ.ಡಿ. ವೀರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ ಧರ್ಮಸ್ಥಳ
ಅದರ ಆಧಾರದಲ್ಲಿ ರೈತರಿಗೆ ತಮ್ಮ ಗ್ರಾಮೀಣಭಿವೃದ್ಧಿ ಫೈನಾನ್ಸ್ಗಳಿಂದ ಸಾಲ ಕೊಡುತ್ತೀರಾ?
---------------------
ನಾವು ಪ್ರಾಕೃತಿಕ ಸಮತೋಲನ ಕಾಪಾಡುವಲ್ಲಿ ವಿಫಲರಾಗಿದ್ದೇವೆ.
- ರಮಾನಾಥ ರೈ, ಅರಣ್ಯ ಸಚಿವ.
ಸಚಿವ ಸಂಪುಟದಲ್ಲಿ ತಮ್ಮ ಸಚಿವ ಸ್ಥಾನದ ಅಸಮತೋಲನದ ಪರಿಣಾಮ ಇರಬಹುದೇ?
---------------------
