ರಿಯೋ ಗೇಮ್ಸ್: ಗಮನ ಸೆಳೆಯುವ ಅಂಕಿ-ಅಂಶಗಳು
ರಿಯೋ ಡಿಜನೈರೊ, ಜು.12: ಬ್ರೆಝಿಲ್ನ ರಿಯೋ ಡಿ ಜನೈರೊದಲ್ಲಿ ಆಗಸ್ಟ್ 5 ರಿಂದ ಒಲಿಂಪಿಕ್ ಗೇಮ್ಸ್ ಆರಂಭವಾಗಲಿದೆ. ದಕ್ಷಿಣ ಅಮೆರಿಕದಲ್ಲಿ ಇದೇ ಮೊದಲ ಬಾರಿ ಒಲಿಂಪಿಕ್ ಗೇಮ್ಸ್ ನಡೆಯಲಿದೆ. ರಿಯೋ ಗೇಮ್ಸ್ನ ಗಮನ ಸೆಳೆಯುವ 20 ಅಂಕಿ-ಅಂಶಗಳು ಈ ಕೆಳಗಿನಂತಿವೆ....
17,000: ಒಲಿಂಪಿಕ್ಸ್ನಲ್ಲಿ 17,000 ಅಥ್ಲೀಟ್ಗಳು ಹಾಗೂ ಅಧಿಕಾರಿಗಳು ಭಾಗವಹಿಸಲಿದ್ದಾರೆ.
450,000: ಸುಮಾರು 11,000 ಅಥ್ಲೀಟ್ಗಳಿಗೆ 450,000 ಕಾಂಡೋಮ್ಗಳನ್ನು ಸಿದ್ಧಪಡಿಸಲಾಗಿದೆ. 78,000: ಮರಕಾನಾ ಸ್ಟೇಡಿಯಂ 78,000 ಪ್ರೇಕ್ಷಕರ ಸಾಮರ್ಥ್ಯ ಹೊಂದಿದೆ. ಒಲಿಂಪಿಕ್ಸ್ನ ಉದ್ಘಾಟನೆ ಹಾಗೂ ಸಮಾರೋಪ ಸಮಾರಂಭ ಇದೇ ಸ್ಟೇಡಿಯಂನಲ್ಲಿ ನಡೆಯಲಿದೆ.
206: ಆಗಸ್ಟ್ 5ರಿಂದ 21ರ ತನಕ ನಡೆಯಲಿರುವ ಗೇಮ್ಸ್ನಲ್ಲಿ 206 ದೇಶಗಳು ಸ್ಪರ್ಧಿಸಲಿವೆ.
1: ಇದೇ ಮೊದಲ ಬಾರಿ ಒಲಿಂಪಿಕ್ಸ್ ಬ್ಯಾನರ್ನಲ್ಲಿ ಒಂದು ನಿರಾಶ್ರಿತ ತಂಡ ಸ್ಪರ್ಧಿಸಲಿದೆ.
7.5: ಸುಮಾರು 7.5 ಮಿಲಿಯನ್ ಟಿಕೆಟ್ಗಳು ಮಾರಾಟವಾಗಿವೆ.
10: ಒಲಿಂಪಿಕ್ಸ್ ಗೇಮ್ಸ್ಗಾಗಿ ಅಂಡರ್ಗ್ರೌಂಡ್ ವೆುಟ್ರೊ ಸಿಸ್ಟಂ ಉದ್ದವನ್ನು 10 ಮೈಲು(16 ಕಿಲೋಮೀಟರ್) ವಿಸ್ತರಿಸಲಾಗಿದೆ. 04: ರಿಯೋದ ನಾಲ್ಕು ವಲಯಗಳಲ್ಲಿ ಸ್ಪರ್ಧೆಗಳು ನಡೆಯುತ್ತವೆ. ಒಲಿಂಪಿಕ್ ಪಾರ್ಕ್, ಕೊಪಾ ಕಬಾನಾ ಬೀಚ್, ಮಕರಾನ ಹಾಗೂ ಒಲಿಂಪಿಕ್ ಸ್ಟೇಡಿಯಂಗಳಲ್ಲಿ ಸ್ಪರ್ಧೆಗಳು ನಡೆಯುತ್ತವೆ.
25,000: ಸುಮಾರು 25,000 ಪತ್ರಕರ್ತರು ಗೇಮ್ಸ್ನ ವರದಿ ಮಾಡಲಿದ್ದಾರೆ.
500,000: ಗೇಮ್ಸ್ ವೀಕ್ಷಿಸಲು 500,000 ಪ್ರವಾಸಿಗರು ರಿಯೋ ಡಿಜನೈರೊಕ್ಕೆ ಆಗಮಿಸುವ ನಿರೀಕ್ಷೆಯಿದೆ.
61: ಇತ್ತೀಚೆಗೆ ನಡೆಸಲಾದ ಸಮೀಕ್ಷೆಯಲ್ಲಿ ಶೇ.61 ರಷ್ಟು ಜನರು ರಿಯೋ ಗೇಮ್ಸ್ ಯಶಸ್ವಿಯಾಗಲಿದೆ ಎಂದು ಹೇಳಿದ್ದಾರೆ. ಉಳಿದ ಶೇ.27ರಷ್ಟು ಜನರು ಗೇಮ್ಸ್ ನಡೆಯುವ ಬಗ್ಗೆ ಭೀತಿ ವ್ಯಕ್ತಪಡಿಸಿದ್ದಾರೆ.
31: ಒಲಿಂಪಿಕ್ಸ್ ಗ್ರಾಮದಲ್ಲಿ 31 ಟವರ್ ಬ್ಲಾಕ್ಗಳನ್ನು ನಿರ್ಮಿಸಲಾಗಿದೆ.
60,000: ಅತ್ಯಂತ ದೊಡ್ಡದಾದ ಒಲಿಂಪಿಕ್ ವಿಲೇಜ್ ಡೈನಿಂಗ್ ಹಾಲ್ನಲ್ಲಿ ಪ್ರತಿ ದಿನ 60,000 ಜನರಿಗೆ ಊಟ ಬಡಿಸಲಾಗುತ್ತದೆ.
05: ಊಟದ ಡೈನಿಂಗ್ ಹಾಲ್ಗೆ 5 ಜಂಬೋ ಜೆಟ್ಗಳನ್ನು ಫಿಟ್ ಮಾಡಲಾಗಿದೆ.
80,000: ಒಲಿಂಪಿಕ್ಸ್ ವಿಲೇಜ್ಗೆ 80,000 ಕುರ್ಚಿಗಳು ಇರಲಿವೆೆ.
07: ಇದೇ ಮೊದಲ ಬಾರಿ ರಗ್ಬಿ ಸೆವನ್ಸ್ ಆಟಗಾರರು ಒಲಿಂಪಿಕ್ನಲ್ಲಿ ಭಾಗವಹಿಸಲಿದ್ದಾರೆ.
400: ಒಲಿಂಪಿಕ್ಸ್ ಸ್ಪರ್ಧೆಗಳಲ್ಲಿ 400 ಫುಟ್ಬಾಲ್ ಚೆಂಡುಗಳನ್ನು ಬಳಸುವ ಸಾಧ್ಯತೆಯಿದೆ. 0: ಆತಿಥೇಯ ಬ್ರೆಝಿಲ್ ಫುಟ್ಬಾಲ್ ತಂಡ ಈ ವರೆಗೆ ಒಲಿಂಪಿಕ್ಸ್ನಲ್ಲಿ ಪದಕವನ್ನು ಜಯಿಸಿಲ್ಲ. 112: ಗಾಲ್ಫ್ ಕ್ರೀಡೆ 112 ವರ್ಷಗಳ ಬಳಿಕ ಒಲಿಂಪಿಕ್ಸ್ಗೆ ಮರು ಸೇರ್ಪಡೆಯಾಗಿದೆ.
02: ಉದ್ಘಾಟನಾ ಸಮಾರಂಭದಲ್ಲಿ ಬ್ರೆಝಿಲ್ನ ಇಬ್ಬರು ಅಧ್ಯಕ್ಷರು ಉಪಸ್ಥಿತರಿರುವ ನಿರೀಕ್ಷೆಯಿದೆ. ಅಮಾನತುಗೊಂಡಿರುವ ಡಿಲ್ಮಾ ರೌಸ್ಸೆೆಫ್ ಹಾಗೂ ಹಂಗಾಮಿ ಅಧ್ಯಕ್ಷ ಮೈಕಲ್ ಟೆಮೆರ್ ಕಾರ್ಯಕ್ರಮದಲ್ಲಿ ಹಾಜರಾಗುವ ಸಾಧ್ಯತೆಯಿದೆ.
