ವೆಸ್ಟ್‌ಇಂಡಿಸ್‌ನಲ್ಲಿ ದ್ವಿಶತಕ ದಾಖಲಿಸಿದ ಮೂರನೆ ವಿದೇಶಿ ತಂಡದ ನಾಯಕ ಕೊಹ್ಲಿ

ಆ್ಯಂಟಿಗುವಾ, ಜು.23: ಶುಕ್ರವಾರ ಮೊದಲ ಟೆಸ್ಟ್‌ನ ಎರಡನೆ ದಿನ ದ್ವಿಶತಕ ದಾಖಲಿಸಿದ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರು ವೆಸ್ಟ್‌ಇಂಡೀಸ್ ನೆಲದಲ್ಲಿ 200 ಅಥವಾ ಅದಕ್ಕಿಂತ ಹೆಚ್ಚು ಸ್ಕೋರ್ ದಾಖಲಿಸಿದ ವಿದೇಶಿ ಕ್ರಿಕೆಟ್ ತಂಡದ ಮೂರನೆ ನಾಯಕ ಎನಿಸಿಕೊಂಡಿದ್ದಾರೆ.

ಟೆಸ್ಟ್‌ನ ಎರಡನೆ ದಿನದ ಹೈಲೈಟ್ಸ್ ಇಂತಿವೆ.
► ರವಿಚಂದ್ರನ್ ಅಶ್ವಿನ್ 253 ಎಸೆತಗಳಲ್ಲಿ 113 ರನ್ ದಾಖಲಿಸಿದ್ದಾರೆ. ವಿದೇಶಿ ನೆಲದಲ್ಲಿ ಅವರು ದಾಖಲಿಸಿದ ಗರಿಷ್ಠ ಸ್ಕೋರ್ ಇದಾಗಿದೆ. ಈ ಮೊದಲು ಜನವರಿ 2012ರಲ್ಲಿ ಸಿಡ್ನಿಯಲ್ಲಿ ಆಸ್ಟ್ರೇಲಿಯ ವಿರುದ್ಧ 62 ರನ್ ದಾಖಲಿಸಿರುವುದು ವಿದೇಶದಲ್ಲಿ ಅವರ ಹಿಂದನ ಗರಿಷ್ಠ ಸ್ಕೋರ್.
► ಅಶ್ವಿನ್ ಮೂರನೆ ಟೆಸ್ಟ್ ಶತಕ ದಾಖಲಿಸಿದ್ದಾರೆ. ಅವರ ಎಲ್ಲ ಶತಕಗಳು ವಿಂಡೀಸ್ ವಿರುದ್ಧ ದಾಖಲಾಗಿವೆ. ಅವರು ಎಂಟನೆ ಕ್ರಮಾಂಕದ ದಾಂಡಿಗನಗಿ ಕಣಕ್ಕಿಳಿದು ಕೋಲ್ಕತಾದಲ್ಲಿ 2013, ನವೆಂಬರ್‌ನಲ್ಲಿ ಕೋಲ್ಕತಾದಲ್ಲಿ 124 ರನ್ ಮತ್ತು 2011, ನವೆಂಬರ್‌ನಲ್ಲಿ ಮುಂಬೈನಲ್ಲಿ 103 ರನ್ ದಾಖಲಿಸಿದ್ದರು.
► ಅಶ್ವಿನ್ ಮೊದಲ ಬಾರಿ ನಂ.6 ಕ್ರಮಾಂಕದಲ್ಲಿ ಬ್ಯಾಟಿಂಗ್ ನಡೆಸಿ ಶತಕ ದಾಖಲಿಸಿದ್ದಾರೆ. ಇಬ್ಬರು ದಾಂಡಿಗರು ಈ ತನಕ ನಂ.6 ಕ್ರಮಾಂಕದಲ್ಲಿ ವಿಂಡಿಸ್ ವಿರುದ್ಧ ಬ್ಯಾಟಿಂಗ್ ನಡೆಸಿ ಶತಕ ದಾಖಲಿಸಿದ್ದಾರೆ. ಅವರೆಂದರೆ ಕಪಿಲ್ ದೇವ್ ಮತ್ತು ಆರ್.ಅಶ್ವಿನ್.
► ಭಾರತ( 566/8 ಡಿಕ್ಲೇರ್ ) ವಿಂಡೀಸ್ ವಿರುದ್ಧ ಎರಡನೆ ಗರಿಷ್ಠ ಸ್ಕೋರ್ ದಾಖಲಿಸಿದೆ. 588 ರನ್ ಈ ಮೊದಲು ಭಾರತ ಜೂನ್ 2006ರಲ್ಲಿ ದಾಖಲಿಸಿದ್ದ ಸ್ಕೋರ್ ಆಗಿತ್ತು.
► ಭಾರತ ಆ್ಯಂಟಿಗುವಾದಲ್ಲಿ ಗರಿಷ್ಠ ಸ್ಕೋರ್ ದಾಖಲಿಸಿರುವ ತಂಡವಾಗಿದೆ. ಈ ಹಿಂದೆ 2012 ಜುಲೈನಲ್ಲಿ ನ್ಯೂಝಿಲೆಂಡ್ (522) ಗರಿಷ್ಠ ಸ್ಕೋರ್ ದಾಖಲಿಸಿತ್ತು.
► ಆಮಿತ್ ಮಿಶ್ರಾ (53) ವಿಂಡೀಸ್ ವಿರುದ್ಧ ಮೊದಲ ಅರ್ಧಶತಕ ದಾಖಲಿಸಿದ್ದಾರೆ. ಟೆಸ್ಟ್‌ನಲ್ಲಿ 4ನೆ ಅರ್ಧಶತಕ ದಾಖಲಾಗಿದೆ.ಎಲ್ಲ ಅರ್ಧಶತಕಗಳು ವಿದೇಶದಲ್ಲಿ ದಾಖಲಾಗಿರುವುದು ವಿಶೇಷ.
► ಮಿಶ್ರಾ 9 ವಿದೇಶಿ ಟೆಸ್ಟ್‌ಗಳಲ್ಲಿ 500 ರನ್ ಪೂರ್ಣಗೊಳಿಸಿದ್ದಾರೆ.
► ಕೊಹ್ಲಿ ಮೊದಲ ದ್ವಿಶತಕ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ದಾಖಲಿಸಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಇದು ಅವರ ಮೊದಲ ದ್ವಿಶತಕವಾಗಿದೆ.
► ಕೊಹ್ಲಿ ಮಾರ್ಚ್ 18, 2012ರಲ್ಲಿ ಪಾಕಿಸ್ತಾನ ವಿರುದ್ಧ 183 ರನ್ ದಾಖಲಿಸಿದ್ದರು. ಆಸ್ಟ್ರೇಲಿಯ ವಿರುದ್ಧ ಮೆಲ್ಬೋರ್ನ್‌ನಲ್ಲಿ ಡಿ.2014ರಲ್ಲಿ ದಾಖಲಿಸಿದ್ದ 169 ರನ್ ಹಿಂದಿನ ಗರಿಷ್ಠ ಸ್ಕೋರ್ ಆಗಿತ್ತು.
► ಕೊಹ್ಲಿ ವಯಸ್ಸು 27 ವರ್ಷ 259 ದಿನಗಳು. ವಿಂಡೀಸ್‌ನಲ್ಲಿ ದ್ವಿಶತಕ ದಾಖಲಿಸಿದ ವಿದೇಶಿ ತಂಡದ ಮೊದಲ ನಾಯಕ.
► ಕೊಹ್ಲಿ ವಿದೇಶಿ ಟೆಸ್ಟ್‌ನಲ್ಲಿ ದ್ವಿಶತಕ ದಾಖಲಿಸಿದ ಭಾರತದ ಮೊದಲ ನಾಯಕ.

► ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 12 ಸಾವಿರಕ್ಕೂ ಅಧಿಕ ರನ್ ದಾಖಲಿಸಿದ ಭಾರತದ ಎಂಟನೆ ಬ್ಯಾಟ್ಸ್‌ಮನ್.
► ಕೊಹ್ಲಿ ಮತ್ತು ಅಶ್ವಿನ್ ಐದನೆ ವಿಕೆಟ್‌ಗೆ 168 ರನ್‌ಗಳ ಜೊತೆಯಾಟ ನೀಡಿರುವುದು ಭಾರತದ ಮೂರನೆ ಗರಿಷ್ಠ ರನ್‌ಗಳ ಜೊತೆಯಾಟವಾಗಿದೆ.
► ದೇವೇಂದ್ರ ಬಿಶೂ (43-1-163-3) ಅವರು ಟೆಸ್ಟ್‌ನಲ್ಲಿ ಮೂರನೆ ಬಾರಿ 150ಕ್ಕೂ ಅಧಿಕ ರನ್ ದಾಖಲಿಸಿದ್ದಾರೆ.
► ಕ್ರೇಗ್ ಬ್ರಾಥ್‌ವೈಟ್(14.5-1-65-3) ಅವರು ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ.
► ವಿಂಡೀಸ್ 2015 ಜನವರಿಯಿಂದ ಈ ತನಕ 22 ಟೆಸ್ಟ್ ಇನಿಂಗ್ಸ್‌ನಲ್ಲಿ ಮೊದ ವಿಕೆಟ್‌ಗೆ ಅರ್ಧಶತಕದ ಜೊತೆಯಾಟ ನೀಡುವಲ್ಲಿ ಎಡವಿದೆ.