ಬಡಗನ್ನೂರು: ಮಹಿಳೆಗೆ ತಂಡದಿಂದ ಹಲ್ಲೆ; ದೂರು

ಪುತ್ತೂರು, ಆ.17: ಮಹಿಳೆಯೊಬ್ಬರಿಗೆ ತಂಡವೊಂದು ಹಲ್ಲೆ ನಡೆಸಿದ್ದು, ಗಾಯಾಳು ಮಹಿಳೆ ಪುತ್ತೂರು ಸರಕಾರಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಪುತ್ತೂರು ತಾಲೂಕಿನ ಬಡಗನ್ನೂರು ಗ್ರಾಮದ ಕೊಲ ನಿವಾಸಿ ಸಿದ್ದಿಕ್ ಎಂಬವರ ಪತ್ನಿ ಮುಮ್ತಾಝ್ (36) ಹಲ್ಲೆಗೊಳಗಾದ ಮಹಿಳೆ.

ಸೋಮವಾರ ಕೊಯ್ಲ ಸ.ಹಿ ಪ್ರಾ ಶಾಲೆಯಲ್ಲಿ ನಡೆದ ಸ್ವಾತಂತ್ರ್ಯೋತ್ಸವ ಕಾರ್ಯಕ್ರಮಕ್ಕೆ ತೆರಳಿದ್ದ ಮುಮ್ತಾಜ್ ಅವರಿಗೆ ಕಾರ್ಯಕ್ರಮ ನಡೆಯುತ್ತಿದ್ದ ಸ್ಥಳಕ್ಕೆ ಬಂದ ಹಮೀದ್ ಕೊಯ್ಲ, ಟಿ.ಕೆ. ಸಿದ್ದಿಕ್, ಪಾಲಡ್ಕ ಸಿದ್ದಿಕ್, ಮತ್ತು ಪಿ.ಕೆ.ಅಹ್ಮದ್ ಎಂಬವರು ಹಲ್ಲೆ ನಡೆಸಿದ್ದಾಗಿ ಮಹಿಳೆ ಸಂಪ್ಯ ಪೊಲೀಸರಿಗೆ ದೂರು ನೀಡಿದ್ದಾರೆ. ಸಂಪ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.