ನಾನು ಹಿಂದಿನಿಂದಲೂ ಕ್ರಾಂತಿ ಮಾಡಿದವನಲ್ಲ
ನಾನು ಹಿಂದಿನಿಂದಲೂ ಕ್ರಾಂತಿ ಮಾಡಿದವನಲ್ಲ
-ಡಾ.ಚಂದ್ರಶೇಖರ ಕಂಬಾರ, ಸಾಹಿತಿ
ಅಪರೂಪಕ್ಕೊಮ್ಮೊಮ್ಮೆ ನೀವು ಮಾಡುವ ವಾಂತಿಯೇ ಜನಪರ ಹೋರಾಟಗಳ ದೊಡ್ಡ ಸಮಸ್ಯೆ.
---------------------
ಯಡಿಯೂರಪ್ಪನವರೇ ಕರ್ನಾಟಕದ ಮುಂದಿನ ಮುಖ್ಯಮಂತ್ರಿಯಾಗಲಿದ್ದಾರೆ
-ಅಮಿತ್ ಶಾ, ಬಿಜೆಪಿ ರಾಷ್ಟ್ರಾಧ್ಯಕ್ಷ
ಮತದಾರರು ಅವಕಾಶ ನೀಡಿದರೂ, ರಾಜ್ಯ ಬಿಜೆಪಿಯ ಉಳಿದ ನಾಯಕರು ಅವಕಾಶ ನೀಡಬೇಕಲ್ಲ?
---------------------
ಕೇಂದ್ರ ಸರಕಾರಕ್ಕೆ ಸಂದೇಶಗಳನ್ನು ತಲುಪಿಸುವ ವ್ಯಕ್ತಿ ನಾನಲ್ಲ
-ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ
ಬಹುಶಃ ಆದೇಶಗಳನ್ನು ತಲುಪಿಸುವ ವ್ಯಕ್ತಿಯಾಗಿರಬಹುದೇ?
---------------------
ಕರ್ನಾಟಕದಲ್ಲಿ ಎಲ್ಲವೂ ಇದೆ, ಆದರೆ ಪ್ರಾಮಾಣಿಕತೆಯ ಕೊರತೆ ಇದೆ
-ಯಡಿಯೂರಪ್ಪ, ಬಿಜೆಪಿ ಅಧ್ಯಕ್ಷ
ರಾಜ್ಯ ಬಿಜೆಪಿಯನ್ನು ಸರಿಯಾಗಿ ಅರ್ಥ ಮಾಡಿಕೊಂಡಿದ್ದೀರಿ.
---------------------
ಮಂಗಳೂರಿನಿಂದ ದೇಶಪ್ರೇಮದ ಸಂದೇಶ ಹೊರಹೊಮ್ಮಬೇಕು
-ಡಿ.ವಿ ಸದಾನಂದ ಗೌಡ, ಕೇಂದ್ರ ಸಚಿವ
ಪ್ರವೀಣ್ ಪೂಜಾರಿಯ ಕೊಲೆಯೂ ಮಂಗಳೂರಿನಲ್ಲಿ ದೇಶಪ್ರೇಮದ ಭಾಗವೇ ಆಗಿದೆ.
---------------------
ಆಧ್ಯಾತ್ಮಿಕ ಸಂಪತ್ತು ವಿದ್ಯೆ ಹಾಗೂ ಭೌತಿಕ ಸಂಪತ್ತು ಹಣ ಎರಡೂ ಕೇಂದ್ರೀಕೃತವಾಗಬಾರದು
-ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಮಠಗಳಲ್ಲಿರುವ ತಿಜೋರಿಯನ್ನು ಒಡೆದುಬಿಟ್ಟರೆ ಆಯಿತು.
---------------------
ಆಮ್ನೆಸ್ಟಿಗೆ ದೇಶದ್ರೋಹದ ಇತಿಹಾಸವಿಲ್ಲ
-ಡಾ. ಜಿ.ಪರಮೇಶ್ವರ್, ಗೃಹಸಚಿವ
ಇತಿಹಾಸ ಇದ್ದವರ ಕುರಿತಂತೆ ತೆಗೆದುಕೊಂಡ ಕ್ರಮಗಳನ್ನು ತಿಳಿಸಿ.
---------------------
ಈಗಿರುವ ದೇಶದ್ರೋಹದ ಕಾನೂನು ಬ್ರಿಟಿಷರ ಕಾಲದ್ದು
-ವೀರಪ್ಪ ಮೊಯ್ಲಿ, ಸಂಸದ
ಓಲ್ಡ್ ಈಸ್ ಗೋಲ್ಡ್ ಎಂದು ಇಟ್ಟುಕೊಂಡಿರಬೇಕು.
---------------------
ಭಾರತವನ್ನು ವಿಭಜಿಸುವ ಉದ್ದೇಶದಿಂದ ಪಾಕಿಸ್ತಾನ ಹುಟ್ಟಿಕೊಂಡಿದೆ
-ಅರುಣ್ ಜೇಟ್ಲಿ, ಕೇಂದ್ರ ಸಚಿವ
ಅದು ಸಾಕಾಗುವುದಿಲ್ಲವೆಂದು ಜನರ ನಡುವೆ ಇನ್ನಷ್ಟು ವಿಭಜನೆಗಳನ್ನು ಮಾಡುತ್ತಿದ್ದೀರಾ?
---------------------
ದಲಿತರು ತಮ್ಮ ಮೇಲಿನ ಹಲ್ಲೆಯನ್ನು ಖಂಡಿಸಿ ಸಿಡಿದೇಳುವುದು ಸಹಜ ಪ್ರಕ್ರಿಯೆ
-ಎಲ್.ಕೆ ಅಡ್ವಾಣಿ, ಬಿಜೆಪಿ ನಾಯಕ
ತಾವು ಸಿಡಿದೆದ್ದದ್ದು ಮಾತ್ರ ಅಸಹಜ ಪ್ರಕ್ರಿಯೆ ಎನ್ನುತ್ತಾರೆ ಮೋದಿ.
---------------------
ಬಿಜೆಪಿ, ಎಬಿವಿಪಿ ಡೋಂಗಿ ದೇಶಭಕ್ತರ ಸಂಘಟನೆಗಳು
-ದಿನೇಶ್ ಗುಂಡೂರಾವ್, ಕೆಪಿಸಿಸಿ ಕಾರ್ಯಾಧ್ಯಕ್ಷ
ಕಾಂಗ್ರೆಸ್ನೊಳಗಿರುವ ಸೋನಿಯಾರ ಡೋಂಗಿ ಭಕ್ತರ ಬಗ್ಗೆ ನಿಮ್ಮ ಅಭಿಪ್ರಾಯ?
---------------------
ಬಿಜೆಪಿಯಲ್ಲಿ ನಾಯಕತ್ವದ ಕೊರತೆ ಕಾಣುತ್ತಿದೆ
-ವಿ.ಎಸ್ ಉಗ್ರಪ್ಪ, ಎಂಎಲ್ಸಿ
ಕಾಂಗ್ರೆಸ್ನಲ್ಲಿ ನಾಯಕರ ಸಂಖ್ಯೆ ಹೆಚ್ಚಾಗಿದೆ ಎಂಬ ಆರೋಪಗಳಿವೆ.
---------------------
ದೇಶವಿರೋಧಿ ಹೇಳಿಕೆ ಕೊಳೆತ ಹಣ್ಣುಗಳಿದ್ದಂತೆ
-ಡಾ. ವೀರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ, ಧರ್ಮಸ್ಥಳ
ಕೊಳೆತ ಮನಸ್ಸುಗಳು ಉದುರುವ ಕೊಳೆತ ಹಣ್ಣು ಗಳಿಗಾಗಿ ಕಾಯುತ್ತಿರುತ್ತವೆ.
---------------------
ಪತ್ನಿಗೆ ಹೆರಿಗೆಯಾದಾಗ ಪತಿಗೆ ಹೆರಿಗೆ ರಜೆ ಕೊಡುವುದರಲ್ಲಿ ಅರ್ಥವಿಲ್ಲ
-ಮೇನಕಾ ಗಾಂಧಿ, ಕೇಂದ್ರ ಸಚಿವೆ
ಸದ್ಯಕ್ಕೆ ನಿಮ್ಮ ಬಾಯಿಗೆ ಅಗತ್ಯವಾಗಿ ರಜೆ ಕೊಡಬೇಕಾದುದು ಅನಿವಾರ್ಯವಾಗಿದೆ.
---------------------
ಮುಂದಿನ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ 150 ಕ್ಷೇತ್ರಗಳಲ್ಲಿ ಜಯಗಳಿಸುವುದು ಗ್ಯಾರಂಟಿ
-ಶೋಭಾ ಕರಂದ್ಲಾಜೆ, ಸಂಸದೆ
ಆದರೂ ಯಡಿಯೂರಪ್ಪ ಮುಖ್ಯಮಂತ್ರಿಯಾಗುವುದು ಅನುಮಾನ.
---------------------
ದೇಶ ಈಗ ಹೊರಗಿನ ಶಕ್ತಿಗಳಿಗಿಂತ, ಒಳಗಿನವರಿಂದಲೇ ಬೆದರಿಕೆ ಎದುರಿಸುವಂತಾಗಿದೆ
-ಗುಲಾಂ ನಬಿ ಆಝಾದ್, ಕಾಂಗ್ರೆಸ್ ನಾಯಕ
ಅದಕ್ಕಾಗಿಯೇ ಮೋದಿಯವರು ದೇಶದ ಹೊರಗೆ ತಿರುಗಾಡುತ್ತಿರುವುದು.
---------------------
ಧರ್ಮ ಮತ್ತು ರಾಜಕಾರಣ ಜೋಡೆತ್ತಿನ ಬಂಡಿಯಂತೆ
-ರಮೇಶ್ ಜಿಗಜಣಗಿ, ಸಚಿವ
ಒಟ್ಟಿನಲ್ಲಿ ಎತ್ತಿನ ಬಂಡಿಯೆಂದು ವ್ಯಾಖ್ಯಾನಿಸುತ್ತಿದ್ದೀರಾ?
---------------------
ನಮ್ಮ ದೇಶದಲ್ಲಿ ಗೋವಿಗಾಗಿ ಪ್ರಾಣ ಕೊಟ್ಟವರಿದ್ದಾರೆ
-ರಾಘವೇಶ್ವರ ಭಾರತಿ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಹೆಣ್ಣಿಗಾಗಿ ತಮ್ಮ ಮಾನ ಕೊಟ್ಟವರೂ ಇದ್ದಾರೆ.
---------------------
ಕಾಲ ಕೂಡಿ ಬಂದಾಗ ತೃತೀಯ ರಂಗ ರಚನೆ
-ದೇವೇಗೌಡ, ಮಾಜಿ ಪ್ರಧಾನಿ
ತಮ್ಮ ಮಕ್ಕಳು ಪ್ರಧಾನಮಂತ್ರಿಯಾಗುವ ಕಾಲ ಕೂಡಿಬಂದಾಗಲೇ ?
---------------------
ಕುಡ್ಲ ನಿಜಕ್ಕೂ ಸ್ವರ್ಗ
-ರಮ್ಯಾ, ಮಾಜಿ ಸಂಸದೆ
ಆದರೆ ಅದನ್ನು ನರಕ ಮಾಡಲು ದುಷ್ಟ ಶಕ್ತಿಗಳು ಹೊಂಚಿ ಕೂತಿವೆ.
