ಬುರ್ಖಾ ಧರಿಸಿದವರಿಂದ ನನಗೆ ತೊಂದರೆಯಾಗಿಲ್ಲ. ಆದರೆ ...

ಲಂಡನ್, ಸೆ. 1 : ಇತ್ತೀಚಿಗೆ ಫ್ರಾನ್ಸ್ ನಲ್ಲಿ  ಮುಸ್ಲಿಂ ಮಹಿಳೆಯರಿಗೆ ಮೈ ಮುಚ್ಚುವ ಬೀಚ್ ಉಡುಗೆ ' ಬುರ್ಕಿನಿ' ಧರಿಸದಂತೆ ಅಲ್ಲಿನ ಪೊಲೀಸರು ನಿರ್ಬಂಧ ವಿಧಿಸಿದ ಹಿನ್ನೆಲೆಯಲ್ಲಿ ಬುರ್ಖಾ ಮೇಲಿನ ನಿರ್ಬಂಧದ ಚರ್ಚೆ ಮತ್ತೆ ಗರಿಗೆದರಿದೆ. 

ಆದರೆ ಬ್ರಿಟನ್ ನ ಪ್ರತಿಷ್ಠಿತ ಗಾರ್ಡಿಯನ್ ಪತ್ರಿಕೆಯಲ್ಲಿ ಇತ್ತೀಚಿಗೆ ಪ್ರಕಟವಾದ ಒಂದು ಪುಟ್ಟ 'ಸಂಪಾದಕರಿಗೆ ಪತ್ರ'  ಈ ಇಡೀ ವಿಷಯದಲ್ಲಿ ಒಂದು ವಿಭಿನ್ನ ಆದರೆ ಅಷ್ಟೇ ಕಟುವಾದ ಸತ್ಯವನ್ನು ಜಗತ್ತಿನ ಮುಂದಿಟ್ಟು ' ಬುರ್ಖಾ ನಿಷೇಧ' ದ ಹಿಂದಿರುವ ರಾಜಕೀಯವನ್ನು ಬಯಲು ಮಾಡಿದೆ.

ಹೆನ್ರಿ ಸ್ಟುವರ್ಟ್  ಎಂಬವರು ಬರೆದ ಆ ಪತ್ರದ ಮೂಲ ಇಂಗ್ಲಿಷ್ ರೂಪ ಹಾಗು ಕನ್ನಡ ಅನುವಾದ ಇಲ್ಲಿದೆ : 

No woman in a burqa (or a hijab or a burkini) has ever done me any harm. But I was sacked (without explanation) by a man in a suit. Men in suits missold me pensions and endowments, costing me thousands of pounds. A man in a suit led us on a disastrous and illegal war. Men in suits led the banks and crashed the world economy. Other men in suits then increased the misery to millions through austerity. If we are to start telling people what to wear, maybe we should ban suits.

Henry Stewart, London

"ಬುರ್ಖಾ ಧರಿಸಿದ (ಅಥವಾ ಹಿಜಾಬ್ ಅಥವಾ ಬುರ್ಖಿನಿ) ಯಾವ ಮಹಿಳೆ ಕೂಡಾ ನನಗೆ ಯಾವತ್ತೂ ಯಾವುದೇ ಹಾನಿ ಮಾಡಿಲ್ಲ. ಆದರೆ ಸೂಟುಧಾರಿಯಾದ ಗಂಡಸೊಬ್ಬ ನನ್ನನ್ನು ಕೆಲಸದಿಂದ (ಯಾವ ವಿವರಣೆಯನ್ನೂ ಕೊಡದೇ) ಕಿತ್ತು ಹಾಕಿದ. ಸೂಟುಧಾರಿಯಾದ ಗಂಡಸರು ನನಗೆ ನನ್ನ ಪಿಂಚಣಿ, ಭತ್ತೆ ಸಿಗದಂತೆ ಮಾಡಿ ಸಾವಿರಾರು ಪೌಂಡ್ ಹಣ ನಷ್ಟ ಮಾಡಿದರು. ಸೂಟು ಹಾಕಿಕೊಂಡವನೊಬ್ಬ ವಿನಾಶಕಾರಿ ಹಾಗು ಅಕ್ರಮ ಯುದ್ಧಕ್ಕೆ ನಮ್ಮನ್ನು ದೂಡಿದ. ಸೂಟು ಹಾಕಿದ್ದ ಗಂಡಸರೇ ಬ್ಯಾಂಕುಗಳನ್ನು ನಡೆಸಿ ಜಗತ್ತಿನ  ಆರ್ಥಿಕ ವ್ಯವಸ್ಥೆಯನ್ನು ಹಾಳುಗೆಡವಿದರು. ಸೂಟುಧಾರಿಯಾದ ಗಂಡಸರೇ ಬಜೆಟ್ ಕಡಿತಗೊಳಿಸಿ ಕೋಟ್ಯಂತರ ಜನರನ್ನು ಸಂಕಟಕ್ಕೆ ದೂಡಿದರು. ಜನ ಯಾವುದನ್ನು ಧರಿಸಬೇಕು ಎಂದು ನಾವು ಹೇಳುವುದೇ ಆದರೆ,  ಮೊದಲಿಗೆ ಈ ಸೂಟುಗಳನ್ನು ನಿಷೇಧಿಸಬೇಕು"

- ಹೆನ್ರಿ ಸ್ಟುವರ್ಟ್, ಲಂಡನ್ .