ಧೂಮ್-4 ಶಾರುಕ್ ವಿಲನ್
ಬಾಲಿವುಡ್ ‘ಬಾದ್ಶಹಾ’ ಶಾರುಕ್ ಖಾನ್ ಹೀರೋ ಪಾತ್ರಗಳಲ್ಲಿ ಮಾತ್ರವಲ್ಲ ನೆಗೆಟಿವ್ ರೋಲ್ಗಳಿಂದಲೂ ಪ್ರೇಕ್ಷಕರ ಮನಸೂರೆಗೊಂಡಿರುವುದು ಎಲ್ಲರಿಗೂ ಗೊತ್ತಿದ್ದದ್ದೇ. ಢರ್, ಬಾಝಿಗರ್, ಡಾನ್, ಡಾನ್-2 ಚಿತ್ರಗಳಲ್ಲಿ ಶಾರುಕ್ ಅವರ ನೆಗೆಟಿವ್ ಪಾತ್ರಗಳು ಅವರಿಗೆ ಸಾಕಷ್ಟು ಹೆಸರು ತಂದುಕೊಟ್ಟಿವೆ.ಅಷ್ಟೇ ಅಲ್ಲ ಬಾಲಿವುಡ್ನ ಖಳನಾಯಕ ಪಾತ್ರಗಳಿಗೂ ಹೊಸ ಚಾರ್ಮ್ ನೀಡಿದ ಖ್ಯಾತಿಯೂ ಶಾರುಕ್ಗೆ ಸೇರುತ್ತದೆ.
ಇದೀಗ ಬಾಲಿವುಡ್ನಲ್ಲಿ ದಟ್ಟವಾಗಿ ಕೇಳಿಬರುತ್ತಿರುವ ವದಂತಿಗಳ ಪ್ರಕಾರ ಶಾರುಕ್, ಧೂಮ್ ಸರಣಿಯ ನೂತನ ಚಿತ್ರದಲ್ಲಿ ಖಳನಾಯಕ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಹೌದು. ಧೂಮ್4ರಲ್ಲಿ ಅವರು ನಟಿಸಲಿರುವುದು ಬಹುತೇಕ ಖಚಿತವಾಗಿದೆ. ಕೆಲವು ಸಮಯದ ಮೊದಲು ಸಲ್ಮಾನ್ ಖಾನ್ ಆ ಪಾತ್ರದಲ್ಲಿ ನಟಿಸಲಿದ್ದಾರೆಂದು ಸುದ್ದಿಯಾಗಿತ್ತು. ಆದರೆ ಅನೇಕ ಚಿತ್ರಗಳಿಗೆ ಕಮಿಟ್ ಆಗಿರುವ ಸಲ್ಮಾನ್, ಈ ಚಿತ್ರವನ್ನು ಒಪ್ಪಿಕೊಳ್ಳುವ ಮನಸ್ಸು ಮಾಡಿಲ್ಲವಂತೆ. ಅಷ್ಟೇ ಅಲ್ಲ ಸಲ್ಮಾನ್ ಈ ಹಿಂದೆ ಯಾವತ್ತೂ ನೆಗೆಟಿವ್ ಪಾತ್ರಗಳಲ್ಲಿ ಕಾಣಿಸಿಕೊಂಡದ್ದಿಲ್ಲ. ಹಾಗಾಗಿ ಆ ರೆಕಾರ್ಡ್ ಮುರಿಯಲು ಅವರಿಗೆ ಮನಸ್ಸಿಲ್ಲವೇನೂ. ಆದರೆ ನೆಗೆಟಿವ್ ರೋಲ್ಗಳಿಂದಲೇ ಪ್ರೇಕ್ಷಕರ ಮನಗೆದ್ದಿರುವ ಶಾರುಕ್, ಧೂಮ್ 4ಗೆ ಓಕೆ ಅಂದಿದ್ದಾರಂತೆ. ಪ್ರಸ್ತುತ ಶಾರುಕ್ ಜೊತೆ ಚಿತ್ರದ ನಿರ್ಮಾಪಕರಾದ ಯಶ್ರಾಜ್ ಪ್ರೊಡಕ್ಷನ್ಸ್ ಸಂಭಾವನೆ ಬಗ್ಗೆ ಚರ್ಚಿಸುತ್ತಿದ್ದಾರೆ.
ಅಂದಹಾಗೆ ಧೂಮ್ 4 ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್ ಇರುವುದಿಲ್ಲ. ಈ ಹಿಂದಿನ ಧೂಮ್ ಸರಣಿಯಲ್ಲಿ ಅಭಿಷೇಕ್ ನಿರ್ವಹಿಸುತ್ತಿದ್ದ ಎಸಿಪಿ ಜಯ್ ದೀಕ್ಷಿತ್ ಪಾತ್ರದಲ್ಲಿ ರಣವೀರ್ಸಿಂಗ್ ನಟಿಸಲಿದ್ದಾರೆ. ಚಿತ್ರದ ನಾಯಕಿ ಪಾತ್ರದ ಆಯ್ಕೆಯನ್ನು ಪ್ರಕಟಿಸಿಲ್ಲವಾದರೂ, ಪರಿಣತಿ ಚೋಪ್ರಾ ಹೆಸರು ಕೇಳಿಬರುತ್ತಿದೆ
