ಇಸ್ರೋದಿಂದ ಮತ್ತೊಂದು ಸಾಧನೆ: ಇನ್ಸಾಟ್-3ಡಿಆರ್ ಯಶಸ್ವಿ ಉಡಾವಣೆ

ಹೊಸದಿಲ್ಲಿ, ಸೆ.8: ಭಾರತೀಯ ಬಾಹ್ಯಾಕಾಶ ಸಂಶೋಧನ ಸಂಸ್ಥೆ (ಇಸ್ರೊ) ಗುರುವಾರ ಜಿಎಸ್‌ಎಲ್‌ವಿ-ಎಫ್05 ರಾಕೆಟ್ ಮೂಲಕ ಅತ್ಯಾಧುನಿಕ ಹವಾಮಾನ ಉಪಗ್ರಹ ಇನ್ಸಾಟ್-3ಡಿಆರ್‌ಅನ್ನು ಗುರುವಾರ ಯಶಸ್ವಿಯಾಗಿ ಅಂತರಿಕ್ಷಕ್ಕೆ ಕಳುಹಿಸಿದೆ.

ಮೊದಲು ಸಂಜೆ 4:10ಕ್ಕೆ ನಿಗದಿಪಡಿಸಲಾಗಿದ್ದ ಉಡಾವಣಾ ಸಮಯವನ್ನು ಬಳಿಕ 4:50ಕ್ಕೆ ಮುಂದೂಡಲಾಗಿತ್ತು.

ಇನ್ಸಾಟ್-3ಡಿಆರ್ ಉಪಗ್ರಹ 2,211ಕಿ.ಗ್ರಾಂ ತೂಕವಿದ್ದು, ಅದನ್ನು ಭೂ-ವರ್ಗಾವಣೆ ಕಕ್ಷೆಯೊಂದರಲ್ಲಿ ಪ್ರಾಥಮಿಕವಾಗಿ ಇರಿಸಲಾಗಿತ್ತು. ಅದು ತನ್ನ ಚಾಲನಾ ವ್ಯವಸ್ಥೆಯನ್ನು ಉಪಯೋಗಿಸಿ ನಿಯೋಜಿತ ಭೂ-ಸಮಾನಾಂತರ ಕಕ್ಷೆಗೆ ಸಾಗಿದೆ.

8 ವರ್ಷ ಜೀವಿತಾವಧಿಯಿರುವ ಈ ಉಪಗ್ರಹದಲ್ಲಿ ಹವಾಮಾನ ಮಾದರಿ ಅಧ್ಯಯನ, ಮೇಲ್ಮೈ ಶೋಧ ಹಾಗೂ ರಕ್ಷಣಾ ಕಾರ್ಯಾಚರಣೆಗಳಿಗೆ ಸಹಾಯಕವಾಗುವ ಅತ್ಯಾಧುನಿಕ ಉಪಕರಣಗಳನ್ನು ಅಳವಡಿಸಲಾಗಿದೆ.