‘ಟಿಡಿಎಫ್ ಡೈಮಂಡ್ ಫ್ಯಾಕ್ಟರಿ’ಯಿಂದ ಚಿನ್ನ, ವಜ್ರಾಭರಣಗಳ ಪ್ರದರ್ಶನ
ಮಂಗಳೂರು, ಸೆ.10: ವಿಶಿಷ್ಟ ಶೈಲಿಯ ಚಿನ್ನ ಹಾಗೂ ವಜ್ರಗಳ ವಿನ್ಯಾಸಭರಿತ ಆಭರಣಗಳಿಗೆ ಹೆಸರುವಾಸಿಯಾಗಿರುವ ಮುಂಬೈಯ ‘ಟಿಡಿಎಫ್ ಡೈಮಂಡ್ ಫ್ಯಾಕ್ಟರಿ’ಯು ತನ್ನ ವಿನೂತನ ಸಂಗ್ರಹಗಳೊಂದಿಗೆ ಮಂಗಳೂರಿನಲ್ಲಿ ಇಂದಿನಿಂದ ಎರಡು ದಿನಗಳ ಪ್ರದರ್ಶನವನ್ನು ಆಯೋಜಿಸಿದೆ.
ನಗರದ ಓಶಿಯನ್ ಪರ್ಲ್ ಹೊಟೇಲ್ನಲ್ಲಿ ‘ವಧುವಿನ ಹೆಮ್ಮೆ...ಮುಂಬೈಯ ಶೈಲಿ-ದಕ್ಷಿಣ ಭಾರತದ ಗುಣಮಟ್ಟ’ ಎಂಬ ಶೀರ್ಷಿಕೆಯಡಿ ಈ ಪ್ರದರ್ಶನ ನಡೆಯುತ್ತಿದೆ.
ಟಿಡಿಎಫ್-ಚಿನ್ನ ಮತ್ತು ವಜ್ರಾಭರಣಗಳು ತಮ್ಮ ನಾಲ್ಕು ಖ್ಯಾತ ಸಬ್ ಬ್ರಾಂಡ್ಗಳೊಂದಿಗೆ ಪ್ರದರ್ಶನಗೊಳ್ಳುತ್ತಿದೆ. ನಿತ್ಯ ಬಳಕೆಯ ಕಡಿಮೆ ತೂಕದ ಆಭರಣಗಳಾಗಿರುವ ರೊಝಾನಾ, ಕುಶಲಕರ್ಮಿಗಳಿಂದ ತಯಾರಿಸಲ್ಪಟ್ಟ ‘ನಕ್ಷಿ ಟೆಂಪಲ್ ಗೋಲ್ಡ್ ಜುವೆಲ್ಲರಿ’ ಮತ್ತು ‘ಅನ್ಕಟ್ ಡೈಮಂಡ್ ಜಾದೂ’ ಜುವೆಲ್ಲರಿ ಗಳು, ದೇಶದ ಶ್ರೀಮಂತ, ಅಪರೂಪದ ಹಾಗೂ ರಾಯಲ್ ಸಂಸ್ಕೃತಿಯನ್ನು ಪ್ರತಿಬಿಂಬಿಸುತ್ತಿರುವ ರೋಯಲ್ ಹೆರಿಟೇಜ್ಗಳು ಪ್ರದರ್ಶನದಲ್ಲಿವೆ.
ನಿಶ್ಚಿತಾರ್ಥದಿಂದ ಹಿಡಿದು ಮದುವೆ ಹಾಗೂ ಇತರ ಶುಭ ಸಂದರ್ಭಗಳಲ್ಲಿ ಧರಿಸಬಹುದಾದ ಆಲಂಕಾರಿಕ ಚಿನ್ನ ಮತ್ತು ವಜ್ರದ ಆಭರಣಗಳ ಸಂಗ್ರಹ, ಶುಭ್, ಸೃಜನ ಶೀಲ ವಿನ್ಯಾಸಗಳಿಂದ ಕೂಡಿದ ಕಲಾತ್ಮಕ ಆಭರಣಗಳ ಸಂಗ್ರಹವಾಗಿರುವ ‘ತಮ್ಮನ್ನಾ’ ಗ್ರಾಹಕರ ಮನಸೂರೆ ಗೊಂಡಿದೆ. ವಜ್ರ ಮತ್ತು ಚಿನ್ನದ ಆಭರಣಗಳ ರಿಟೇಲ್ ಸಮೂಹವನ್ನು ಹೊಂದಿರುವ ‘ಟಿಡಿಎಫ್ ಡೈಮಂಡ್ಸ್ ಆ್ಯಂಡ್ ಗೋಲ್ಡ್’ ಸಂಸ್ಥೆಯು ಬಾಂದ್ರಾ, ಅಂಧೇರಿ ಮತ್ತು ವಾಶಿಗಳಲ್ಲಿ ರಿಟೇಲ್ ಔಟ್ಲೆಟ್ಗಳನ್ನು ಹೊಂದಿದೆ. 1999ರಲ್ಲಿ ಟಿಡಿಎಫ್- ಡೈಮಂಡ್ ಫ್ಯಾಕ್ಟರಿ ಆರಂಭ ಗೊಂಡಿದ್ದು, ಸಂಸ್ಥೆಯು ಉತ್ಪಾದನಾ ಘಟಕ ಮತ್ತು ಸಗಟು ವ್ಯಾಪಾರವನ್ನು ಹೊಂದಿದೆ. ಗ್ರಾಹಕರಿಗೆ ಒದಗಿಸಿದ ಉತ್ತಮ ಗುಣಮಟ್ಟ ಮತ್ತು ವಿನ್ಯಾಸಗಳ ಮೂಲಕ ಈ ಕ್ಷೇತ್ರದಲ್ಲಿ ಕಂಪೆನಿ ಉತ್ತಮ ಹೆಸರನ್ನು ಗಳಿಸಿದೆ. ಸಾಂಪ್ರದಾಯಿಕ ದಕ್ಷಿಣ ಭಾರತೀಯ ಮತ್ತು ಸಮಕಾಲೀನ ಆಭರಣಗಳ ಸಮಪ್ರಮಾಣದ ಮಿಶ್ರಣದಿಂದ ಕೂಡಿದ ತನ್ನ ವಿಶೇಷ ಹಾಗೂ ಸೊಗಸಾದ ವಜ್ರ ಹಾಗೂ ಚಿನ್ನಾಭರಣಗಳ ವಿನ್ಯಾಸಗಳಿಗೆ ಟಿಡಿಎಫ್ ಹೆಸರುವಾಸಿಯಾಗಿದೆ. ಹೊಸ ಚಿನ್ನ ಖರೀದಿಯ ವೇಳೆ ಗ್ರಾಹಕರಿಗೆ ಹಳೆಯ ಚಿನ್ನಕ್ಕೆ ಸಂಪೂರ್ಣ ವೌಲ್ಯವನ್ನು ಟಿಡಿಎಫ್ ನೀಡಲಿದ್ದು, ಮಾಸಿಕ ಆಕರ್ಷಕ ‘ಬಂಧನ’ ಯೋಜನೆಯೂ ಲಭ್ಯವಾಗಲಿದೆ ಎಂದು ಪ್ರಕಟನೆ ತಿಳಿಸಿದೆ.
