ಮನ್ ಕೀ ಬಾತ್ನಿಂದ ಬಡವರ ಹೊಟ್ಟೆ ತುಂಬಲ್ಲ
ಮನ್ ಕೀ ಬಾತ್ನಿಂದ ಬಡವರ ಹೊಟ್ಟೆ ತುಂಬಲ್ಲ
-ಬಿ.ಕೆ ಹರಿಪ್ರಸಾದ್, ಕಾಂಗ್ರೆಸ್ ನಾಯಕ
ಕೇಸರಿ ಬಾತ್ ತರ ಅದೂ ಒಂದು ತಿಂಡಿ ಎಂದು ಜನರು ಭಾವಿಸಿ ತಿನ್ನಬೇಕಾಗಿದೆ.
---------------------
ಜನಸೇವಕನೇ ನಿಜವಾದ ಜನನಾಯಕ
-ಪ್ರಮೋದ್ ಮಧ್ವರಾಜ್, ಸಚಿವ
ಸಚಿವ, ಶಾಸಕರೆಲ್ಲ ಹಾಗಾದರೆ ಏನು?
---------------------
ನಮ್ಮ ಪ್ರಜಾಪ್ರಭುತ್ವ ಅತ್ಯಂತ ಪ್ರಬುದ್ಧವಾಗಿದೆ
-ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ
ಆದರೆ ಅದು ಅಪ್ರಬುದ್ಧರ ಕೈಯಲ್ಲಿ ಸಿಲುಕಿ ನರಳುತ್ತಿದೆ.
---------------------
ನಮ್ಮ ಜೀವನವನ್ನು ಭಾವನೆಗಳು ಆಳುತ್ತವೆ
-ಬಾಬಾ ರಾಮ್ದೇವ್, ಯೋಗಗುರು
ಭಾವನೆಗಳ ತಳಹದಿಯ ಮೇಲೆ ತಾನೆ ನಿಮ್ಮ ಪತಂಜಲಿ ನಿಂತಿರುವುದು.
---------------------
ಇಂದಿನ ರಾಜಕಾರಣಿಗಳು ಯಾರೂ ಪ್ರಾಮಾಣಿಕರಲ್ಲ
-ಬಸವರಾಜ ರಾಯರೆಡ್ಡಿ, ಸಚಿವ
ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿರುವ ಹಾಗಿದೆ.
---------------------
ವರ್ಷಕ್ಕೆ ಒಂದು ಬಾರಿ ಖಾದಿ ಹಾಕುವವರು ದೇಶಭಕ್ತರಲ್ಲ
-ಪ್ರಹ್ಲಾದ್ ಜೋಷಿ, ಸಂಸದ
ಖಾದಿಯ ಜೊತೆಗೆ ಕೇಸರಿಯನ್ನೂ ಧರಿಸಬೇಕೇ?
---------------------
ಹಿಂದ ವರ್ಗದ ಅಭಿವೃದ್ಧಿ ಆಗುವವರೆಗೂ ವಿಶ್ರಮಿಸುವುದಿಲ್ಲ
-ಕೆ.ಎಸ್ ಈಶ್ವರಪ್ಪ, ವಿ.ಪ.ವಿ.ಪ ನಾಯಕ
ಯಡಿಯೂರಪ್ಪರನ್ನು ಹಿಂದೆ ಹಾಕುವವರೆಗೆ ಎಂದರೆ ಇನ್ನೂ ಅರ್ಥಪೂರ್ಣವಾಗಿರುತ್ತಿತ್ತು.
---------------------
ಅಜ್ಞಾತವಾಸದಲ್ಲಿದ್ದ ಪಾಂಡವರನ್ನು ಹುಡುಕಲು ಕೌರವರು ಗೋ ಅಪಹರಣ ಮಾಡಿದ್ದರು
-ರಾಘವೇಶ್ವರ ಭಾರತಿ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಸೈರಂಧ್ರಿಯ ಸೀರೆಗೆ ಕೈ ಹಾಕಿದ ಕೀಚಕನ ಉದಾಹರಣೆ ಯಾಕೆ ನೀಡಬಾರದು?
---------------------
ಕೇಜ್ರಿವಾಲ್ ಸಂಪುಟ ಸದಸ್ಯರು ಭ್ರಷ್ಟಾಚಾರ ಆರೋಪದ ಮೇಲೆ ಜೈಲಿಗೆ ಹೋಗುತ್ತಿರುವುದು ಬೇಸರದ ಸಂಗತಿ
-ಅಣ್ಣಾ ಹಝಾರೆ, ಸಾಮಾಜಿಕ ಹೋರಾಟಗಾರ
ಒಳಗೊಳಗೆ ಸಂಭ್ರಮಪಡುತ್ತಿರುವ ವಿಷಯವೂ ಬಹಿರಂಗವಾಗಿದೆ.
---------------------
ಪಿಡಿಪಿ ನಾಯಕಿ ಮೆಹಬೂಬ ಮುಫ್ತಿ ನಾಯಿ ಬಾಲ ಇದ್ದಂತೆ
-ಸುಬ್ರಮಣಿಯನ್ ಸ್ವಾಮಿ, ಬಿಜೆಪಿ ನಾಯಕ
ಮತ್ತೇಕೆ ಆ ಬಾಲಕ್ಕೆ ಜೋತು ಬಿದ್ದಿದ್ದೀರಿ?
---------------------
ಗಾಜಿನ ಮನೆಯಲ್ಲಿ ಕುಳಿತವರು ಇತರರ ಕಡೆಗೆ ಕಲ್ಲು ತೂರಬಾರದು
-ಗೌತಮ್ ಬಾಂದಾವಲೆ, ಪಾಕ್ನಲ್ಲಿರುವ ಭಾರತದ ಹೈಕಮಿಷನರ್
ಗುಂಡಿನ ದಾಳಿ ನಡೆಸಬಹುದೇ?
---------------------
ಖಾಸಗಿ ಶಾಲೆಗಳ ಜತೆ ಸ್ಪರ್ಧೆ ಮಾಡುವ ಧೈರ್ಯವನ್ನು ಸರಕಾರಿ ಶಾಲೆಯ ಶಿಕ್ಷಕರು ಬೆಳೆಸಿಕೊಳ್ಳಬೇಕು
-ಶೋಭಾ ಕರಂದ್ಲಾಜೆ, ಸಂಸದೆ
ಆ ಧೈರ್ಯವನ್ನು ಮೊದಲು ಸರಕಾರ ಪ್ರದರ್ಶಿಸಬೇಕಾಗಿದೆ.
---------------------
ಹುಟ್ಟಿದವರೆಲ್ಲ ಬಸವ ಆಗಲು ಸಾಧ್ಯವಿಲ್ಲ
-ಡಿ.ಕೆ ಶಿವಕುಮಾರ್, ಸಚಿವ
ಆದರೆ ತಮ್ಮ ಹಾಗೆ ಬೋಳೆ ಬಸವ ಆಗುವುದಕ್ಕೆ ಸಾಧ್ಯ.
---------------------
ನಾನು ಪಂಜಾಬಿ ಆಗಿದ್ದರೂ ಮದುವೆಯಾಗಿದ್ದು ಬ್ರಾಹ್ಮಣನನ್ನು. ಆದ್ದರಿಂದ ನಾನು ಬ್ರಾಹ್ಮಣ ಮಹಿಳೆ
-ಶೀಲಾ ದೀಕ್ಷಿತ್, ಕಾಂಗ್ರೆಸ್ ನಾಯಕಿ
ಬಹಳ ದುಃಖದ ವಿಷಯ.
---------------------
ಮನುಷ್ಯನಿಗೆ ಆರ್ಥಿಕ ಬಡತನ ಇದ್ದರೂ ಹೃದಯ ಬಡತನ ಇರಬಾರದು
-ವೀರೇಂದ್ರ ಹೆಗ್ಗಡೆ, ಧರ್ಮಾಧಿಕಾರಿ, ಧರ್ಮಸ್ಥಳ
ಹೃದಯ ಶ್ರೀಮಂತಿಕೆಯನ್ನು ಬಡ್ಡಿಗೆ ಸಾಲ ನೀಡುವ ಯೋಜನೆಯೇನಾದರೂ ಇದೆಯೇ?
---------------------
ಪಾಕಿಸ್ತಾನ ಭಯೋತ್ಪಾದಕರನ್ನು ಉತ್ಪಾದಿಸುವ ಮತ್ತು ರಫ್ತು ಮಾಡುವ ದೇಶ
-ನರೇಂದ್ರ ಮೋದಿ, ಪ್ರಧಾನಿ
ನೀವು ಆಮದು ಮಾಡಿಕೊಳ್ಳಲು ಅತ್ಯುತ್ಸಾಹದಲ್ಲಿರುವಾಗ, ಅವರು ರಫ್ತು ಮಾಡದೇ ಇರುತ್ತಾರೆಯೇ?
---------------------
ಬಿಜೆಪಿಯಲ್ಲಿ ನಾನು ಆಲಂಕಾರಿಕ ವಸ್ತುವಿನಂತಿದ್ದೆ
-ನವಜೋತ್ ಸಿಂಗ್ ಸಿಧು, ಮಾಜಿ ಸಂಸದ
ಬರೇ ಅಲಂಕಾರಕ್ಕಷ್ಟೇ ಸೀಮಿತ ಎಂದಾಯಿತು.
---------------------
ರಾಹುಲ್ ಗಾಂಧಿ ಒಳ್ಳೆಯ ಮನುಷ್ಯ
-ಅಖಿಲೇಶ್ ಯಾದವ್, ಉ.ಪ.ಮುಖ್ಯಮಂತ್ರಿ
ಅದಷ್ಟೇ ಚುನಾವಣೆ ಗೆಲ್ಲಲು ಸಾಕಾಗುವುದಿಲ್ಲ.
---------------------
ಪಾಠ ಮಾಡುವುದನ್ನು ಬಿಟ್ಟು ಜನಪ್ರತಿನಿಧಿಗಳ ಹಿಂದೆ ಸುತ್ತುವ ಶಿಕ್ಷಕರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು.
-ತನ್ವೀರ್ ಸೇಠ್, ಸಚಿವ
ಮುಖ್ಯಮಂತ್ರಿಯ ಹಿಂದೆ ಸುತ್ತುವ ಸಚಿವರ ವಿರುದ್ಧವೂ ಕ್ರಮ ತೆಗೆದುಕೊಳ್ಳಬೇಕು.
---------------------
ಧರ್ಮ ರಕ್ಷಣೆ ನಮ್ಮ ಕರ್ತವ್ಯವಾಗಬೇಕು
-ವಜುಭಾಯಿ ವಾಲ, ರಾಜ್ಯಪಾಲ
ರಾಜಧರ್ಮದ ಗತಿ?
---------------------
ನಾನಿನ್ನೂ ತಾಜ್ಮಹಲ್ ನೋಡಿಲ್ಲ
-ಬರಾಕ್ ಒಬಾಮ, ಅಮೆರಿಕ ಅಧ್ಯಕ್ಷ
ಸಂಘಪರಿವಾರದ ಕಣ್ಣು ಅದರ ಮೇಲೆ ಬೀಳುವ ಮೊದಲು ಒಮ್ಮೆ ನೋಡಿಬಿಡಿ.
---------------------
ಜಯಲಲಿತಾ ತವರು ಮನೆಗೆ ಅನ್ಯಾಯ ಮಾಡಬಾರದು
-ಭಾರತಿ ವಿಷ್ಣುವರ್ಧನ್, ನಟಿ
ಹಾಗೆಂದು ಗಂಡನ ಮನೆಗೆ ದ್ರೋಹ ಬಗೆಯುವುದಕ್ಕಾಗುತ್ತದೆಯೇ?
---------------------
ಭಾರತಕ್ಕೆ ಬರುವ ಆಸೆ ಇದೆ. ಆದರೆ ಪಾಸ್ಪೋರ್ಟ್ ಇಲ್ಲ
-ವಿಜಯ ಮಲ್ಯ, ಉದ್ಯಮಿ ನೀವೇ ಬರಬೇಕಾಗಿಲ್ಲ, ನಮ್ಮ ಪೊಲೀಸರನ್ನು ಅಲ್ಲಿಗೇ ಕಳುಹಿಸಿಕೊಡುತ್ತೇವೆ.
---------------------
ಕನ್ನಡ ಕಲಿತ ಮಕ್ಕಳು ಬಾವಿಯೊಳಗಿನ ಕಪ್ಪೆಗಳಂತಾಗುತ್ತಾರೆ
-ನಾ.ಆನಂದ ಬೈರಾರೆಡ್ಡಿ, ಹೈಕೋರ್ಟ್ ನ್ಯಾಯಮೂರ್ತಿ
ಬಾವಿಯೊಳಗೆ ಕುಳಿತು ನೀಡಿದ ಹೇಳಿಕೆ.
---------------------
ಮೋದಿ ಪ್ರಧಾನಿಯಾಗಬೇಕು ಎನ್ನುವ ಕಾರಣಕ್ಕೆ ಗೊತ್ತು ಗುರಿ ಇಲ್ಲದವರೆಲ್ಲ ಸಂಸದರಾದರು
-ಎಚ್.ಡಿ ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಮೋದಿಯವರನ್ನು ಇಳಿಸುವುದಕ್ಕಾಗಿ ಅವರನ್ನೆಲ್ಲ ಜನರೇ ಇಳಿಸುತ್ತಾರೆ ಬಿಡಿ.
---------------------
