ಬೋಟಿನೊಳಗೆ ಕುಸಿದು ಬಿದ್ದು ಮೃತ್ಯು

ಮಲ್ಪೆ, ಸೆ.15: ಮಲ್ಪೆಬಂದರಿನಲ್ಲಿ ನಿಲ್ಲಿಸಿದ ಬೋಟಿನೊಳಗೆ ಮೀನುಗಾರರೊಬ್ಬರು ಕುಸಿದು ಬಿದ್ದು ಮೃತಪಟ್ಟ ಘಟನೆ ಸೆ.14ರಂದು ಬೆಳಗ್ಗಿನ ಜಾವ ನಡೆದಿದೆ.
 ಮೃತರನ್ನು ನಾರಾಯಣ ಬೆಲ್ಚಡ(39) ಎಂದು ಗುರುತಿಸಲಾಗಿದೆ. ಇವರು ಮೀನುಗಾರಿಕೆ ಮುಗಿಸಿ ವಾಪಸು ಮಲ್ಪೆಧಕ್ಕೆಗೆ ಬಂದು ಬೋಟಿನಲ್ಲಿ ಮೀನಿನ ಬಲೆಯನ್ನು ಎಳೆಯುವಾಗ ಕುಸಿದು ಬಿದ್ದು ತೀವ್ರವಾಗಿ ಅಸ್ವಸ್ಥಗೊಂಡಿದ್ದರು. ತಕ್ಷಣ ಅವರನ್ನು ಉಡುಪಿ ಸರಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ ಅವರು ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟರು. ಈ ಬಗ್ಗೆ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.