ಬುರ್ಲಿಂಗ್ಟನ್‌ ಮಾಲ್‌ ಮೇಲೆ ದಾಳಿ ನಡೆಸಿದ ಆರೋಪಿ ಸೆರೆ

ವಾಶಿಂಗ್ಟನ್‌, ಸೆ. 25: ಬುರ್ಲಿಂಗ್ಟನ್‌ ನಲ್ಲಿರುವ  ಶಾಪಿಂಗ್‌ ಮಾಲ್‌ ಮೇಲೆ  ಗುಂಡಿನ ದಾಳಿ ನಡೆಸಿ ನಾಲ್ವರ ಸಾವಿಗೆ ಕಾರಣವಾದ ಪ್ರಕರಣದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಕಾಸ್ಕೆಡ್‌  ಮಾಲ್‌ನಲ್ಲಿ ಶುಕ್ರವಾರ ರಾತ್ರಿ ನಡೆದ ಗುಂಡಿನ ದಾಳಿಯ ಪರಿಣಾಮವಾಗಿ ನಾಲ್ವರು ಮಹಿಳೆಯರು ಹಾಗೂ ಓರ್ವ ಪುರುಷ ಸೇರಿದಂತೆ ಐವರು ಮೃತಪಟ್ಟಿದ್ದಾರೆ.
ಬಂಧಿತನ ವಿವರವನ್ನು ಬಹಿರಂಗಪಡಿಸಲಾಗಿಲ್ಲ. ಆತನ ದಾಳಿಯ ಉದ್ದೇಶ ಗೊತ್ತಾಗಿಲ್ಲ.  ಇಪ್ಪತ್ತರ ಹರೆಯದ ಅರ್ಕನ್‌ ಸೆಟೆನ್‌ ಮೂಲತ: ಟರ್ಕಿ ದೇಶದ ನಿವಾಸಿ. ಈಗ ಅಮೆರಿಕದಲ್ಲಿ ನೆಲೆಸಿದ್ದಾನೆ ಎಂದು ತಿಳಿದು ಬಂದಿದೆ.
ಶನಿವಾರ ರಾತ್ರಿ ಸೆಟೆನ್‌ ಓಕ್‌ ಹಾರ್ಬರ್‌ ನ ಮನೆಯ ಬಳಿ ನಡೆದುಕೊಂಡು ಹೋಗುತ್ತಿದ್ದಾಗ ಆತನನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಈ ಸಂದರ್ಭದಲ್ಲಿ ಅವನಲ್ಲಿ ಶಸ್ತ್ರಾಸ್ತ್ರ ಇರಲಿಲ್ಲ ಎಂದು ತಿಳಿದು ಬಂದಿದೆ.