12.77ಲಕ್ಷ ವೌಲ್ಯದ ಮೊಬೈಲ್, ನಗದು ಕಳವು

ಉಡುಪಿ, ಅ.4: ಕಡಿಯಾಳಿಯ ಹಿಮಾಲಯ ಪ್ರಿಸ್ಟೇಜ್ ಕಟ್ಟಡದಲ್ಲಿರುವ ಸ್ಯಾಮ್‌ಸಂಗ್ ಪ್ಲಾಜಾ ಎಲೆಕ್ಟ್ರಾನಿಕ್ಸ್ ಶೋರೂಮ್‌ಗೆ ಅ.2ರಂದು ರಾತ್ರಿ ವೇಳೆ ನುಗ್ಗಿದ ಕಳ್ಳರು ಲಕ್ಷಾಂತರ ರೂ. ವೌಲ್ಯದ ಮೊಬೈಲ್‌ಗಳು ಮತ್ತು ನಗದನ್ನು ಕಳವು ಮಾಡಿದ್ದಾರೆ.

ಶೋರೂಂನ ಶಟರ್‌ನ್ನು ಎಳೆದು ಒಳಗಿನ ಗಾಜಿನ ಬಾಗಿಲನ್ನು ದೂಡಿ ಒಳನುಗ್ಗಿದ ಕಳ್ಳರು, ಕ್ಯಾಶ್ ಡ್ರಾವರಿನಲ್ಲಿದ್ದ 81,635ರೂ. ನಗದು ಮತ್ತು ಮೊಬೈಲ್ ಕೌಂಟರಿನಲ್ಲಿಟ್ಟಿದ್ದ 11,95,878ರೂ. ಮೌಲ್ಯದ 63 ಮೊಬೈಲ್ ಗಳನ್ನು ಕಳವುಗೈದಿದ್ದಾರೆ.

ಕಳವಾದ ಸೊತ್ತುಗಳ ಒಟ್ಟು ವೌಲ್ಯ 12,77,513 ರೂ. ಅಂದಾಜಿಸಲಾಗಿದೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.