ಗೃಹ ಉತ್ಪನ್ನಗಳ ತರಬೇತಿಗೆ ಅರ್ಜಿ ಆಹ್ವಾನ

ಮಣಿಪಾಲ, ಅ.20: ಮಣಿಪಾಲದ ಭಾರತೀಯ ವಿಕಾಸ ಟ್ರಸ್ಟ್ ನಲ್ಲಿ ಆಸಕ್ತ ಮಹಿಳೆ/ಯುವತಿಯರಿಗೆ ನ.9ರಿಂದ 1ರವರೆಗೆ ಗೃಹ ಉತ್ಪನ್ನಗಳಾದ ಸಾಂಬಾರು ಹುಡಿ, ಹಪ್ಪಳ, ಫಿನಾಯಿಲ್ ತಯಾರಿಕೆ ಮತ್ತು ಗೃಹ ನಿರ್ವಹಣೆ ಕುರಿತು 3 ದಿನಗಳ ಉಚಿತ ತರಬೇತಿಯನ್ನು ಹಮ್ಮಿಕೊಳ್ಳಲಾಗಿದೆ. ಆಸಕ್ತರು ತಮ್ಮ ಭಾಗವಹಿಸುವಿಕೆಯನ್ನು ಭಾರತೀಯ ವಿಕಾಸ ಟ್ರಸ್ಟ್, ಮಣಿಪಾಲ ಅಂಬಾಗಿಲು ರಸ್ತೆ, ಉಡುಪಿ (ದೂ.:0820-2570263) ಇಲ್ಲಿಗೆ ಸಂಪರ್ಕಿಸುವ ಮೂಲಕ ನ.5ರೊಳಗೆ ನೋಂದಾಯಿಸಿಕೊಳ್ಳುವಂತೆ ತಿಳಿಸಲಾಗಿದೆ. ಅಭ್ಯರ್ಥಿಗಳು ನ.9ರಂದು ಬೆಳಗ್ಗೆ 9:30ಕ್ಕೆ ಭಾರತೀಯ ವಿಕಾಸ ಟ್ರಸ್ಟಿನಲ್ಲಿ ಹಾಜರಿರಬೇಕು ಎಂದು ಸಂಸ್ಥೆ ಪ್ರಕಟನೆಯಲ್ಲಿ ತಿಳಿಸಿದೆ.