ಐಯುಎಂಎಲ್ ಅಧ್ಯಕ್ಷ ಇ.ಅಹ್ಮದ್ ಆಸ್ಪತ್ರೆಗೆ ದಾಖಲು

ಕೊಚ್ಚಿ, ನ.10:ಉಮ್ರಾ ಯಾತ್ರೆ ಕೈಗೊಂಡಿರುವ  ಮಾಜಿ ಕೇಂದ್ರ ಸಚಿವ ಐಯುಎಂಎಲ್ ನ ರಾಷ್ಟ್ರೀಯ ಅಧ್ಯಕ್ಷ ಇ.ಅಹ್ಮದ್  ಅವರು ಅನಾರೋಗ್ಯದ ಕಾರಣದಿಂದಾಗಿ ಸೌದಿ ಅರೇಬಿಯಾದ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಉಸಿರಾಟದ ಸಮಸ್ಯೆ ಎದುರಿಸುತ್ತಿರುವ ಅಹ್ಮದ್‌  ಅವರು ಜಿದ್ದಾದ ಕಿಂಗ್ ಫಹಾದ್ ಹಾಸ್ಪಿಟಲ್‌ ಗೆ ಬುಧವಾರ ದಾಖಲಾಗಿದ್ದಾರೆ. ಆಸ್ಪತ್ರೆಯ ತೀವ್ರ ನಿಗಾ ವಿಭಾಗದಲ್ಲಿ ಚಿಕಿತ್ಸೆ ಪಡೆಯುತ್ತಿರುವ  ಅವರು ಚೇತರಿಸಿಕೊಳ್ಳುತ್ತಿದ್ದಾರೆಂದು  ಕಚೇರಿ ಮೂಲಗಳು ತಿಳಿಸಿದೆ.