ಪಾಕಿಸ್ತಾನದಲ್ಲಿ ನೂತನವಾಗಿ ನಿರ್ಮಾಣಗೊಂಡಿರುವ ಗ್ವಾದರ್ ಬಂದರಿನ ಮೂಲಕ ಮಧ್ಯಪ್ರಾಚ್ಯ ಹಾಗೂ ಆಫ್ರಿಕಕ್ಕೆ ಚೀನಾದ ಸರಕು ಸಾಗಣೆ ಹಡಗು ಪ್ರಯಾಣಿಸುವುದರೊಂದಿಗೆ ರವಿವಾರ ಹೊಸ ಅಂತಾರಾಷ್ಟ್ರೀಯ ವಾಣಿಜ್ಯ ಮಾರ್ಗವೊಂದು ತೆರೆದುಕೊಂಡಿತು. ಈ ಸಂದರ್ಭದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪಾಕಿಸ್ತಾನದ ಪ್ರಧಾನಿ ನವಾಝ್ ಶರೀಫ್, ಪಾಕ್ ಸೇನಾ ವರಿಷ್ಠ ಜನರಲ್ ರಾಹಿಲ್ ಶರೀಫ್ ಹಾಗೂ ಪಾಕಿಸ್ತಾನದಲ್ಲಿನ ಚೀನಿ ರಾಯಭಾರಿ ಸುನ್‌ವಿಡೊಂಗ್ ಭಾಗವಹಿಸಿದ್ದರು.