ಬಾರಾಮುಲ್ಲಾದಲ್ಲಿ ಉಗ್ರರೊಂದಿಗೆ ಗುಂಡಿನ ಕಾಳಗ ; ಓರ್ವ ಪೊಲೀಸ್ ಪೇದೆ ಸಾವು

ಶ್ರೀನಗರ, ನ. 16:  ಉತ್ತರ ಕಾಶ್ಮೀರದ ಬಾರಮುಲ್ಲಾದಲ್ಲಿ ಇಂದಿಗೆ  ಉಗ್ರರೊಂದಿಗೆ ನಡೆದ  ಗುಂಡಿನ ಕಾಳಗದ ವೇಳೆ ಓರ್ವ ಪೊಲೀಸ್‌ ಪೇದೆ ಮೃತಪಟ್ಟಿದ್ದಾರೆ.
ಪೊಲೀಸ್‌ ಪೇದೆ ಮುಹಮ್ಮದ್‌ ಶಫಿ ಉಗ್ರರ ಗುಂಡಿಗೆ ಬಲಿಯಾಗಿದ್ದಾರೆ. ಝಲೋರಾದ ಕಾಡಿನಲ್ಲಿ  ಅಡಗಿರುವ ಖಚಿತ ವರ್ತಮಾನದ ಮೇರೆಗೆ ಭದ್ರತಾ ಪಡೆ ಮತ್ತು ಪೊಲೀಸರು ಕಾರ್ಯಾಚರಣೆ ಆರಂಭಿಸಿದ್ದರು. ಈ ವೇಳೆ ನಡೆದ ಗುಂಡಿನ ಕಾಳಗದಲ್ಲಿ ಪೊಲೀಸ್‌ ಪೇದೆ ಮುಹಮ್ಮದ್‌ ಶಫಿ ಗಂಭೀರ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟರು ಎಂದು ಅಧಿಕೃತ ಮೂಲಗಳು ತಿಳಿಸಿವೆ.