ಮೊಝಾಂಬಿಕ ದಲ್ಲಿ ಪೆಟ್ರೋಲ್ ಟ್ಯಾಂಕರ್ ಸ್ಫೋಟ ;73 ಮಂದಿ ಸಾವು

ಮಾಪುಟೊ, ನ.18: ಪಶ್ಚಿಮ ಮೊಝಾಂಬಿಕ್ ನ ಗ್ರಾಮವೊಂದರಲ್ಲಿ ಆಯಿಲ್ ಟ್ಯಾಂಕ್ ಟ್ರಕ್ ಸ್ಫೋಟಗೊಂಡ ಪರಿಣಾಮವಾಗಿ 73ಕ್ಕೂ ಅಧಿಕ ಜನರು ಸಾವಿಗೀಡಾಗಿದ್ದಾರೆ. 110ಕ್ಕೂ  ಹೆಚ್ಚು ಮಂದಿ ಗಾಯಗೊಂಡ ಘಟನೆ ಗುರುವಾರ ನಡೆದಿದೆ.
ಮೊಝಾಂಬಿಕ್ ನ ಕ್ಯಾಫ್ರಿಡ್ ಝಾಂಗ್ ಗ್ರಾಮದ ಮಾಲ್ವಿ ಎಂಬಲ್ಲಿ ನಾಗರಿಕರೊಬ್ಬರು ಆಯಿಲ್ ಟ್ಯಾಂಕ್ ಟ್ರಕ್ ನಿಂದ ಪೆಟ್ರೋಲ್ ತೆಗೆಯುವ ಯತ್ನದಲ್ಲಿದ್ದಾಗ ಟ್ಯಾಂಕ್ ಸಿಡಿದು ಟ್ರಕ್‌ ಗೆ ಬೆಂಕಿ ಹತ್ತಿಕೊಂಡಿತು ಎನ್ನಲಾಗಿದೆ. ಮೃತಪಟ್ಟವರಲ್ಲಿ ಹಲವು ಮಂದಿ ಮಕ್ಕಳು ಸೇರಿದ್ದಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.