ಕರಾವಳಿ ಉತ್ಸವ: ಸಾಂಸ್ಕೃತಿಕ ತಂಡಗಳ ಆಹ್ವಾನ

ಮಂಗಳೂರು, ನ.29: ಕರಾವಳಿ ಉತ್ಸವದ ಪ್ರಯುಕ್ತ ಡಿ.23ರಂದು ವೈಶಿಷ್ಟಪೂರ್ಣವಾದ ಸಾಂಸ್ಕೃತಿಕ ಮೆರವಣಿಗೆ ದಿಬ್ಬಣ ಸ್ವರೂಪದಲ್ಲಿ ಹಮ್ಮ್ಮಿಕೊಳ್ಳಲಾಗಿದೆ. ನಾಡುನುಡಿಯನ್ನು ಪ್ರತಿಬಿಂಬಿಸುವ ವೇಷಧಾರಿ ತಂಡಗಳು, ದಫ್, ತಾಲೀಮು, ಗೊಂಬೆ ಕುಣಿತ, ಯಕ್ಷಗಾನ, ಕೋಲಾಟ, ಮಂಗಳವಾದ್ಯ, ಹುಲಿವೇಷ, ಇತ್ಯಾದಿ ಜಿಲ್ಲೆಯನ್ನು ಪ್ರತಿಬಿಂಬಿಸುವ, ಸಾಂಸ್ಕೃತಿಕ ತಂಡಗಳಿಗೆ ಸಂಘ-ಸಂಸ್ಥೆಗಳಿಗೆ, ತಮ್ಮ ಸಾಧನೆಯನ್ನು ಸಾರ್ವಜನಿಕವಾಗಿ ಅಭಿವ್ಯಕ್ತ ಪಡಿಸಲು ಮತ್ತು ಹೊರರಾಜ್ಯ ಮತ್ತು ಕರ್ನಾಟಕದ ಇನ್ನಿತರ ಜಿಲ್ಲೆಗಳ ಜಾನಪದ ಮತ್ತು ಸಂಸ್ಕೃತಿಯನ್ನು ಬಿಂಬಿಸುವ ತಂಡಗಳಿಗೆ ಭಾಗವಹಿಸಲು ಅವಕಾಶ ಕಲ್ಪಿಸಲಾಗಿದೆ.

ಆಸಕ್ತ ತಂಡಗಳು ಡಿ.13ರೊಳಗೆ ಪ್ರತಿನಿಧಿಸುವ ಸಂಸ್ಥೆಯ ಹೆಸರು, ಪ್ರಸ್ತುತಪಡಿಸುವ ಸಾಂಸ್ಕೃತಿಕ ಪ್ರಕಾರ, ಸದಸ್ಯರ ಸಂಖ್ಯೆ ಇನ್ನಿತರ ವಿವರಗಳನ್ನು ಸದಸ್ಯ ಕಾರ್ಯದರ್ಶಿ, ಕರಾವಳಿ ಉತ್ಸವ ಮೆರವಣಿಗೆ ಸಮಿತಿ, ಮಂಗಳೂರು ತಾಲೂಕು ತಹಶೀಲ್ದಾರರ ಕಚೇರಿಗೆ ತಲುಪಿಸಬಹುದು ಎಂದು ಪ್ರಕಟನೆ ತಿಳಿಸಿದೆ.